ਅਨੋਖੀ ਕਿਸਮ ਦੀ ਸੇਵਾ ਕਰਕੇ ਲੋਕਾਂ ਦਾ ਦਿਲ ਜਿੱਤ ਰਿਹਾ ਹੈ ਜੰਟਾਂ ਨਾਈ
ਪਿੰਡ ਵਾਸੀ ਗਏ ਦਿੱਲੀ ਤਾਂ ਖ਼ੁਦ ਵੀ ਦੁਕਾਨ ਚੁੱਕ ਦਿੱਲੀ ਲੈ ਕਿ ਗਿਆ ਜੰਟਾ ਨਾਈ
Farmer protest
ਨਵੀਂ ਦਿੱਲੀ , (ਅਰਪਨ ਕੌਰ ) : ਮੇਰੇ ਪਿੰਡ ਵਾਸੀ ਗਏ ਦਿੱਲੀ ਤਾਂ ਖ਼ੁਦ ਵੀ ਮੈਂ ਆਪਣੀ ਦੁਕਾਨ ਚੁੱਕ ਦਿੱਲੀ ਲੈ ਆਇਆ ਹਾਂ ਇਹ ਭਾਵ ਪੂਰਕ ਵਿਚਾਰ ਜੰਟਾ ਨਾਈ ਨੇ ਸਪੋਕਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਕੀਤੇ । ਉਨ੍ਹਾਂ ਕਿਹਾ ਕਿ ਮੇਰਾ ਪਿੰਡ ਦੇ ਲੋਕਾਂ ਨਾਲ ਨਹੁੰ ਮਾਸ ਦਾ ਰਿਸ਼ਤਾ ਹੈ , ਮੈਂ ਉਨ੍ਹਾਂ ਤੋਂ ਬਿਨਾਂ ਨਹੀਂ ਰਹਿ ਸਕਦਾ ਇਸ ਲਈ ਮੈਂ ਆਪਣੇ ਪਰਿਵਾਰ ਸਮੇਤ ਦਿੱਲੀ ਧਰਨੇ ਵਿੱਚ ਪਹੁੰਚ ਗਿਆ ਹਾਂ । ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੇਰੇ ਪਿੰਡ ਦੇ ਕਿਸਾਨ ਮਜ਼ਦੂਰਾਂ ਨੂੰ ਇੱਥੇ ਬੁਲਾ ਲਿਆ ਹੈ , ਇਸੇ ਕਰਕੇ ਮੇਰੇ ਮੇਰੀ ਦੁਕਾਨ ਬੰਦ ਹੋ ਗਈ ਸੀ । ਉਨ੍ਹਾਂ ਕਿਹਾ ਕਿ ਮੈਂ ਫਿਰ ਇਹ ਫ਼ੈਸਲਾ ਕੀਤਾ ਕਿ ਹੁਣ ਮੈਂ ਦਿੱਲੀ ਜਾ ਕੇ ਮੈਂ ਆਪਣੇ ਲੋਕਾਂ ਦੀ ਹੀ ਸੇਵਾ ਕਰਾਂਗਾ ।