ਵਿਦੇਸ਼ 'ਚ ਲੱਖਾਂ ਦੀ ਨੌਕਰੀ ਛੱਡ ਭਾਰਤ 'ਚ ਖੇਤੀਬਾੜੀ ਕਰ ਰਿਹੈ ਇਹ ਪਰਿਵਾਰ

ਪੋਰਬੰਦਰ : ਅੱਜਕਲ ਹਰੇਲ ਵਿਅਕਤੀ ਵਿਦੇਸ਼ ਜਾ ਕੇ ਮੋਟੀ ਕਮਾਈ ਕਰਨ ਦੇ ਸੁਪਨੇ ਲੈਂਦਾ ਹੈ ਪਰ ਇੱਕ ਪਰਿਵਾਰ ਅਜਿਹਾ ਵੀ ਹੈ ਜਿਸ ਨੇ ਵਿਦੇਸ਼ 'ਚ ਲੱਖਾਂ ਡਾਲਰ ਦੀ ਨੌਕਰੀ ਛੱਡ ਕੇ ਭਾਰਤ 'ਚ ਖੇਤੀਬਾੜੀ ਕਰਨੀ ਚੰਗੀ ਸਮਝੀ।

ਦਰਅਸਲ ਰਾਮਦੇਵ ਖੁਟੀ ਅਤੇ ਭਾਰਤੀ ਨੇ ਇੰਗਲੈਂਡ ਵਿੱਚ ਆਪਣਾ ਸਭ ਕੁਝ ਛੱਡ ਕੇ ਭਾਰਤ ਆ ਕੇ ਖੇਤੀਬਾੜੀ ਤੇ ਪਸ਼ੂ-ਪਾਲਣ ਸ਼ੁਰੂ ਕਰ ਦਿੱਤਾ। ਰਾਮਦੇਵ ਖੁਟੀ ਤੇ ਭਾਰਤੀ ਆਸ-ਪਾਸ ਦੇ ਲੋਕਾਂ ਨੂੰ ਖੇਤੀ ਲਈ ਉਤਸ਼ਾਹਿਤ ਕਰ ਰਿਹਾ ਹੈ। ਰਾਮਦੇਵ ਖੁਟੀ ਪਹਿਲੀ ਵਾਰ 2006 ਵਿੱਚ ਕੰਮ ਕਰਨ ਲਈ ਇੰਗਲੈਂਡ ਗਿਆ ਸੀ ਪਰ ਦੋ ਸਾਲ ਉੱਥੇ ਨੌਕਰੀ ਕਰਨ ਬਾਅਦ ਭਾਰਤ ਵਾਪਸ ਆ ਗਿਆ। ਭਾਰਤੀ ਨਾਲ ਵਿਆਹ ਕਰਨ ਪਿੱਛੋਂ 2010 ਵਿੱਚ ਉਹ ਦੋਵੇਂ ਜਣੇ ਇੰਗਲੈਂਡ ਚਲੇ ਗਏ। ਉੱਥੇ ਦੋਵੇਂ ਚੰਗੀ ਨੌਕਰੀ ਕਰ ਰਹੇ ਸਨ। ਭਾਰਤੀ ਨੇ ਏਅਰਪੋਰਟ ਮੈਨੇਜਮੈਂਟ ਤੇ ਏਅਰ ਹੋਸਟੈਸ ਦੀ ਪੜ੍ਹਾਈ ਕੀਤੀ ਹੈ। ਇੰਗਲੈਂਡ ਜਾ ਕੇ ਫਿਰ ਉਸ ਨੇ ਇੰਟਰਨੈਸ਼ਨਲ ਟੂਰਿਜ਼ਮ ਐਂਡ ਹੌਸਪਿਟੈਲਿਟੀ ਦੀ ਪੜ੍ਹਾਈ ਪੂਰੀ ਕੀਤੀ।

ਇਸ ਸਭ ਦੇ ਬਾਅਦ ਦੋਵਾਂ ਨੇ ਆਪਣੇ ਮਾਪਿਆਂ ਕੋਲ ਵਾਪਸ ਪਰਤਣ ਦਾ ਫ਼ੈਸਲਾ ਕੀਤਾ। ਪਿੰਡ ਆਉਣ ਬਾਅਦ ਦੋਵਾਂ ਨੇ ਮਿਲ ਕੇ ਖੇਤਾਬਾੜੀ ਤੇ ਪਸ਼ੂ-ਪਾਲਣ ਕਰਨ ਦਾ ਫ਼ੈਸਲਾ ਲਿਆ। ਇਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਬਹੁਤ ਵਧੀਆ ਕਾਰੋਬਾਰ ਹੈ। ਸਹੀ ਤਰੀਕੇ ਨਾਲ ਖੇਤੀ ਕੀਤੀ ਜਾਏ ਤਾਂ ਵਧੀਆ ਪੈਸਾ ਕਮਾਇਆ ਜਾ ਸਕਦਾ ਹੈ।