ਵਿਦਿਆਰਥਣਾਂ ਦੇ ਜਿਸਮਾਨੀ ਸ਼ੋਸ਼ਣ ਦੇ ਦੋਸ਼ ਹੇਠ ਪ੍ਰੋਫ਼ੈਸਰ ਵਿਰੁਧ ਮਾਮਲਾ ਦਰਜ

pic

ਨਵੀਂ ਦਿੱਲੀ, 16 ਮਾਰਚ: ਮਹਿਲਾ ਵਿਦਿਆਰਥਣਾਂ ਵਲੋਂ ਸ਼ਿਕਾਇਤ ਦਰਜ ਕਰਵਾਉਣ ਤੋਂ ਬਾਅਦ ਪੁਲਿਸ ਨੇ ਜੇਐਨਯੂ ਦੇ ਸਕੂਲ ਆਫ਼ ਲਾਈਫ਼ ਸਾਈਂਸ ਦੇ ਇਕ ਪ੍ਰੋਫ਼ੈਸਰ ਵਿਰੁਧ ਮਾਮਲਾ ਦਰਜ ਕਰ ਲਿਆ ਹੈ। ਦਖਣੀ ਦਿੱਲੀ ਦੇ ਵਸੰਤ ਕੁੰਜ ਪੁਲਿਸ ਥਾਣੇ ਵਿਚ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਨੂੰ ਦਿਤੀ ਸ਼ਿਕਾਇਤ ਵਿਚ ਮਹਿਲਾ ਵਿਦਿਆਰਥਣਾਂ ਨੇ ਦੋਸ਼ ਲਗਾਉਂਦਿਆਂ ਕਿਹਾ ਕਿ ਪ੍ਰੋਫ਼ੈਸਰ ਹਮੇਸਾਂ ਉਨ੍ਹਾਂ 'ਤੇ ਸੈਕਸ ਸਬੰਧੀ ਟਿਪਣੀਆਂ ਕਰਦਾ ਸੀ ਅਤੇ ਲਗਾਤਾਰ ਸੈਕਸ ਦੀ ਮੰਗ ਕਰਨ ਦੇ ਨਾਲ-ਨਾਲ ਉਹ ਕਾਲਜ ਦੀ ਹਰ ਕੁੜੀ ਸਬੰਧੀ ਟਿਪਣੀ ਕਰਦਾ ਸੀ। ਜੇ ਕੋਈ ਵਿਦਿਆਰਥਣ ਇਸ 'ਤੇ ਇਤਰਾਜ਼ ਕਰਦੀ ਤਾਂ ਉਹ ਉਸ ਨਾਲ ਵੈਰ ਕਢਦਾ ਸੀ। ਸ਼ਿਕਾਇਤ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਪ੍ਰੋਫ਼ੈਸਰ ਅਤੇ ਕਾਲਜ ਪ੍ਰਸ਼ਾਸਨ ਨੇ ਮਿਲੀਭੁਗਤ ਕਰ ਕੇ ਵਿੱਤੀ ਘਪਲੇ ਵੀ ਕੀਤੇ ਹਨ।