ਨੰਦਾ ਦੇਵੀ ਜਹਾਜ਼ 46,500 ਮੀਟ੍ਰਿਕ ਟਨ ਐਲ.ਪੀ.ਜੀ. ਲੈ ਕੇ ਗੁਜਰਾਤ ਦੀ ਜਾਮਨਗਰ ਬੰਦਰਗਾਹ ’ਤੇ ਪੁੱਜਿਆ

Nanda Devi ship carrying 46,500 metric tonnes of LPG arrives at Jamnagar port in Gujarat

ਗੁਜਰਾਤ : ‘ਨੰਦਾ ਦੇਵੀ’ ਜਹਾਜ਼ 46,500 ਮੀਟ੍ਰਿਕ ਟਨ ਐਲ.ਪੀ.ਜੀ. ਲੈ ਕੇ ਅੱਜ ਗੁਜਰਾਤ ਦੀ ਜਾਮਨਗਰ ਬੰਦਰਗਾਹ ’ਤੇ ਪਹੁੰਚਿਆ, ਜਿਥੇ ਐਂਕਰੇਜ ਖੇਤਰ ਵਿਚ ਸ਼ਿਪ-ਟੂ-ਸ਼ਿਪ ਟ੍ਰਾਂਸਫਰ ਪ੍ਰਕਿਰਿਆ ਚੱਲ ਰਹੀ ਹੈ। ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਐਲ.ਪੀ.ਜੀ. ਨੂੰ ‘ਨੰਦਾ ਦੇਵੀ’ ਤੋਂ ਇਕ ਹੋਰ ਜਹਾਜ਼, ਐਮ.ਟੀ. ਬੀ.ਡਬਲਯੂ. ਬਿਰਚ ਵਿਚ ਟ੍ਰਾਂਸਫਰ ਕੀਤਾ ਜਾਵੇਗਾ। ਇਹ ਟ੍ਰਾਂਸਫਰ ਜੋ ਅੱਜ ਸ਼ੁਰੂ ਹੋਣ ਵਾਲਾ ਹੈ, ਨੂੰ ਦੇਸ਼ ਵਿਚ ਐਲ.ਪੀ.ਜੀ. ਸਪਲਾਈ ਨੂੰ ਮਜ਼ਬੂਤ ਕਰਨ ਵੱਲ ਇਕ ਮਹੱਤਵਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ । ਪੋਰਟ ਅਥਾਰਟੀ ਦੇ ਚੇਅਰਮੈਨ ਸੁਸ਼ੀਲ ਕੁਮਾਰ ਸਿੰਘ ਨੇ ਸਥਿਤੀ ਦਾ ਜਾਇਜ਼ਾ ਲੈਣ ਲਈ ਨਿੱਜੀ ਤੌਰ 'ਤੇ ਨੰਦਾ ਦੇਵੀ ਦਾ ਦੌਰਾ ਕੀਤਾ। ਉਨ੍ਹਾਂ ਨੇ ਜਹਾਜ਼ ਦੇ ਕੈਪਟਨ ਅਤੇ ਚਾਲਕ ਦਲ ਨਾਲ ਗੱਲਬਾਤ ਕੀਤੀ ਅਤੇ ਟ੍ਰਾਂਸਫਰ ਪ੍ਰਕਿਰਿਆ ਦੇ ਸੁਚਾਰੂ ਸੰਚਾਲਨ ਲਈ ਜ਼ਰੂਰੀ ਪ੍ਰਬੰਧਾਂ ਦੀ ਸਮੀਖਿਆ ਕੀਤੀ।
ਗੱਲਬਾਤ ਕਰਦੇ ਹੋਏ ਸੁਸ਼ੀਲ ਕੁਮਾਰ ਸਿੰਘ ਨੇ ਕਿਹਾ ਕਿ ਨੰਦਾ ਦੇਵੀ ਜਹਾਜ਼ ਅੱਜ ਸਵੇਰੇ 2.30 ਵਜੇ ਪਹੁੰਚਿਆ। ਇਹ ਜਹਾਜ਼ ਤੋਂ ਜਹਾਜ਼ (ਐਸਟੀਐਸ) ਟ੍ਰਾਂਸਫਰ ਲਈ 46,500 ਮੀਟਰਕ ਟਨ ਐਲ.ਪੀ.ਜੀ. ਲੈ ਕੇ ਆਇਆ ਹੈ, ਜੋ ਕਿ ਸਮੁੰਦਰਾਂ ਵਿਚ ਐਂਕਰੇਜ ਖੇਤਰ ਵਿਚ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਪਾਰਸਲ ਨੂੰ ਇੱਥੇ ਲਿਆਉਣ ਲਈ ਚਾਲਕ ਦਲ ਦਾ ਧੰਨਵਾਦ ਕਰਦੇ ਹਾਂ ਅਤੇ ਉਨ੍ਹਾਂ ਨੂੰ ਹਰ ਤਰ੍ਹਾਂ ਦਾ ਸਮਰਥਨ ਦੇਣ ਦਾ ਭਰੋਸਾ ਦਿੰਦੇ ਹਾਂ।