ਕਬਜ਼ਾ ਕਰਨ ਦੇ ਦੋਸ਼ 'ਚ ਨਾਨਕਪੁਰ ਵਾਸੀਆਂ ਵਲੋਂ ਰੋਸ

ਅਸੰਧ,  : ਅਸੰਧ ਨਗਰ ਸਥਿਤ ਰਕਤ ਮਾਰਗ 'ਤੇ ਤਿੰਨ ਦੁਕਾਨਾਂ ਦੇ ਮਾਲਕਾਂ 'ਤੇ ਨਾਲ ਤੋਂ ਲੰਘਣ ਵਾਲੀ ਇਕ ਗਲੀ 'ਤੇ ਕਬਜ਼ਾ ਕਰਨ ਦੇ ਦੋਸ਼ ਵਿਚਕਾਰ ਇਥੇ ਨਾਨਕ ਪੁਰਾ ਦੇ ਵਾਸੀਆਂ ਨੇ ਅਸੰਧ ਕਰਨਾਲ ਮਾਰਗ 'ਤੇ ਜਾਮ ਲਗਾ ਕੇ ਰੋਸ ਪ੍ਰਦਰਸ਼ਨ ਕੀਤਾ। ਅੰਧਾ ਘੰਟਾ ਚੱਲੇ ਇਸ ਜਾਮ ਦੌਰਾਨ ਲੋਕਾਂ ਨੇ ਪਾਲਿਕਾ ਅਤੇ ਪੁਲਿਸ ਪ੍ਰਸ਼ਾਸਨ ਵਿਰੁਧ ਜਮ ਕੇ ਨਾਹਰੇਬਾਜ਼ੀ ਕੀਤੀ। ਨਾਨਕਪੁਰ ਦੇ ਨਿਵਾਸੀ ਪ੍ਰਸ਼ਾਸਨ 'ਤੇ ਅਣਦੇਖੀ ਦਾ ਦੋਸ਼ ਲਗਾ ਰਹੇ ਹਨ। ਜਾਣਕਾਰੀ ਅਨੁਸਾਰ ਪਿੰਡ ਡੇਰਾ ਗਾਮਾ ਨਿਵਾਸੀ ਕੁਝ ਲੋਕ ਇਥੇ ਰਕਤ ਮਾਰਗ 'ਤੇ ਦੁਕਾਨਾਂ ਦਾ ਨਿਰਮਾਣ ਕਰਵਾ ਰਹੇ ਹਨ।

ਲੋਕਾਂ ਦਾ ਵਿਰੁਧ ਇਸ ਗੱਲ ਨੂੰ ਲੈ ਕੇ ਹੈ ਕਿ ਅਸਲ 'ਚ ਇਸ ਨਿਰਮਾਣ ਕਾਰਜ 'ਚ ਇਨ੍ਹਾਂ ਦੁਕਾਨਾਂ ਦੇ ਨਾਲ ਲੰਘਣ ਵਾਲੀ ਗਲੀ ਨੂੰ ਵੀ ਇਸੀ ਵਿਚ ਮਿਲਾ ਲਿਆ ਗਿਆ ਹੈ। ਕੁਝ ਦਿਨ ਪਹਿਲਾਂ ਉਠੇ ਵਿਵਾਦ ਉਪਰੰਤ ਪਾਲਿਕਾ ਪ੍ਰਸ਼ਾਸਨ ਦੁਆਰਾ ਵਿਰੁਧ ਕਰਨ ਵਾਲਿਆਂ ਦੇ ਦਾਵਿਆਂ ਦੀ ਪੁਸ਼ਟੀ ਲਈ ਸਨਿਚਰਵਾਰ ਤੱਕ ਨਿਰਮਾਣ ਕਾਰਜ 'ਤੇ ਅਸਥਾਈ ਤੌਰ 'ਤੇ ਰੋਕ ਲਗਾ ਦਿਤੀ ਗਈ ਸੀ। ਦਸਿਆ ਜਾ ਰਿਹਾ ਹੈ ਕਿ ਇਕ ਪੱਖ ਨੇ ਬੀਤੀ ਰਾਤ ਨੂੰ ਹੀ ਉਥੇ ਨਿਰਮਾਣ ਕਾਰਜ ਸ਼ੁਰੂ ਕਰਵਾ ਦਿਤਾ ਸੀ।

ਪਤਾ ਚੱਲਣ 'ਤੇ ਲੋਕਾਂ ਨੇ ਇਸ ਦਾ ਵਿਰੁਧ ਕੀਤਾ। ਮੌਕੇ 'ਤੇ ਪਹੁੰਚੀ ਅਸੰਧ ਪੁਲਿਸ ਨੇ ਜਾਮ ਖੁਲਵਾ ਦਿਤਾ। ਪੁਲਿਸ ਪ੍ਰਸ਼ਾਸਨ ਨੇ ਦੋਨਾਂ ਪੱਖਾਂ ਨੂੰ ਆਉਣ ਵਾਲੀ 19 ਜੂਨ ਤੱਕ ਸਥਿਤੀ ਸ਼ਾਂਤ ਬਣਾਏ ਰੱਖਣ ਦੀ ਹਦਾਇਤ ਦਿਤੀ ਹੈ।