22 ਵਾਰ ਸੰਸਦ 'ਚ ਬੋਲਣ ਵਾਲੇ ਮੋਦੀ ਨੇ 48ਵਾਰ ਸੰਬੋਧਨ ਕਰਨ ਵਾਲੇ ਮਨਮੋਹਨ ਨੂੰ ਕਿਹਾ ਸੀ ਮੌਨ ਮੋਹਨ'’

PM Modi

ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੰਸਦ ਨੂੰ ਸੰਬੋਧਨ ਕਰਨ ਬਾਰੇ ਇੱਕ ਰਿਪੋਰਟ ਸਾਹਮਣੇ ਆਈ ਹੈ। ਮੀਡੀਆ ਰਿਪੋਰਟ ਦੇ ਮੁਤਾਬਿਕ 6 ਸਾਲਾਂ ਦੇ ਕਾਰਜਕਾਲ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਹੁਣ ਤਕ ਸਿਰਫ 22 ਵਾਰ ਸੰਸਦ ਨੂੰ ਸੰਬੋਧਨ ਕੀਤਾ ਹੈ।

ਵੱਡੀ ਗੱਲ ਇਹ ਹੈ ਕਿ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਆਪਣੇ 10 ਸਾਲਾਂ ਦੇ ਕਾਰਜਕਾਲ ਦੌਰਾਨ ਸੰਸਦ ਨੂੰ 48 ਵਾਰ ਸੰਬੋਧਨ ਕੀਤਾ। ਉਦੋਂ ਨਰਿੰਦਰ ਮੋਦੀ, ਜੋ ਗੁਜਰਾਤ ਦੇ ਮੁੱਖ ਮੰਤਰੀ ਸਨ, ਜਦੋ 'ਉਨ੍ਹਾਂ ਨੂੰ ਮੌਨ ਮੋਹਨ' ਕਿਹਾ।

ਇੱਕ ਮੀਡੀਆ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਕੇਂਦਰ ਦੀ ਨਰਿੰਦਰ ਮੋਦੀ ਸਰਕਾਰ ਸੰਸਦ ਨੂੰ ਨਜ਼ਰ ਅੰਦਾਜ਼ ਕਰ ਰਹੀ ਹੈ।  ਮੋਦੀ ਸੰਸਦ ਦੀ ਬਜਾਏ ਲੋਕਾਂ ਨਾਲ ਸਿੱਧਾ ਸੰਚਾਰ ਕਰਨ ਵਿੱਚ ਵਿਸ਼ਵਾਸ ਰੱਖਦੇ ਹਨ। ਚਾਹੇ ਉਹ ਰੇਡੀਓ ਰਾਹੀਂ 'ਮਨ ਕੀ ਬਾਤ' ਹੋਵੇ ਜਾਂ ਸੋਸ਼ਲ ਮੀਡੀਆ ਦੇ ਜ਼ਰੀਏ, ਲੋਕਾਂ ਨਾਲ ਸਿੱਧੇ ਜੁੜੇ ਹੋਏ। ਇਹ ਲੇਖ ਕ੍ਰਿਸਟੋਫ ਜਾਫਰੂ ਅਤੇ ਵਿਹੰਗ ਜੁਮਲੇ ਦੀ ਸਾਂਝੀ ਬਾਈਲਾਈਨ ਨਾਲ ਛਾਪਿਆ ਗਿਆ ਹੈ। 

ਰਿਪੋਰਟ ਦੇ ਮੁਤਾਬਿਕ ----
ਅਟਲ ਬਿਹਾਰੀ ਵਾਜਪਾਈ ਨੇ 6 ਸਾਲਾਂ 'ਚ 77 ਵਾਰ ਸੰਸਦ ਨੂੰ ਸੰਬੋਧਨ ਕੀਤਾ ਹੈ। 
ਮਨਮੋਹਨ ਸਿੰਘ ਨੇ 10 ਸਾਲਾਂ ਵਿੱਚ ਸੰਸਦ ਨੂੰ 48 ਵਾਰ ਸੰਬੋਧਨ ਕੀਤਾ।
ਐਚਡੀ ਦੇਵੀ ਗੌੜਾ, ਜੋ ਕਿ ਦੋ ਸਾਲ ਪ੍ਰਧਾਨ ਮੰਤਰੀ ਰਹੇ, ਨੇ ਸੰਸਦ ਨੂੰ ਪ੍ਰਧਾਨ ਮੰਤਰੀ ਮੋਦੀ ਨਾਲੋਂ ਜ਼ਿਆਦਾ ਸੰਬੋਧਿਤ ਕੀਤਾ।