ਢਾਈ ਲੱਖ ਰੁਪਏ ਕਿਲੋ ਦੀ ਕੀਮਤ ਵਾਲੇ ਅੰਬ ਦੀ ਰਾਖੀ ਲਈ ਮਾਲਕ ਨੇ ਰੱਖੇ 4 ਗਾਰਡ ਅਤੇ 6 ਕੁੱਤੇ
ਇਸ ਅੰਬ ਦੀ ਅੰਤਰਰਾਸ਼ਟਰੀ ਮਾਰਕੀਟ ਵਿਚ ਭਾਰੀ ਮੰਗ
ਜਬਲਪੁਰ: ਮੱਧ ਪ੍ਰਦੇਸ਼ ਦੇ ਜਬਲਪੁਰ (Jabalpur) ਵਿੱਚ ਅੰਬ ਦੇ ਬਾਗ਼ ( Mango orchards) ਦੇ ਮਾਲਕ ਨੇ ਬਾਗ ਦੀ ਸੁਰੱਖਿਆ ਲਈ 4 ਗਾਰਡ ਅਤੇ 6 ਕੁੱਤੇ ਲਗਾਏ ਹੋਏ ਹਨ। ਖਾਸ ਕਿਸਮ ਦਾ ਅੰਬ ( Mango ) ਮੂਲਤ ਜਾਪਾਨ ਵਿਚ ਪਾਇਆ ਜਾਂਦਾ ਹੈ। ਜਬਲਪੁਰ (Jabalpur) ਦੇ ਇਸ ਬਾਗ਼ ਵਿਚ ਅੰਬ ਦੀ ਕੀਮਤ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ 2 ਲੱਖ 70 ਹਜ਼ਾਰ ਰੁਪਏ ਪ੍ਰਤੀ ਕਿੱਲੋ ਦੱਸੀ ਜਾਂਦੀ ਹੈ।
ਅੰਬਾਂ ( Mango )ਦੀ ਮਹਿੰਗੀ ਕੀਮਤ ਹੋਣ ਕਾਰਨ ਇਸ ਦੀ ਸੁਰੱਖਿਆ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਹਨ। ਇਨ੍ਹਾਂ ਅੰਬਾਂ ਦੀ ਰਾਖੀ ਲਈ ਦਿਨ ਵਿੱਚ 24 ਘੰਟੇ ਕੁੱਤੇ ਅਤੇ ਗਾਰਡ ਤਾਇਨਾਤ ਕੀਤੇ ਗਏ ਹਨ।
ਬਗੀਚੇ ਦੇ ਮਾਲਕ ਸੰਕਲਪ ਨੇ ਦੱਸਿਆ ਕਿ ਇਸ ਜਾਪਾਨੀ ਅੰਬ ( Mango ) ਦਾ ਨਾਮ ਟਾਇਓ ਨੋ ਟਮੈਂਗੋ ਹੈ, ਇਸ ਨੂੰ ਸੂਰਜ ਦਾ ਅੰਡਾ ਵੀ ਕਿਹਾ ਜਾਂਦਾ ਹੈ। ਸੰਕਲਪ ਦੱਸਦੇ ਹਨ ਕਿ ਇਹ ਅੰਬ ( Mango ) ਪਿਛਲੇ ਦਿਨੀਂ ਕਾਫ਼ੀ ਚਰਚਾ ਵਿੱਚ ਆਇਆ ਸੀ। ਜਿਸ ਕਾਰਨ ਉਸਦੇ ਬਾਗ਼ ਦੇ ਅੰਬ ਚੋਰੀ ਹੋ ਗਏ ਸਨ। ਇਸ ਲਈ ਉਹ ਇਨ੍ਹਾਂ ਕੀਮਤੀ ਅੰਬਾਂ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹਨ ਅਤੇ ਸੁਰੱਖਿਆ ‘ਤੇ ਵਧੇਰੇ ਪੈਸਾ ਖਰਚ ਕਰ ਰਹੇ ਹਨ।
