ਸੈਲਫੀ ਲੈਣ ਦੇ ਚੱਕਰ 'ਚ ਗਵਾਈ ਜਾਨ, ਨਹਿਰ 'ਚ ਡੁੱਬੇ ਦੋ ਨੈੌਜਵਾਨ

Photo

 

 ਨਵੀਂ ਦਿੱਲੀ : ਹਰਿਦੁਆਰ ਜ਼ਿਲੇ ਦੇ ਰੁੜਕੀ 'ਚ ਸੋਲਾਨੀ ਪਾਰਕ 'ਚ ਗੰਗਾ ਨਹਿਰ ਦੇ ਕੰਢੇ ਸੈਲਫੀ ਲੈ ਰਹੇ ਮੇਰਠ ਅਤੇ ਬਾਗਪਤ ਦੇ ਦੋ ਨੌਜਵਾਨ ਨਹਿਰ 'ਚ ਡੁੱਬ ਗਏ। ਉਸ ਦੇ ਨਾਲ ਦੋ ਦੋਸਤ ਵੀ ਸਨ। ਜਿਸ ਤੋਂ ਪੁਲਿਸ ਘਟਨਾ ਸਬੰਧੀ ਜਾਣਕਾਰੀ ਲੈ ਰਹੀ ਹੈ। ਦੱਸਿਆ ਗਿਆ ਹੈ ਕਿ ਸਾਰੇ ਦੋਸਤ ਮਸੂਰੀ ਘੁੰਮਣ ਜਾ ਰਹੇ ਸਨ। ਸਿਵਲ ਲਾਈਨ ਕੋਤਵਾਲੀ ਪੁਲਿਸ ਅਨੁਸਾਰ ਸੰਦੀਪ (22) ਵਾਸੀ ਬਾਗਪਤ, ਭਰਤ (21) ਵਾਸੀ ਮੇਰਠ ਆਪਣੇ ਦੋ ਦੋਸਤਾਂ ਅਭਿਸ਼ੇਕ (21) ਅਤੇ ਰਾਕੇਸ਼ (45) ਵਾਸੀ ਬਾਗਪਤ ਨਾਲ ਸ਼ੁੱਕਰਵਾਰ ਸਵੇਰੇ ਕਾਰ ਰਾਹੀਂ ਮਸੂਰੀ ਜਾ ਰਹੇ ਸਨ।

 

 

ਰੁੜਕੀ ਪਹੁੰਚਣ 'ਤੇ ਸਾਰੇ ਲੋਕ ਕਾਰ ਰਾਹੀਂ ਗੰਗਾ ਨਹਿਰ ਦੀ ਪਟੜੀ 'ਤੇ ਸੋਲਾਨੀ ਪਾਰਕ ਨੇੜੇ ਪਹੁੰਚ ਗਏ। ਇੱਥੇ ਸਾਰੇ ਦੋਸਤ ਗੰਗਾ ਦੇ ਕਿਨਾਰੇ ਸੈਲਫੀ ਲੈਣ ਲੱਗੇ। ਅਚਾਨਕ ਸੰਦੀਪ ਅਤੇ ਭਰਤ ਦਾ ਪੈਰ ਤਿਲਕ ਗਿਆ, ਜਿਸ ਕਾਰਨ ਦੋਵੇਂ ਦੋਸਤ ਗੰਗਾ ਨਹਿਰ 'ਚ ਡਿੱਗ ਗਏ। ਦੋਸਤਾਂ ਨੂੰ ਗੰਗਨਹਿਰ 'ਚ ਡੁੱਬਦਾ ਦੇਖ ਕੇ ਅਭਿਸ਼ੇਕ ਅਤੇ ਰਾਕੇਸ਼ ਨੇ ਰੌਲਾ ਪਾਇਆ, ਜਿਸ ਤੋਂ ਬਾਅਦ ਆਸਪਾਸ ਦੇ ਲੋਕ ਮੌਕੇ 'ਤੇ ਪਹੁੰਚ ਗਏ।

ਆਸ ਪਾਸ ਦੇ ਲੋਕਾਂ ਨੇ ਦੋਵਾਂ ਦੋਸਤਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਦੋਵਾਂ ਦਾ ਕੋਈ ਸੁਰਾਗ ਨਹੀਂ ਲੱਗਾ। ਹਾਦਸੇ ਦੀ ਸੂਚਨਾ ਸਿਵਲ ਲਾਈਨ ਕੋਤਵਾਲੀ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ। ਜਿਸ ਤੋਂ ਬਾਅਦ ਥਾਣਾ ਕੋਤਵਾਲੀ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਗੰਗਾ ਨਹਿਰ 'ਚ ਡੁੱਬੇ ਦੋਵੇਂ ਨੌਜਵਾਨਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਇਨ੍ਹਾਂ ਸਾਰਿਆਂ ਦੇ ਰਿਸ਼ਤੇਦਾਰ ਰੁੜਕੀ ਪਹੁੰਚੇ ਅਤੇ ਮਾਮਲੇ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ।

ਸਿਵਲ ਲਾਈਨ ਕੋਤਵਾਲੀ ਦੇ ਸੀਨੀਅਰ ਸਬ ਇੰਸਪੈਕਟਰ ਦੀਪ ਕੁਮਾਰ ਨੇ ਦੱਸਿਆ ਕਿ ਗੰਗਾ ਨਹਿਰ ਵਿੱਚ ਡੁੱਬਣ ਵਾਲੇ ਨੌਜਵਾਨਾਂ ਦੀ ਭਾਲ ਲਈ ਮੋਟਰ ਬੋਟ ਅਤੇ ਗੋਤਾਖੋਰ ਤਾਇਨਾਤ ਕਰ ਦਿੱਤੇ ਗਏ ਹਨ। ਰਿਸ਼ਤੇਦਾਰ ਨੇ ਦੱਸਿਆ ਕਿ ਸੁਨੀਲ ਪੜ੍ਹਦਾ ਹੈ। ਜਦਕਿ ਸੰਦੀਪ ਬਾਗਪਤ 'ਚ ਇਕ ਦੁਕਾਨ 'ਤੇ ਕੰਮ ਕਰਦਾ ਹੈ।