ਅੱਜ ਖੁੱਲ੍ਹਣਗੇ ਸਬਰੀਮਾਲਾ ਮੰਦਰ ਦੇ ਦਰਵਾਜ਼ੇ, ਭਾਜਪਾ ਵਲੋਂ ਦੇਸਾਈ ਦਾ ਕੋਚੀ ਏਅਰਪੋਰਟ 'ਤੇ ਵਿਰੋਧ

Trupti Desai

ਨਵੀਂ ਦਿੱਲੀ (ਭਾਸ਼ਾ): ਅੱਜ ਤੋਂ ਦੋ ਮਹੀਨੇ ਲਈ ਸਬਰੀਮਾਲਾ ਮੰਦਰ ਦੇ ਦਰਵਜੇ ਖੋਲ੍ਹੇ ਜਾਣਗੇ ਪਰ ਵੀਰਵਾਰ ਰਾਤ ਤੋਂ ਹੀ ਉੱਥੇ 22 ਨਵੰਬਰ ਤੱਕ ਧਾਰਾ 144 ਲਾਗੂ ਕਰ ਦਿਤੀ ਗਈ ਹੈ ਤਾਂ ਜੋ ਉੱਥੇ ਕਿਸੇ ਤਰ੍ਹਾਂ ਦਾ ਧਰਨਾ ਪ੍ਰਦਰਸ਼ਨ ਨਾ ਹੋ ਸਕਦਾ ਦੂਜੇ ਪਾਸੇ ਕੇਰਲ ਦੇਵਾਸਵਮ ਬੋਰਡ ਸੁਪ੍ਰੀਮ ਕੋਰਟ ਦਾ ਆਦੇਸ਼ ਲਾਗੂ ਕਰਾਉਣ ਲਈ ਕੋਰਟ ਤੋਂ ਕੁੱਝ ਹੋਰ ਸਮੇਂ ਦੀ ਮੰਗ ਕਰ ਸਕਦੀ ਹੈ।

ਉਥੇ ਹੀ ਔਰਤ ਅਧਿਕਾਰ ਕਰਮਚਾਰੀ ਤ੍ਰਿਪਤੀ ਦੇਸਾਈ  ਦੇ ਨਾਲ ਕਰੀਬ 400 ਔਰਤਾਂ ਨੇ ਕੇਰਲ ਪੁਲਿਸ ਦੀ ਵੇਬਸਾਈਟ 'ਤੇ ਸਬਰੀਮਲਾ ਮੰਦਰ ਦੇ ਦਰਸ਼ਨ ਲਈ ਪੰਜੀਕਰਣ ਕਰਵਾਇਆ ਹੈ। ਦੱਸ ਦਈਏ ਕਿ ਤ੍ਰਿਪਤੀ ਦੇਸਾਈ ਪੰਜੀਕਰਨ ਕਰਵਾਉਣ ਦੇ ਲਈ ਹੀ ਕੌਚੀ ਪਹੁੰਚੀ । ਜਿਸ ਤੋਂ ਬਾਅਦ ਏਅਰਪੋਰਟ ਤੇ ਤ੍ਰਿਪਤੀ ਦੇਸਾਈ  ਦੇ ਖਿਲਾਫ ਪ੍ਰਦਰਸ਼ਨ ਸ਼ੁਰੂ ਹੋ ਗਿਆ।

ਪੁਣੇ ਤੋਂ ਸਵੇਰੇ ਪੰਜ ਵਜੇ ਇੰਡੀਗੋ ਫਲਾਈਟ ਤੋਂ ਪਹੁੰਚੀ ਦੇਸਾਈ ਨੂੰ ਏਅਰਪੋਰਟ ਤੋਂ ਬਾਹਰ ਜਾਣ ਦੀ ਇਜਾਜ਼ਤ ਨਹੀਂ ਦਿਤੀ ਗਈ। ਦੱਸ ਦਈਏ ਕਿ ਸੜਕਾਂ 'ਤੇ ਉਤਰ ਕੇ ਪਰਦਰਸ਼ਨਕਾਰੀਆਂ ਨੇ ਪੁਲਿਸ ਨੂੰ ਕਿਹਾ ਕਿ ਉਹ ਦੇਸਾਈ ਨੂੰ ਉੱਥੇ ਲੈ ਕੇ ਚਲੇ ਜਾਣ ਨਹੀਂ ਤਾਂ ਪੂਰੇ ਇਲਾਕੇ ਵਿਚ ਤਣਾਅ ਵੱਧ ਜਾਵੇਗਾ। ਜਦੋਂ ਕਿ ਪੁਲਿਸ ਨੇ ਦੇਸਾਈ ਨੂੰ ਇਕ ਹੋਟਲ ਵਿਚ ਸ਼ਿਫਟ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਪ੍ਰਦਰਸ਼ਨਕਾਰੀਆਂ ਨੇ ਉਸ ਨੂੰ ਏਅਰਪੋਰਟ ਤੋਂ ਬਾਹਰ ਕੱਢਣ ਤੋਂ ਇਨਕਾਰ ਕਰਦੇ ਹੋਏ

ਉਸ ਨੂੰ ਵਾਪਸ ਜਾਣ ਨੂੰ ਕਿਹਾ। ਦੇਸਾਈ ਨੂੰ ਪੁਲਿਸ ਨੇ ਕਿਹਾ ਕਿ ਉਹ ਪੰਬਾ ਤੱਕ ਇਕ ਟੈਕਸੀ ਕਰਾਏ 'ਤੇ ਲੈ ਲਵੇਂ ਜੋ ਸਬਰੀਮਾਲਾ ਮੰਦਰ ਦਾ ਬੇਸ ਕੈਂਪ ਹੈ।  ਉੱਥੇ ਤੋਂ ਕਰੀਬ 5.5 ਕਿਲੋਮੀਟਰ ਦੀ ਯਾਤਰਾ ਸ਼ੁਰੂ ਹੁੰਦੀ ਹੈ। ਜ਼ਿਕਰਯੋਗ ਹੈ ਕਿ ਟੈਕਸੀ ਡਰਾਈਵਰ ਨੇ ਵੀ ਉਸ ਨੂੰ ਏਅਰਪੋਰਟ ਤੋਂ ਬਾਹਰ ਲੈ ਜਾਣ ਤੋਂ ਇਨਕਾਰ ਕਰ ਦਿਤਾ। ਜਿਸ ਤੋਂ ਬਾਅਦ ਉਹ ਕਰੀਬ ਤਿੰਨ ਘੰਟੇ ਤੋਂ ਵੀ ਜ਼ਿਆਦਾ ਸਮੇਂ ਤੱਕ ਏਅਰਪੋਰਟ 'ਤੇ ਰਹੀ ।