JOB! Air India ਨੇ ਕੱਢੀ 1 ਹਜ਼ਾਰ ਕੈਬਿਨ ਕਰੂ ਦੀ ਭਰਤੀ, ਪੜ੍ਹੋ ਕਿੱਥੇ ਤੇ ਕਿਵੇਂ ਹੋਵੇਗੀ ਇੰਟਰਵਿਊ

JOB! Air India has recruited 1 thousand cabin crew

 

ਨਵੀਂ ਦਿੱਲੀ - ਜੇਕਰ ਤੁਸੀਂ ਏਅਰ ਇੰਡੀਆ 'ਚ ਨੌਕਰੀ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਡੇ ਕੋਲ ਸੁਨਹਿਰੀ ਮੌਕਾ ਹੈ। ਏਅਰ ਇੰਡੀਆ ਦੇ ਟਾਟਾ ਗਰੁੱਪ 'ਚ ਆਉਣ ਤੋਂ ਬਾਅਦ ਕਰਮਚਾਰੀਆਂ ਦੀ ਵੱਡੀ ਗਿਣਤੀ ਵਿਚ ਭਰਤੀ ਹੋ ਰਹੀ ਹੈ। ਪਹਿਲਾਂ ਵੀ ਏਅਰ ਇੰਡੀਆ ਸੀਨੀਅਰ ਅਫ਼ਸਰਾਂ ਤੋਂ ਲੈ ਕੇ ਕੈਬਿਨ ਕਰੂ ਸਮੇਤ ਕਈ ਅਹੁਦਿਆਂ 'ਤੇ ਕਰਮਚਾਰੀਆਂ ਦੀ ਭਰਤੀ ਕਰ ਚੁੱਕੀ ਹੈ। ਹੁਣ ਨਵੀਂ ਭਰਤੀ ਮਹਿਲਾ ਕੈਬਿਨ ਕਰੂ ਲਈ ਕੀਤੀ ਜਾਵੇਗੀ। 

ਇਸ ਵਾਰ ਏਅਰ ਇੰਡੀਆ ਮਹਿਲਾ ਕੈਬਿਨ ਕਰੂ ਦੀ ਭਰਤੀ ਲਈ ਦਿੱਲੀ-ਐਨਸੀਆਰ ਜਾ ਰਹੀ ਹੈ। ਏਅਰਲਾਈਨ ਗੁਰੂਗ੍ਰਾਮ ਵਿਚ ਇਹਨਾਂ ਕਰਮਚਾਰੀਆਂ ਦੀ ਭਰਤੀ ਲਈ ਵਾਕ-ਇਨ ਇੰਟਰਵਿਊ ਕਰੇਗੀ। ਇਸ ਦੀ ਮਿਤੀ 20 ਦਸੰਬਰ 2022 ਹੈ। ਜੇਕਰ ਤੁਸੀਂ ਵੀ ਏਅਰ ਇੰਡੀਆ ਨਾਲ ਕੰਮ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਸ ਭਰਤੀ ਲਈ ਅਰਜ਼ੀ ਦੇ ਸਕਦੇ ਹੋ।

ਇਸ ਭਰਤੀ ਲਈ ਭਰਤੀ ਪ੍ਰਕਿਰਿਆ ਦੀ ਸੰਭਾਵਿਤ ਆਖਰੀ ਮਿਤੀ 20 ਦਸੰਬਰ 2022 ਹੈ। ਏਅਰਲਾਈਨ ਨੇ ਆਪਣੀ ਵੈੱਬਸਾਈਟ 'ਤੇ ਇਸ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਏਅਰ ਇੰਡੀਆ ਗੁਰੂਗ੍ਰਾਮ 'ਚ ਇਹ ਵਾਕ-ਇਨ ਇੰਟਰਵਿਊ ਕਿੱਥੇ ਹੋਵੇਗੀ, ਇਸ ਦਾ ਪਤਾ ਏਅਰਲਾਈਨ ਨੇ ਆਪਣੀ ਵੈੱਬਸਾਈਟ 'ਤੇ ਦਿੱਤਾ ਹੈ। ਇਸ ਬਾਰੇ ਹੋਰ ਜਾਣਕਾਰੀ ਵੀ ਵੈੱਬਸਾਈਟ 'ਤੇ ਦਿੱਤੀ ਹੋਈ ਹੈ। ਇਹ ਹੋਟਲ ਡਬਲ ਟ੍ਰੀ ਬਾਈ ਹਿਲਟਨ ਗੁਰੂਗ੍ਰਾਮ, ਬਾਣੀ ਸਕੁਏਅਰ, ਸੈਕਟਰ 50, ਗੁਰੂਗ੍ਰਾਮ ਹੈ। ਵਾਕ-ਇਨ ਇੰਟਰਵਿਊ ਦਾ ਸਮਾਂ ਸਵੇਰੇ 8:00 ਵਜੇ ਤੋਂ ਸ਼ਾਮ 7:00 ਵਜੇ ਤੱਕ ਹੈ।

ਕੈਬਿਨ ਕਰੂ ਦਾ ਕੰਮ ਯਾਤਰੀ ਦੇ ਜਹਾਜ਼ 'ਚ ਸਵਾਰ ਹੋਣ ਤੋਂ ਲੈ ਕੇ ਜਹਾਜ਼ ਤੋਂ ਉਤਰਨ ਤੱਕ ਦੇ ਸਾਰੇ ਪ੍ਰਬੰਧਾਂ ਨੂੰ ਦੇਖਣਾ ਹੁੰਦਾ ਹੈ। ਇਸ ਦਾ ਮਤਲਬ ਹੈ ਕਿ ਇਹ ਏਅਰ ਹੋਸਟੈਸ/ਕੈਬਿਨ ਕਰੂ ਦੀ ਨੌਕਰੀ ਦੀ ਜ਼ਿੰਮੇਵਾਰੀ ਹੈ ਕਿ ਉਹ ਯਾਤਰੀਆਂ ਦੇ ਆਰਾਮ, ਭਲਾਈ ਅਤੇ ਸੁਰੱਖਿਆ ਦੇ ਨਾਲ ਜਹਾਜ਼ ਦੇ ਟੇਕ ਆਫ ਤੋਂ ਪਹਿਲਾਂ ਸਾਰੇ ਐਮਰਜੈਂਸੀ ਪ੍ਰਬੰਧਾਂ ਦੀ ਜਾਂਚ ਕਰੇ। ਕੈਬਿਨ ਕਰੂ ਵਿੱਚ ਏਅਰ ਹੋਸਟੈਸ ਅਤੇ ਫਲਾਈਟ ਸਟੀਵਰਡ ਸ਼ਾਮਲ ਹਨ।