ਦੁਨੀਆ 'ਚ ਦੂਜੀ ਸੱਭ ਤੋਂ ਵਧ GST ਦਰ ਭਾਰਤ 'ਚ, ਵਰਲਡ ਬੈਂਕ ਨੇ ਖੋਲੀ ਸਰਕਾਰ ਦੀ ਪੋਲ਼

ਕੀ ਹੈ GST ?

ਨਵੀਂ ਦਿੱਲੀ : ਭਾਰਤ ਵਿਚ ਲੰਘੇ ਸਾਲ ਲਾਗੂ ਕੀਤੇ ਗਏ ਜੀਐਸਟੀ (ਵਸਤੂ ਅਤੇ ਸੇਵਾ ਕਰ) ਨੂੰ ਵਰਲਡ ਬੈਂਕ ਨੇ ਸੱਭ ਤੋਂ ਜ਼ਿਆਦਾ ਮੁਸ਼ਕਲ ਕਰਾਰ ਦਿਤਾ ਹੈ। ਵਰਲਡ ਬੈਂਕ ਦੀ ਰਿਪੋਰਟ ਕਹਿੰਦੀ ਹੈ ਕਿ ਭਾਰਤ ਵਿਚ ਜੀਐਸਟੀ ਦਾ ਫ਼ਾਰਮ ਸੱਭ ਤੋਂ ਮੁਸ਼ਕਲ ਹੈ ਅਤੇ ਇਸ ਦੀ ਟੈਕਸ ਦਰਾਂ ਦੁਨੀਆਂ ਵਿਚ ਦੂਜੀ ਸੱਭ ਤੋਂ ਉਚੀ ਹੈ। ਵਿਸ਼ਵ ਬੈਂਕ ਦੀ ਬੁਧਵਾਰ ਨੂੰ ਜਾਰੀ ਰਿਪੋਰਟ ਵਿਚ ਭਾਰਤ ਵਿਚ ਲਾਗੂ ਜੀਐਸਟੀ ਨੂੰ ਪਾਕਿਸਤਾਨ ਅਤੇ ਘਾਨਾ ਦੀ ਸ਼੍ਰੇਣੀ ਵਿਚ ਰੱਖਿਆ ਗਿਆ ਹੈ। ਦੁਨੀਆਂ ਦੇ 49 ਦੇਸ਼ਾਂ ਵਿਚ ਜੀਐਸਟੀ ਦੇ ਤਹਿਤ ਇਕ ਹੋਰ 28 ਦੇਸ਼ਾਂ ਵਿਚ ਦੋ ਸਲੈਬ ਹਨ। ਭਾਰਤ ਸਮੇਤ ਪੰਜ ਦੇਸ਼ਾਂ ਵਿਚ ਜੀਐਸਟੀ ਦੇ ਪੰਜ ਸਲੈਬ ਹਨ। ਭਾਰਤ ਦੇ ਇਲਾਵਾ ਇਸ ਵਿਚ ਇਟਲੀ, ਲੈਕਜੰਬਰਗ, ਪਾਕਿਸਤਾਨ ਅਤੇ ਘਾਨਾ ਸ਼ਾਮਲ ਹਨ। ਭਾਰਤ ਸਰਕਾਰ ਨੇ ਲੰਘੇ ਸਾਲ 1 ਜੁਲਾਈ ਨੂੰ ਲਾਗੂ ਕੀਤੇ ਜੀਐਸਟੀ ਢਾਂਚੇ ਵਿਚ ਪੰਜ ਸਲੈਬ (0, 5, 12, 18 ਅਤੇ 28 ਫ਼ੀ ਸਦੀ) ਬਣਾਏ ਗਏ।