ਬ੍ਰਿਟੇਨ ਅਤੇ ਫਰਾਂਸ ਨੂੰ ਪਛਾੜਿਆ, ਦੁਨੀਆ ਦੀ ਪੰਜਵੀਂ ਸਭ ਤੋਂ ਵੱਡੀ Economy ਬਣਿਆ ਭਾਰਤ- ਰਿਪੋਰਟ

file photo

ਨਵੀਂ ਦਿੱਲੀ: ਦੇਸ਼ ਦੀ ਆਰਥਿਕਤਾ ਸੰਕਟ ਦੇ ਦੌਰ ਵਿਚੋਂ ਲੰਘ ਰਹੀ ਹੈ ਪਰ ਇਸ ਦੌਰਾਨ ਭਾਰਤ ਵਿਚ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ, ਯੂਕੇ ਦੀ ਰਿਪੋਰਟ ਦੇ ਅਨੁਸਾਰ, ਭਾਰਤ ਇਕ ਵਾਰ ਫਿਰ ਦੁਨੀਆ ਦਾ ਸਭ ਤੋਂ ਵੱਡਾ ਆਰਥਵਿਵਸਥਾ ਵਾਲਾ ਦੇਸ਼  ਬਣ ਗਿਆ ਹੈ। ਭਾਰਤ ਨੇ ਸਾਲ 2019 ਵਿਚ ਬ੍ਰਿਟੇਨ ਅਤੇ ਫਰਾਂਸ ਨੂੰ ਪਛਾੜ ਦਿੱਤਾ।

ਅਮਰੀਕਾ ਦੇ ਰਿਸਰਚ ਇੰਸਟੀਚਿਊਟ ਵਰਲਡ ਪੋਪੂਲੇਸ਼ਨ ਰਿਵਿਊ ਨੇ ਆਪਣੀ ਰਿਪੋਰਟ ਵਿਚ ਕਿਹਾ ਹੈ ਕਿ ਭਾਰਤ ਹੁਣ ਸਵੈ-ਨਿਰਭਰ ਬਣਨ ਦੀ ਪੁਰਾਣੀ ਨੀਤੀ ਨਾਲ ਖੁੱਲੇ ਬਾਜ਼ਾਰ ਦੀ ਆਰਥਿਕਤਾ ਵਿਚ ਵਿਕਸਤ ਹੋ ਰਿਹਾ ਹੈ। ਰਿਪੋਰਟ ਦੇ ਅਨੁਸਾਰ, ਕੁੱਲ ਘਰੇਲੂ ਉਤਪਾਦ (ਜੀਡੀਪੀ) ਦੇ ਮਾਮਲੇ ਵਿੱਚ $ 2940 ਬਿਲੀਅਨ ਡਾਲਰ ਦੇ ਨਾਲ ਭਾਰਤ ਵਿਸ਼ਵ ਦਾ ਪੰਜਵਾਂ ਸਭ ਤੋਂ ਵੱਡਾ ਅਰਥਵਿਵਸਥਾ ਵਾਲਾ ਦੇਸ਼ ਬਣ ਗਿਆ ਹੈ।

ਇਸ ਸਥਿਤੀ ਵਿੱਚ ਇਸ ਨੇ 2019 ਵਿੱਚ ਬ੍ਰਿਟੇਨ ਅਤੇ ਫਰਾਂਸ ਨੂੰ ਪਛਾੜ ਦਿੱਤਾ। ਬ੍ਰਿਟੇਨ ਦੀ ਅਰਥਵਿਵਸਥਾ ਦਾ ਆਕਾਰ 2830 ਬਿਲੀਅਨ ਡਾਲਰ ਹੈ ਜਦੋਂਕਿ ਫਰਾਂਸ ਦੀ 2710 ਬਿਲੀਅਨ ਡਾਲਰ ਹੈ। ਖਰੀਦ ਸ਼ਕਤੀ ਸ਼ਮਤਾ (ਪੀਪੀਪੀ) ਦੇ ਅਧਾਰ 'ਤੇ ਭਾਰਤ ਦਾ ਜੀਡੀਪੀ 10,510 ਬਿਲੀਅਨ ਡਾਲਰ ਹੈ ਅਤੇ ਇਹ ਜਾਪਾਨ ਅਤੇ ਜਰਮਨੀ ਤੋਂ ਅੱਗੇ ਹੈ। ਜ਼ਿਆਦਾ ਆਬਾਦੀ ਕਾਰਨ ਭਾਰਤ ਵਿਚ ਪ੍ਰਤੀ ਜੀਡੀਪੀ 2170 ਡਾਲਰ ਹੈ। 

ਇਹ ਅਮਰੀਕਾ ਵਿਚ ਪ੍ਰਤੀ ਵਿਅਕਤੀ 62,794 ਡਾਲਰ ਹੈ। ਹਾਲਾਂਕਿ, ਭਾਰਤ ਦੀ ਅਸਲ ਜੀਡੀਪੀ ਵਾਧਾ ਲਗਾਤਾਰ ਤੀਜੀ ਤਿਮਾਹੀ ਲਈ ਕਮਜ਼ੋਰ ਰਹਿ ਸਕਦਾ ਹੈ ਅਤੇ 7.5% ਤੋਂ ਘੱਟ ਕੇ 5% ਹੋ ਸਕਦਾ ਹੈ। ਭਾਰਤ ਵਿਚ ਆਰਥਿਕ ਉਦਾਰੀਕਰਨ ਦੀ ਸ਼ੁਰੂਆਤ 1990 ਦੇ ਦਹਾਕੇ ਵਿਚ ਹੋਈ ਸੀ। ਉਦਯੋਗਾਂ ਨੂੰ ਨਿਯੰਤ੍ਰਿਤ  ਮੁਕਤ ਕੀਤਾ ਗਿਆ ਸੀ ਅਤੇ ਵਿਦੇਸ਼ੀ ਵਪਾਰ ਅਤੇ ਨਿਵੇਸ਼ 'ਤੇ ਨਿਯੰਤਰਣ ਘੱਟ ਕੀਤਾ ਸੀ।

ਨਾਲ ਹੀ ਸਰਕਾਰੀ ਕੰਪਨੀਆਂ ਦਾ ਨਿੱਜੀਕਰਨ ਕੀਤਾ ਗਿਆ। ਇਸ ਵਿੱਚ ਕਿਹਾ ਗਿਆ ਇਨ੍ਹਾਂ ਉਪਾਆਵਾਂ ਨਾਲ ਭਾਰਤ ਨੂੰ ਆਰਥਿਕ ਵਿਕਾਸ ਵਿੱਚ ਤੇਜ਼ੀ ਲਿਆਉਣ ਵਿੱਚ ਸਹਾਇਤਾ ਕੀਤੀ ਹੈ। ਅਮਰੀਕਾ ਦੀ ਵਿਸ਼ਵ ਆਬਾਦੀ ਸਮੀਖਿਆ ਇਕ ਸੁਤੰਤਰ ਸੰਗਠਨ ਹੈ।