ਇੰਦੌਰ: ਚਾਈਲਡ ਪੋਰਨੋਗ੍ਰਾਫ਼ੀ ਦੀ ਬੇਹੱਦ ਘਨੌਣੀ ਸਮੱਗਰੀ ਦੇ ਗ਼ੈਰਕਾਨੂੰਨੀ ਪ੍ਰਸਾਰ ਨਾਲ ਜੁੜੇ ਅੰਤਰਰਾਸ਼ਟਰੀ ਵਟਸਐੱਪ ਗਰੁੱਪ ਵਿਚ ਸ਼ਾਮਲ ਮੱਧਪ੍ਰਦੇਸ਼ ਦੇ ਤਿੰਨ ਲੋਕਾਂ ਨੂੰ ਪੁਲਿਸ ਦੇ ਸਾਈਬਰ ਵਿਭਾਗ ਨੇ ਦਬੋਚਿਆ ਹੈ। ਇਸ ਗਰੁਪ ਵਲੋਂ ਭਾਰਤ ਸਮੇਤ 28 ਦੇਸ਼ਾਂ ਦੇ ਲੋਕ ਜੁੜੇ ਹਨ। ਰਾਜ ਸਾਈਬਰ ਸੈੱਲ ਦੀ ਇੰਦੌਰ ਸ਼ਾਖਾ ਦੇ ਪੁਲਿਸ ਪ੍ਰਧਾਨ ਜਤੇਂਦਰ ਸਿੰਘ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਦਸਿਆ ਕਿ ਮਾਮਲੇ ਵਿਚ ਨਜਦੀਕੀ ਮਹੂ ਕਸਬੇ ਦੇ ਇਲੈਕਟਰਿਕਲ ਇੰਜੀਨੀਅਰ ਮਕਰੰਦ ਸਾਲੁੰਕੇ (24), ਧਾਰ ਜ਼ਿਲ੍ਹੇ ਦੇ ਬਰਤਨ ਕਾਰੋਬਾਰੀ ਓਂਕਾਰ ਸਿੰਘ ਰਾਠੌਰ(43) ਅਤੇ ਖੰਡਵਾ ਜ਼ਿਲ੍ਹੇ ਦੇ 12ਵੀ ਦੇ ਨਬਾਲਗ ਵਿਦਿਆਰਥੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਨ੍ਹਾਂ ਵਿਰੁਧ ਧਾਰਾ 67-ਬੀ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਸਿੰਘ ਨੇ ਦਸਿਆ ਕਿ ਤਿੰਨੇ ਆਰੋਪੀ ਕਿਡਸ ਉਨਲੀ ਸੈਕਸ ਨਾਮ ਦੇ ਵਟਸਐੱਪ ਗਰੁਪ ਤੋਂ ਜੁੜੇ ਹੋਏ ਸਨ। 256 ਮੈਬਰਾਂ ਵਾਲੇ ਇਸ ਸਮੂਹ ਵਿਚ ਸਾਰੇ ਲੋਕ ਪੂਰਬੋਤ ਅਤੇ ਦੱਖਣ ਭਾਰਤੀ ਰਾਜਾਂ ਦੇ ਰਹਿਣ ਵਾਲੇ ਹਨ। ਇਸ ਗਰੁਪ ਨਾਲ ਨੇਪਾਲ, ਪਾਕਿਸਤਾਨ, ਸਊਦੀ ਅਰਬ, ਸੰਯੁਕਤ ਅਰਬ ਅਮੀਰਾਤ, ਸ਼੍ਰੀਲੰਕਾ, ਮੈਕਸਿਕੋ, ਕੈਨੇਡਾ, ਮਿਆਮਾਂ, ਵਿਅਤਨਾਮ , ਯੁਗਾਂਡਾ ਅਤੇ ਅਲਜੀਰੀਆ ਸਮੇਤ 27 ਹੋਰ ਦੇਸ਼ਾਂ ਦੇ ਲੋਕ ਵੀ ਜੁੜੇ ਹਨ।
