ਪੱਛਮੀ ਬੰਗਾਲ : ਕਲਕੱਤਾ ਹਾਈ ਕੋਰਟ ਵਿੱਚ ਦੇਸ਼ ਦੇ ਸਭ ਤੋਂ ਪੁਰਾਣੇ ਮੁਕੱਦਮੇ ਵਿੱਚੋਂ ਇੱਕ ਦਾ ਆਖਿਰਕਾਰ 72 ਸਾਲਾਂ ਬਾਅਦ ਨਿਪਟਾਰਾ ਹੋ ਗਿਆ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਕਲਕੱਤਾ ਹਾਈ ਕੋਰਟ ਦੇ ਮੌਜੂਦਾ ਚੀਫ਼ ਜਸਟਿਸ ਪ੍ਰਕਾਸ਼ ਸ੍ਰੀਵਾਸਤਵ ਦਾ ਜਨਮ ਕੇਸ ਦਰਜ ਹੋਣ ਤੋਂ ਇੱਕ ਦਹਾਕਾ ਬਾਅਦ 1951 ਵਿੱਚ ਹੋਇਆ ਸੀ। ਫਿਲਹਾਲ, ਕਲਕੱਤਾ ਹਾਈ ਕੋਰਟ ਨੂੰ ਰਾਹਤ ਮਿਲੇਗੀ ਕਿ ਸਾਬਕਾ ਬਰਹਮਪੁਰ ਬੈਂਕ ਲਿਮਟਿਡ ਦੀ ਕਾਰਵਾਈ ਨੂੰ ਖਤਮ ਕਰਨ ਨਾਲ ਸਬੰਧਤ ਮੁਕੱਦਮੇ ਦਾ ਅੰਤ ਹੋ ਗਿਆ ਹੈ। ਹਾਲਾਂਕਿ, ਦੇਸ਼ ਦੇ ਅਗਲੇ ਪੰਜ ਸਭ ਤੋਂ ਪੁਰਾਣੇ ਪੈਂਡਿੰਗ ਕੇਸਾਂ ਵਿੱਚੋਂ ਦੋ ਦਾ ਨਿਪਟਾਰਾ ਹੋਣਾ ਬਾਕੀ ਹੈ। ਇਹ ਸਾਰੇ 1952 ਵਿੱਚ ਦਰਜ ਕੀਤੇ ਗਏ ਸਨ।
ਮੀਡੀਆ ਰਿਪੋਰਟਾਂ ਅਨੁਸਾਰ ਦੇਸ਼ ਦੇ ਤਿੰਨ ਸਭ ਤੋਂ ਪੁਰਾਣੇ ਕੇਸਾਂ ਵਿੱਚੋਂ ਦੋ ਦੀਵਾਨੀ ਕੇਸ ਮਾਲਦਾ, ਬੰਗਾਲ ਦੀ ਸਿਵਲ ਅਦਾਲਤਾਂ ਵਿੱਚ ਚੱਲ ਰਹੇ ਹਨ ਅਤੇ ਇੱਕ ਮਦਰਾਸ ਹਾਈ ਕੋਰਟ ਵਿੱਚ ਲਟਕ ਰਿਹਾ ਹੈ। ਮਾਲਦਾ ਦੀਆਂ ਅਦਾਲਤਾਂ ਨੇ ਲੰਬੇ ਸਮੇਂ ਤੋਂ ਚੱਲ ਰਹੇ ਇਨ੍ਹਾਂ ਮਾਮਲਿਆਂ ਨੂੰ ਨਿਪਟਾਉਣ ਦੀ ਕੋਸ਼ਿਸ਼ ਕਰਨ ਲਈ ਇਸ ਸਾਲ ਮਾਰਚ ਅਤੇ ਨਵੰਬਰ ਵਿੱਚ ਸੁਣਵਾਈ ਦੀਆਂ ਤਰੀਕਾਂ ਤੈਅ ਕੀਤੀਆਂ ਹਨ। ਨੈਸ਼ਨਲ ਜੁਡੀਸ਼ੀਅਲ ਡੇਟਾ ਗਰਿੱਡ ਵਿੱਚ ਬਰਹਮਪੁਰ ਕੇਸ ਦਾ ਜ਼ਿਕਰ 9 ਜਨਵਰੀ ਤੱਕ ਕਿਸੇ ਵੀ ਭਾਰਤੀ ਅਦਾਲਤ ਵਿੱਚ ਸੁਣੇ ਜਾਣ ਵਾਲੇ ਸਭ ਤੋਂ ਪੁਰਾਣੇ ਕੇਸ ਵਜੋਂ ਕੀਤਾ ਗਿਆ ਹੈ।
ਜਾਣੋ ਕੀ ਹੈ ਬਰਹਮਪੁਰ ਬੈਂਕ ਦਾ ਮਾਮਲਾ?
ਬਰਹਮਪੁਰ ਬੈਂਕ ਨੂੰ ਬੰਦ ਕਰਨ ਦੇ ਹੁਕਮ ਨੂੰ ਚੁਣੌਤੀ ਦੇਣ ਵਾਲੀ ਪਟੀਸ਼ਨ 1 ਜਨਵਰੀ 1951 ਨੂੰ ਦਾਇਰ ਕੀਤੀ ਗਈ ਸੀ ਅਤੇ ਉਸੇ ਦਿਨ 'ਕੇਸ ਨੰਬਰ 71/1951' ਵਜੋਂ ਦਰਜ ਕੀਤਾ ਗਿਆ ਸੀ। ਬਰਹਮਪੁਰ ਬੈਂਕ ਕਰਜ਼ਦਾਰਾਂ ਤੋਂ ਪੈਸੇ ਦੀ ਵਸੂਲੀ ਲਈ ਕਈ ਮੁਕੱਦਮਿਆਂ ਵਿੱਚ ਉਲਝਿਆ ਹੋਇਆ ਸੀ। ਇਨ੍ਹਾਂ 'ਚੋਂ ਬਹੁਤ ਸਾਰੇ ਕਰਜ਼ਦਾਰਾਂ ਨੇ ਬੈਂਕ ਦੇ ਦਾਅਵਿਆਂ ਨੂੰ ਚੁਣੌਤੀ ਦਿੰਦੇ ਹੋਏ ਅਦਾਲਤ ਦਾ ਰੁਖ ਕੀਤਾ ਸੀ।