ਪੀੜਤਾ ਦੇ ਗੁਪਤ ਅੰਗ ਵਿਕਸਿਤ ਨਾ ਹੋਣ 'ਤੇ ਵੀ ਉਹਨਾਂ ਨੂੰ ਛੂਹਣਾ ਯੌਨ ਅਪਰਾਧ ਮੰਨਿਆ ਜਾਵੇਗਾ: ਹਾਈ ਕੋਰਟ

Calcutta High Court

 

ਕਲਕੱਤਾ ਹਾਈ ਕੋਰਟ ਨੇ ਫੈਸਲਾ ਸੁਣਾਇਆ ਹੈ ਕਿ ਜਿਨਸੀ ਪੀੜਤਾ ਦੇ ਗੁਪਤ ਅੰਗ ਦੇ ਵਿਕਸਿਤ ਨਾ ਹੋਣ 'ਤੇ ਵੀ ਇਸ ਅਪਰਾਧ ਨੂੰ ਜਿਨਸੀ ਸ਼ੋਸ਼ਣ ਮੰਨਿਆ ਜਾਵੇਗਾ। ਇਹ ਫੈਸਲਾ 2017 ਦੇ ਇੱਕ ਕੇਸ ਦੇ ਸਬੰਧ ਵਿੱਚ ਆਇਆ ਹੈ। 13 ਸਾਲਾ ਲੜਕੀ ਦੀ ਮਾਂ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਪੁਲਿਸ ਨੇ ਇਕ ਵਿਅਕਤੀ ਖਿਲਾਫ ਮਾਮਲਾ ਦਰਜ ਕੀਤਾ ਸੀ।

 

 

ਦੋਸ਼ ਹੈ ਕਿ ਜਦੋਂ ਪੀੜਤਾ ਦੇ ਘਰ ਕੋਈ ਨਹੀਂ ਸੀ ਤਾਂ ਦੋਸ਼ੀ ਨੇ ਉਸ ਨੂੰ ਗਲਤ ਤਰੀਕੇ ਨਾਲ ਛੂਹਿਆ। ਕਾਰਵਾਈ ਦੌਰਾਨ ਮੁਲਜ਼ਮ ਨੇ ਕਿਹਾ ਕਿ ਪੀੜਤਾ ਦੇ ਗੁਪਤ ਅੰਗ ਨੂੰ ਛੂਹਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ ਕਿਉਂਕਿ ਕੇਸ ਦੇ ਮੈਡੀਕਲ ਅਫ਼ਸਰ ਨੇ ਬਿਆਨ ਦਿੱਤਾ ਸੀ ਕਿ ਲੜਕੀ ਦੇ ਗੁਪਤ ਅੰਗ ਦਾ ਵਿਕਾਸ ਨਹੀਂ ਹੋਇਆ।

ਜਸਟਿਸ ਵਿਵੇਕ ਚੌਧਰੀ ਨੇ ਕਿਹਾ, “ਇਹ ਬਿਲਕੁਲ ਮਹੱਤਵਪੂਰਨ ਨਹੀਂ ਹੈ ਕਿ 13 ਸਾਲ ਦੀ ਲੜਕੀ ਦਾ ਗੁਪਤ ਅੰਗ ਵਿਕਸਿਤ ਹੋਇਆ ਹੈ ਜਾਂ ਨਹੀਂ। ਭਾਵੇਂ ਕਿ ਕੁਝ ਡਾਕਟਰੀ ਕਾਰਨਾਂ ਕਰਕੇ  ਲੜਕੀ ਦੇ ਗੁਪਤ ਅੰਗ ਦਾ ਵਿਕਾਸ ਨਹੀਂ ਹੁੰਦਾ। ਕਿਸੇ ਲੜਕੀ ਦੇ  ਗੁਪਤ ਅੰਗ ਨੂੰ ਛੂਹਣਾ ਜਾਂ ਜਿਨਸੀ ਇਰਾਦੇ ਨਾਲ ਬੱਚੇ ਨੂੰ ਛੂਹਣਾ ਜਿਨਸੀ ਹਮਲੇ ਦਾ ਅਪਰਾਧ ਹੈ।