ਮੁਫ਼ਤੀ ਸਰਕਾਰ ਤੋਂ ਭਾਜਪਾ ਦੇ 9 ਮੰਤਰੀਆਂ ਨੇ ਦਿਤਾ ਅਸਤੀਫ਼ਾ

ਸ੍ਰੀ ਨਗਰ, 18 ਅਪ੍ਰੈਲ : ਜੰਮੂ-ਕਸ਼ਮੀਰ  ਵਿਚ ਮਹਿਬੂਬਾ ਮੁਫ਼ਤੀ ਸਰਕਾਰ ਵਿਚ ਸ਼ਾਮਲ ਭਾਜਪਾ ਦੇ 9 ਮੰਤਰੀਆਂ ਨੇ ਪਾਰਟੀ ਨੂੰ ਅਪਣਾ ਅਸਤੀਫ਼ਾ ਸੌਂਪ ਦਿਤਾ ਹੈ |  ਇਸਦਾ ਕਾਰਨ ਮੰਤਰੀਮੰਡਲ ਦਾ ਪੁਨਰਗਠਨ ਵੀ ਮੰਨਿਆ ਜਾ ਰਿਹਾ ਹੈ | ਕਈ ਰਾਜਨੀਤਿਕ ਵਿਸ਼ਲੇਸ਼ਕ ਇਸਨੂੰ ਕਠੂਆ ਘਟਨਾ ਨਾਲ ਜੋੜ ਕੇ ਵੀ ਦੇਖ ਰਹੇ ਹਨ | ਕਿਉਂਕਿ ਕਠੂਆ ਹਲਕੇ ਤੋਂ ਆਉਂਦੇ 2 ਮੰਤਰੀ  ਕਈ ਦਿਨਾਂ ਤੋਂ ਸਰਕਾਰ ਦੀ ਕਾਰਗੁਜ਼ਾਰੀ ਤੋਂ ਅਸੰਤੁਸ਼ਟ ਚੱਲ ਰਹੇ ਸਨ  ਜਿਸ ਕਾਰਨ ਉਨ੍ਹਾਂ ਅਸਤੀਫ਼ਾ ਦੇ ਦਿਤਾ ਸੀ |  ਹੁਣ ਉੱਥੇ ਨਵੇਂ ਸਿਰੇ ਤੋਂ ਵਿਭਾਗਾਂ ਦਾ ਬਟਵਾਰਾ ਹੋਵੇਗਾ |  ਸੂਤਰਾਂ ਦੇ ਹਵਾਲੇ ਤੋਂ ਇਹ ਵੀ ਪਤਾ ਚਲਿਆ ਹੈ ਕਿ ਮੰਤਰੀਮੰਡਲ ਵਿਚ ਕੁੱਝ ਨਵੇਂ ਮੰਤਰੀ ਵੀ ਬਣਾਏ ਜਾਣਗੇ |   

ਸੂਤਰਾਂ  ਦੇ ਹਵਾਲੇ ਵਲੋਂ ਪਤਾ ਚਲਿਆ ਹੈ ਕਿ ਪਿਛਲੇ ਹਫਤੇ ਜਦੋਂ ਰਾਮ ਸ੍ਰੀ ਕਿਸ਼ਨ ਜੰਮੂ ਵਿਚ ਸਨ ਉਦੋਂ ਸਾਰੇ ਮੰਤਰੀਆਂ ਨੂੰ ਅਸਤੀਫ਼ਾ ਭੇਜਣ ਲਈ ਕਿਹਾ ਗਿਆ ਸੀ | ਜੰਮੂ-ਕਸ਼ਮੀਰ ਵਿਚ ਫਿਲਹਾਲ ਪੀਡੀਪੀ ਅਤੇ ਭਾਜਪਾ ਗਠਜੋੜ ਦੀ ਸਰਕਾਰ ਹੈ | ਮੰਤਰੀਆਂ ਦਾ ਕਹਿਣਾ ਹੈ ਕਿ ਇਸ ਫੈਸਲੇ ਨਾਲ ਗਠਜੋੜ ਦੀ ਸਰਕਾਰ ਨੂੰ ਕੋਈ ਫਰਕ ਨਹੀਂ ਪਵੇਗਾ |

89 ਮੈਂਬਰੀ ਵਿਧਾਨਸਭਾ ਵਿਚ ਪੀਡੀਪੀ  ਸੱਭ ਤੋਂ ਵੱਡੀ ਪਾਰਟੀ ਹੈ ਜਿਸ ਕੋਲ 28 ਸੀਟਾਂ ਹਨ ਅਤੇ ਭਾਜਪਾ 25 ਸੀਟਾਂ  ਨਾਲ ਦੂਜੇ ਨੰਬਰ ਉੱਤੇ ਹੈ |  ਧਿਆਨ ਯੋਗ ਹੈ ਕਿ ਜੰਮੂ ਕਸ਼ਮੀਰ  ਦੇ ਕਠੁਆ ਵਿੱਚ ਅੱਠ ਸਾਲ ਦੀ ਬੱਚੀ  ਦੇ ਨਾਲ ਹੋਈ ਦਰਿੰਦਗੀ ਤੋਂ ਬਾਅਦ ਰਾਜਨੀਤੀ ਗਰਮਾਈ ਹੋਈ ਹੈ |  ਉੱਥੇ ਪਹਿਲਾਂ ਵਣ ਮੰਤਰੀ ਲਾਲ ਸਿੰਘ ਅਤੇ ਉਦਯੋਗ ਮੰਤਰੀ  ਚੰਦਰ ਪ੍ਰਕਾਸ਼ ਗੰਗਾ ਨੇ ਅਸਤੀਫਾ ਦੇ ਦਿਤਾ ਸੀ |  ਭਾਜਪਾ ਦੇ ਇਨ੍ਹਾਂ ਦੋਹਾਂ ਮੰਤਰੀਆਂ ਉੱਤੇ ਦੋਸ਼ ਸੀ ਕਿ ਇਹ ਆਰੋਪੀਆਂ  ਦੇ ਸਮਰਥਨ ਵਿਚ ਕੱਢੀ ਗਈ ਰੈਲੀ 'ਚ ਸ਼ਾਮਲ ਹੋਏ ਸਨ |