Boat water dropped in the fall

ਕੇਰਲ : ਵਿਆਹ ਤੋਂ ਪਹਿਲਾਂ ਪ੍ਰੀ-ਵੈਡਿੰਗ ਫੋਟੋਸ਼ੂਟ ਦਾ ਇਨ੍ਹਾਂ ਦਿਨਾਂ ‘ਚ ਲੋਕਾਂ ਵਿਚ ਕਾਫ਼ੀ ਕ੍ਰੇਜ਼ ਹੁੰਦਾ ਹੈ। ਵਿਆਹ ਤੋਂ ਪਹਿਲਾਂ ਹੁਣ ਸਾਰੇ ਜੋੜੇ ਅਪਣੇ ਸੁਨਿਹਰੇ ਦਿਨਾਂ ਨੂੰ ਕੈਮਰੇ ਵਿਚ ਕੈਦ ਕਰਵਾਉਣਾ ਚਾਹੁੰਦੇ ਹਨ। ਇਸ ਦੇ ਲਈ ਕਈਂ ਲੋਕ ਸ਼ਾਪਿੰਗ ਕਰਦੇ ਹੋਏ ਪ੍ਰੀ-ਵੈਡਿੰਗ ਫੋਟੋਸ਼ੂਟ ਕਰਵਾਉਂਦੇ ਹਨ ਤਾਂ ਕਈ ਅਜਿਹੀ ਥਾਵਾਂ ‘ਤੇ ਫੋਟੋਸ਼ੂਟ ਕਰਵਾਉਂਦੇ ਹਨ ਜਿਸਦੀ ਲੋਕੇਸ਼ਨ ਚੰਗੀ ਹੋਵੇ।

ਉਥੇ ਕੇਰਲ ਦੇ ਇਕ ਕਪਲ ਨੂੰ ਪ੍ਰੀ-ਵੈਡਿੰਗ ਫੋਟੋਸ਼ੂਟ ਕਰਵਾਉਣਾ ਮਹਿੰਗਾ ਪੈ ਗਿਆ। ਦਰਅਸਲ ਕੇਰਲ ਵਿਚ ਤਿਰੂਵਲਾ ਦੇ ਰਹਿਣ ਵਾਲੇ ਇਕ ਜੋੜਾ ਜਿਨ੍ਹਾਂ ਦਾ ਵਿਆਹ 6 ਮਈ ਨੂੰ ਹੋਣ ਵਾਲਾ ਹੈ ਨੇ ਵਿਆਹ ਤੋਂ ਪਹਿਲਾਂ ਪਠਾਨਮਿਥਾ ਜ਼ਿਲ੍ਹੇ ਦੀ ਪੰਬਾ ਨਦੀ ਵਿਚ ਫੋਟੋਸ਼ੂਟ ਕਰਵਾਇਆ। ਤਿਜਿਨ ਤੇ ਸ਼ਿਲਪਾ ਕਿਸ਼ਤੀ ‘ਚ ਬੈਠ ਕੇ ਫੋਟੋਸ਼ੂਟ ਕਰਵਾ ਰਹੇ ਸੀ ਤਾਂ ਸਿਰ ‘ਤੇ ਕੇਲੇ ਦਾ ਪੱਤਾ ਰੱਖ ਕੇ ਵੱਖ-ਵੱਖ ਪੋਜ਼ ਦੇ ਰਹੇ ਸੀ।

ਇਸੇ ਦੌਰਾਨ ਕਿਸ਼ਤੀ ਪਲਟ ਗਈ ਤੇ ਦੋਨੋਂ ਨਦੀ ਵਿਚ ਜਾ ਡਿੱਗੇ। ਬਚਾਅ ਰਿਹਾ ਕਿ ਉਥੇ ਮੌਜੂਦ ਲੋਕਾਂ ਨੇ ਜਲਦੀ ਨਾਲ ਉਨ੍ਹਾਂ ਨੂੰ ਬਾਹਰ ਕੱਢਿਆ। ਇਸ ਕਪਲ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਖ਼ੂਬ ਵਾਇਰਲ ਹੋ ਰਿਹਾ ਹੈ। ਹੁਣ ਤੱਕ ਇਸ ਵੀਡੀਓ ਨੂੰ ਲੱਖਾਂ ਲੋਕ ਦੇਖ ਚੁੱਕੇ ਹਨ ਤੇ ਹਜਾਰਾਂ ਸ਼ੇਅਰ ਕਰ ਚੁੱਕੇ ਹਨ। Weddplanner Wedding Studio ਪੇਜ਼ ‘ਤੇ ਇਸ ਵੀਡੀਓ ਨੂੰ ਸ਼ੇਅਰ ਕੀਤਾ ਗਿਆ ਹੈ।