ਨੇਪਾਲ ਨਕਸ਼ਾ ਵਿਵਾਦ ਗੱਲਬਾਤ ਲਈ ਮਾਹੌਲ ਬਣਾਉਣ ਦੀ ਜ਼ਿੰਮੇਵਾਰੀ ਪ੍ਰਧਾਨ ਮੰਤਰੀ ਓਲੀ 'ਤੇ

ਨਵੀਂ , 15 ਜੂਨ : ਭਾਰਤ ਅਤੇ ਨੇਪਾਲ ਵਿਚਾਲੇ ਗੱਲਬਾਤ ਲਈ ਢੁਕਵਾਂ ਮਾਹੌਲ ਤਿਆਰ ਕਰਨ ਦੀ ਜ਼ਿੰਮੇਵਾਰੀ ਨੇਪਾਲੀ ਪ੍ਰਧਾਨ ਮੰਤਰੀ ਪੀ. ਸ਼ਰਮਾ ਓਲੀ ਅਤੇ ਉਨ੍ਹਾਂ ਦੀ ਸਰਕਾਰ ਦੀ ਹੈ ਕਿਉਂਕਿ ਨਵਾਂ ਸਿਆਸੀ ਨਕਸ਼ਾ ਜਾਰੀ ਕਰਨਾ ਸਿਆਸੀ ਫ਼ਾਇਦਾ ਹਾਸਲ ਕਰਨ ਦਾ ਉਨ੍ਹਾਂ ਦਾ 'ਦੂਰਦਰਸ਼ੀ' ਏਜੰਡਾ ਸੀ। ਅਧਿਕਾਰਤ ਸੂਤਰਾਂ ਨੇ ਇਹ ਜਾਣਕਾਰੀ ਦਿਤੀ।

ਉਨ੍ਹਾਂ ਕਿਹਾ ਕਿ ਮੌਲੀ ਸਰਕਾਰ ਵਲੋਂ ਨਵਾਂ ਨਕਸ਼ਾ ਜਾਰੀ ਕਰਨਾ ਭਾਰਤ ਨਾਲ ਸਰਹੱਦੀ ਵਿਵਾਦ ਦਾ ਸਿਆਸੀਕਰਨ ਕਰਨ ਦਾ ਯਤਨ ਸੀ ਅਤੇ ਇਹ ਦਰਸ਼ਾਉਂਦਾ ਹੈ ਕਿ ਨੇਪਾਲ ਦਹਾਕਿਆਂ ਪੁਰਾਣੇ ਇਸ ਮੁੱਦੇ ਨੂੰ ਵਾਰਤਾ ਰਾਹੀਂ ਹੱਲ ਕਰਨ ਨੂੰ ਲੈ ਕੇ ਗੰਭੀਰ ਨਹੀਂ ਹੈ। ਸੂਤਰਾਂ ਨੇ ਕਿਹਾ ਕਿ ਨਵਾਂ ਨਕਸ਼ਾ ਜਾਰੀ ਕਰਨਾ ਅਤੇ ਉਸ ਨੂੰ ਕਾਨੂੰਨੀ ਸਮਰਥਨ ਦਿਵਾਉਣਾ ਇਹ ਸਪੱਸ਼ਟ ਰੂਪ ਵਿਚ ਸੰਕੇਤ ਹੈ ਕਿ ਨਵਾਂ ਨਕਸ਼ਾ 'ਸਿਆਸੀ ਫ਼ਾਇਦੇ ਦਾ ਇਕ ਹਥਿਆਰ' ਹੈ। (ਏਜੰਸੀ)