ਜਦੋਂ ਇਹ ਅੰਬ ਪੂਰੀ ਤਰ੍ਹਾਂ ਪੱਕ ਜਾਂਦਾ ਹੈ, ਤਾਂ ਇਹ ਹਲਕਾ ਲਾਲ ਅਤੇ ਪੀਲਾ ਹੋ ਜਾਂਦਾ ਹੈ ਅਤੇ ਇਸਦਾ ਭਾਰ ਲਗਭਗ 900 ਗ੍ਰਾਮ ਤੱਕ ਪਹੁੰਚ ਜਾਂਦਾ ਹੈ। ਇਸ ਵਿਚ ਫਾਈਬਰ ਨਹੀਂ ਪਾਇਆ ਜਾਂਦਾ ਅਤੇ ਖਾਣ ਵਿਚ ਵੀ ਬਹੁਤ ਮਿੱਠਾ ਹੁੰਦਾ ਹੈ। ਅੰਬ ਦੀ ਇਹ ਜਾਤੀ ਜਾਪਾਨ ਵਿੱਚ ਇੱਕ ਸੁਰੱਖਿਅਤ ਵਾਤਾਵਰਣ ਵਿੱਚ ਉਗਾਈ ਜਾਂਦੀ ਹੈ, ਪਰ ਸੰਕਲਪ ਨੇ ਇਸ ਨੂੰ ਆਪਣੀ ਬੰਜਰ ਧਰਤੀ ਉੱਤੇ ਖੁੱਲੇ ਵਾਤਾਵਰਣ ਵਿੱਚ ਉਗਾਇਆ।
ਬਗੀਚੇ ਦੇ ਮਾਲਕ ਸੰਕਲਪ ਦਾ ਕਹਿਣਾ ਹੈ ਕਿ ਸ਼ੁਰੂ ਵਿੱਚ ਉਸਨੇ 4 ਏਕੜ ਦੇ ਬਗੀਚੇ ਵਿੱਚ ਅੰਬ ਦੇ ਕੁਝ ਰੁੱਖ ਲਗਾਏ ਸਨ। ਹੁਣ ਉਸ ਦੇ ਬਾਗ ਵਿਚ 14 ਹਾਈਬ੍ਰਿਡ ਅਤੇ ਛੇ ਵਿਦੇਸ਼ੀ ਕਿਸਮਾਂ ਦੇ ਅੰਬ ਹਨ। ਇਸ ਦੇ ਨਾਲ ਹੀ ਜਾਪਾਨੀ ਮੀਡੀਆ ਦੀ ਰਿਪੋਰਟ ਅਨੁਸਾਰ ਇਹ ਅੰਬ ( Mango ) ਦੁਨੀਆ ਦਾ ਸਭ ਤੋਂ ਮਹਿੰਗਾ ਅੰਬ ( Mango )ਮੰਨਿਆ ਜਾਂਦਾ ਹੈ।
ਹੋਰ ਪੜ੍ਹੋ: UP ਪੁਲਿਸ ਨੇ ਟਵਿਟਰ ਇੰਡੀਆ ਦੇ MD ਨੂੰ ਭੇਜਿਆ ਨੋਟਿਸ, 7 ਦਿਨਾਂ ’ਚ ਮੰਗਿਆ ਜਵਾਬ
ਪਿਛਲੇ ਸਾਲ ਇਸ ਅੰਬ ( Mango )ਦੀ ਕੀਮਤ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਢਾਈ ਲੱਖ ਰੁਪਏ ਪ੍ਰਤੀ ਕਿੱਲੋ ਤੱਕ ਪਹੁੰਚ ਗਈ ਸੀ। ਭਾਰਤ ਵਿਚ ਇਸ ਅੰਬ ਦੀ ਕਾਸ਼ਤ ਕਿਤੇ ਹੋਰ ਨਹੀਂ ਕੀਤੀ ਜਾਂਦੀ। ਜਪਾਨੀ ਅੰਬ ( Mango ) ਨੂੰ ਤਾਮਾਗੋ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ। ਇਸ ਦੀ ਅੰਤਰਰਾਸ਼ਟਰੀ ਮਾਰਕੀਟ ਵਿਚ ਭਾਰੀ ਮੰਗ ਹੈ।