ਪੁਲਿਸ ਅਧਿਕਾਰੀ ਨੇ ਦਸਿਆ ਕਿ ਜਦੋਂ ਅਸੀਂ ਮਾਮਲੇ ਦਾ ਖ਼ੁਲਾਸਾ ਕੀਤਾ, ਤਾਂ ਇਸ ਗਰੁਪ ਨੂੰ ਕੁਵੈਤ ਦੇ ਮੋਬਾਈਲ ਨੰਬਰ ਤੋਂ ਚਲਾਇਆ ਜਾ ਰਿਹਾ ਸੀ। ਹਾਲਾਂਕਿ, ਇਸ ਗਰੁੱਪ ਦੇ ਐਡਮਿਨ ਲਗਾਤਾਰ ਬਦਲਦੇ ਰਹਿੰਦੇ ਹਾਂ। ਭਾਰਤ ਦਾ ਇਕ ਵਿਅਕਤੀ ਵੀ ਇਸ ਗਰੁਪ ਦਾ ਐਡਮਿਨ ਰਹਿ ਚੁਕਿਆ ਹੈ ਜੋ ਗੁਜਰਾਤ ਦਾ ਰਹਿਣ ਵਾਲਾ ਹੈ। ਸਿੰਘ ਨੇ ਦਸਿਆ ਕਿ ਚਾਇਲਡ ਪੋਰਨੋਗ੍ਰਾਫ਼ੀ ਦੇ ਵਟਸਐੱਪ ਗਰੁਪ ਨਾਲ ਜੁੜਣ ਲਈ ਉਨ੍ਹਾਂ ਚੁਣੇ ਹੋਏ ਲੋਕਾਂ ਨੂੰ ਲਿੰਕ ਭੇਜ ਕੇ ਬੁਲਾਇਆ ਕੀਤਾ ਜਾਂਦਾ ਸੀ। ਜੋ ਇਸ ਸੋਸ਼ਲ ਮੈਸੇਜਿੰਗ ਪਲੇਟਫਾਰਮ ਉਤੇ ਅਸ਼ਲੀਲ ਸਮੱਗਰੀ ਪ੍ਰਾਪਤ ਕਰਨ ਵਾਲੇ ਦੂਜੇ ਗਰੁੱਪਾਂ ਨਾਲ ਜੁੜੇ ਹੁੰਦੇ ਸਨ। ਉਨ੍ਹਾਂ ਦਸਿਆ ਕਿ ਪੂਰੇ ਮਾਮਲੇ ਨਾਲ ਕੇਂਦਰੀ ਜਾਂਚ ਬਿਊਰੋ (ਸੀਬੀਆਈ) ਅਤੇ ਸਬੰਧਿਤ ਰਾਜਾਂ ਦੀ ਪੁਲਿਸ ਦੇ ਸਾਇਬਰ ਵਿਭਾਗਾਂ ਨੂੰ ਵੀ ਜਾਣੂ ਕਰਾਇਆ ਜਾ ਰਿਹਾ ਹੈ ਤਾਂਜੋ ਗਰੁਪ ਦੇ ਹੋਰ ਮੈਬਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾ ਸਕੇ। ਸਿੰਘ ਨੇ ਦਸਿਆ ਕਿ ਵਟਸਐੱਪ 'ਤੇ ਚਾਇਲਡ ਪੋਰਨੋਗ੍ਰਾਫ਼ੀ ਦੇ ਕੁੱਝ ਹੋਰ ਸਮੂਹਾਂ ਬਾਰੇ ਵੀ ਸੂਚਨਾ ਮਿਲੀ ਹੈ। ਇਸ ਬਾਰੇ ਵਿਚ ਜਾਂਚ ਕੀਤੀ ਜਾ ਰਹੀ ਹੈ।