Amit Shah

ਕਲਕੱਤਾ: ਬੰਗਾਲ ਦੇ ਦੋ ਦਿਨਾਂ ਦੌਰੇ ’ਤੇ ਆਏ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਵੀਰਵਾਰ ਨੂੰ ਦੱਖਣੀ 24 ਪਰਗਣਾ ਜ਼ਿਲ੍ਹੇ ਦੇ ਕੱਕੜਵੀਪ ਨਾਮਖਾਨਾ ਵਿਚ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਮਮਤਾ ਸਰਕਾਰ ਉਤੇ ਤਿੱਖਾ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਬੰਗਾਲ ਵਿਚ ਬਦਲਾਅ ਕਰਨ ਲਈ ਆਏ ਹਾਂ ਅਤੇ ਸਾਡੀ ਲੜਾਈ ਤ੍ਰਿਣਮੂਲ ਕਾਂਗਰਸ ਦੇ ਸਿੰਡੀਕੇਟ ਨਾਲ ਹੈ।

ਕੱਕੜਵੀਪ ਦੇ ਇੰਦਰਾ ਮੈਦਾਨ ਵਿੱਚ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਸ਼ਾਹ ਨੇ ਕਿਹਾ ਕਿ ਸਾਡਾ ਟਿੱਚਾ ਸਿਰਫ ਸੱਤਾ ਤਬਦੀਲੀ ਨਹੀਂ ਹੈ। ਸਾਡੀ ਲੜਾਈ ਸੋਨਾਰ ਬੰਗਲਾ ਬਣਾਉਣ ਦੀ ਹੈ। ਗਰੀਬਾਂ ਨੂੰ ਹੱਕ ਦਵਾਉਣ ਲਈ ਬੰਗਾਲ ‘ਚ ਤਬਦੀਲੀ ਜਰੂਰੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਮਮਤਾ ਬੈਨਰਜੀ ਨੇ ਬੰਗਾਲ ਦੀ ਹਾਲਤ ਬਹੁਤ ਮਾੜੀ ਕਰ ਦਿੱਤੀ ਹੈ। ਇਸ ਲਈ ਬੰਗਾਲ ਵਿੱਚ ਡਬਲ ਇੰਜਨ ਦੀ ਸਰਕਾਰ ਜਰੂਰੀ ਹੈ।

ਤਾਂਕਿ ਤੇਜ ਰਫ਼ਤਾਰ ਨਾਲ ਵਿਕਾਸ ਹੋ ਸਕੇ। ਗ੍ਰਹਿ ਮੰਤਰੀ ਨੇ ਇਸ ਦੌਰਾਨ ਕਈਂ ਵੱਡੇ ਐਲਾਨ ਵੀ ਕੀਤੇ। ਉਨ੍ਹਾਂ ਨੇ ਕਿਹਾ ਕਿ ਗੰਗਾਸਾਗਰ ਨੂੰ ਅਸੀਂ ਅੰਤਰਰਾਸ਼ਟਰੀ ਸੰਸਕ੍ਰਿਤਿਕ ਸੈਰ ਕੇਂਦਰ ਦੇ ਰੂਪ ਵਿੱਚ ਵਿਕਸਿਤ ਕਰਾਂਗੇ। ਨਾਲ ਹੀ ਕਿਹਾ ਕਿ ਗੰਗਾਸਾਗਰ ਮੇਲੇ ਨੂੰ ਰਾਸ਼ਟਰੀ ਮੇਲੇ ਦਾ ਦਰਜਾ ਵੀ ਦੇਵਾਂਗੇ ਤਾਂਕਿ ਪੂਰੀ ਦੁਨੀਆ ਤੋਂ ਇੱਥੇ ਲੋਕ ਆਉਣ। ਰੈਲੀ ਤੋਂ ਪਹਿਲਾਂ ਸ਼ਾਹ ਗੰਗਾਸਾਗਰ ਵੀ ਗਏ ਸਨ ਅਤੇ ਉਨ੍ਹਾਂ ਨੇ ਉੱਥੇ ਕਪਿਲ ਮੁਨੀ ਮੰਦਿਰ ਵਿੱਚ ਪੂਜਾ ਕੀਤੀ। 

ਇਸਦੇ ਨਾਲ ਹੀ ਸ਼ਾਹ ਨੇ ਕਿਹਾ ਕਿ ਬੰਗਾਲ ਵਿੱਚ ਭਾਜਪਾ ਦੀ ਸਰਕਾਰ ਬਨਣ ‘ਤੇ ਵੱਖਰੇ ਤੌਰ ‘ਤੇ ਮਛੇਰਿਆਂ ਦਾ ਮੰਤਰਾਲਾ ਵੀ ਬਣਾਇਆ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਤੱਟਵਰਤੀ ਦੱਖਣ 24 ਇਲਾਕੇ ਦੇ ਜਿਲ੍ਹੇ ਵਿੱਚ ਮਛੇਰਿਆਂ ਦਾ ਕਾਫ਼ੀ ਪ੍ਰਭਾਵ ਹੈ, ਇਸਨੂੰ ਲੈ ਕੇ ਸਾਧਨ ਲਈ ਸ਼ਾਹ ਨੇ ਵੱਡਾ ਵੱਡਾ ਐਲਾਨ ਕੀਤਾ ਹੈ। ਰੈਲੀ ਤੋਂ ਬਾਅਦ ਸ਼ਾਹ ਨੇ ਇੱਥੋਂ ਭਾਜਪਾ ਦੀ ਪੰਜਵੀਂ ਤਬਦੀਲੀ ਯਾਤਰਾ ਨੂੰ ਵੀ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ।

ਉਨ੍ਹਾਂ ਨੇ ਕਿਹਾ ਕਿ ਰਾਜ ਦੇ ਸਾਰੇ 294 ਵਿਧਾਨ ਸਭਾ ਖੇਤਰਾਂ ਤੋਂ ਭਾਜਪਾ ਦੀ ਤਬਦੀਲੀ ਯਾਤਰਾ ਕੱਢੀ ਜਾਵੇਗੀ। ਰੈਲੀ ਤੋਂ ਬਾਅਦ ਸ਼ਾਹ ਇੱਥੋਂ ਦੇ ਨਾਰਾਇਣਪੁਰ ਪਿੰਡ ਵਿੱਚ ਇੱਕ ਗਰੀਬ ਸ਼ਰਨਾਰਥੀ ਪਰਵਾਰ ਦੇ ਘਰ ਦੁਪਹਿਰ ਦਾ ਭੋਜਨ ਕਰਨਗੇ। ਭੋਜਨ ਤੋਂ ਬਾਅਦ ਸ਼ਾਹ ਕੱਕੜਵੀਪ ਵਿੱਚ ਇੱਕ ਰੋਡ ਸ਼ੋਅ ਵੀ ਕਰਨਗੇ।