ਦੇਸ਼ ਵਿੱਚ 2700 ਤੋਂ ਵੱਧ CAPF ਦੇ ਜਵਾਨ ਕੋਰੋਨਾ ਪਾਜ਼ੇਟਿਵ

 ਨਵੀਂ ਦਿੱਲੀ:  ਦੇਸ਼ ਵਿਚ ਕੋਰੋਨਾ ਦਾ ਕਹਿਰ  ਦਿਨੋ  ਦਿਨ ਵਧਦਾ ਜਾ ਰਿਹਾ  ਹੈ। ਦੇਸ਼ ਵਿਚ ਕੋਰੋਨਾ ਵਾਇਰਸ ਦੀ ਦੂਜੀ ਲਹਿਰ ਦੇ ਅੰਕੜੇ ਹੁਣ ਡਰਾਉਣ  ਲੱਗ ਗਏ ਹਨ। ਦੇਸ਼ ਦੇ ਆਮ ਲੋਕਾਂ ਦੇ ਨਾਲ, ਕੇਂਦਰੀ ਆਰਮਡ ਪੁਲਿਸ ਫੋਰਸ (ਸੀਏਪੀਐਫ) ਦੇ ਜਵਾਨ ਵੀ ਕੋਰੋਨਾ ਦੇ ਕਹਿਰ ਤੋਂ ਬਚ ਨਹੀਂ ਸਕੇ। 

ਸੀਏਪੀਐਫ ਨੇ ਬੁੱਧਵਾਰ ਨੂੰ 2,727 ਮਾਮਲਿਆਂ ਦੇ ਨਾਲ ਪਿਛਲੇ ਤਿੰਨ ਹਫ਼ਤਿਆਂ ਦੌਰਾਨ ਆਪਣੇ ਕਰਮਚਾਰੀਆਂ ਵਿਚ ਲਾਗਾਂ ਦੀ ਸੰਖਿਆ ਵਿਚ ਵਾਧਾ ਵੇਖਿਆ। ਕੇਂਦਰੀ ਗ੍ਰਹਿ ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ 23 ਮਾਰਚ ਨੂੰ ਸੀਏਪੀਐਫ ਦੇ 272 ਜਵਾਨ ਸੰਕਰਮਿਤ ਹੋਏ ਸਨ, ਜਿਸ ਤੋਂ ਬਾਅਦ ਲਾਗ ਦੀ ਗਿਣਤੀ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ।'

 ਸੀਏਪੀਐਫ ਦੇ ਕਰਮਚਾਰੀਆਂ ਵਿਚ ਸਭ ਤੋਂ ਜ਼ਿਆਦਾ ਕੋਰੋਨਾ ਵਾਇਰਸ ਦੇ ਕੇਸ ਹਨ। 23 ਮਾਰਚ ਨੂੰ, ਬੀਐਸਐਫ ਦੇ 59 ਜਵਾਨ ਸੰਕਰਮਿਤ ਹੋਏ, ਜੋ 14 ਅਪ੍ਰੈਲ ਤੱਕ ਵਧ ਕੇ 1,820 ਹੋ ਗਏ। 24 ਘੰਟਿਆਂ ਵਿੱਚ ਕੋਰੋਨਾ ਦੇ ਸੰਕਰਮਣ ਦੇ ਕੇਸਾਂ ਵਿੱਚ ਹੋਏ ਵਾਧੇ ਦੀ ਤੁਲਨਾ ਕਰਦਿਆਂ, ਪਿਛਲੇ 23 ਮਾਰਚ ਨੂੰ 24 ਘੰਟਿਆਂ ਵਿੱਚ 32 ਕੇਸ ਹੋਏ, ਜਦੋਂ ਕਿ 14 ਅਪ੍ਰੈਲ ਨੂੰ 24 ਘੰਟਿਆਂ ਵਿੱਚ 577 ਕੇਸ ਸਾਹਮਣੇ ਆਏ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਕੋਰੋਨਾ ਦੀ ਦੂਜੀ ਲਹਿਰ ਪਹਿਲਾਂ ਵਾਲੀ ਸਥਿਤੀ ਨਾਲੋਂ ਜਿਆਦਾ ਖਤਰਾਨਕ ਹੈ।