ਨੌਂ ਮਹੀਨੇ ਦੀ ਬੱਚੀ ਕੋਰੋਨਾ ਪੀੜਤ, ਪਿਤਾ ਤਬਲੀਗ਼ੀ ਜਮਾਤ ਦਾ ਮੈਂਬਰ

ਦੇਹਰਾਦੂਨ, 18 ਅਪ੍ਰੈਲ : ਉਤਰਾਖੰਡ ’ਚ ਕੋਰੋਨਾ ਵਾਇਰਸ ਦੇ ਤਾਜਾ ਮਾਮਲਿਆਂ ’ਚ ਨੌ ਮਹੀਨੇ ਦਾ ਇਕ ਨਵਜਾਤ ਬੱਚਾ ਵੀ ਸ਼ਾਮਲ ਹੋ ਗਿਆ ਹੈ ਜੋ ਅਪਣੇ ਪਿਤਾ ਦੇ ਸੰਪਰਕ ’ਚ ਆਉਣ ਦੇ ਕਾਰਨ ਪ੍ਰਭਾਵਤ ਹੋਇਆ ਹੈ। ਬੱਚੇ ਦਾ ਪਿਤਾ ਤਬਲੀਗ਼ੀ ਜਮਾਤ ਦੇ ਜਲਸੇ ਤੋਂ ਵਾਪਸ ਆਇਆ ਸੀ। ਅਧਿਕਾਰੀਆਂ ਨੇ ਸਨਿਚਰਵਾਰ ਨੂੰ ਇਹ ਜਾਣਕਾਰੀ ਦਿਤੀ। ਅਧਿਕਾਰੀਆਂ ਨੇ ਇਹ ਨਹੀਂ ਦਸਿਆ ਕਿ ਸਮਾਗਮ ਕਿਥੇ ਹੋਇਆ ਸੀ ਜਾਂ ਬੱਚੇ ਦੇ ਪਿਤਾ ’ਚ ਵਾਇਰਸ ਦੀ ਪੁਸ਼ਟੀ ਕਦ ਹੋਈ। ਸ਼ੁਕਰਵਾਰ ਨੂੰ ਉਤਰਾਖੰਡ ’ਚ ਕੋਰੋਨਾ ਵਾਇਰਸ ਦੇ ਸਾਹਮਣੇ ਆਏ ਤਿੰਨ ਨਵੇਂ ਮਾਮਲਿਆਂ ਵਿਚ ਇਹ ਬੱਚਾ ਵੀ ਸ਼ਾਮਲ ਹੈ। 

ਸਿਹਤ ਵਿਭਾਗ ਦੇ ਇਕ ਬੁਲਾਰੇ ਨੇ ਦਸਿਆ ਕਿ ਸਾਹਮਣੇ ਆਏ ਤਾਜਾ ਮਾਮਲਿਆਂ ਦੇ ਬਾਅਦ ਰਾਜ ’ਚ ਪ੍ਰਭਾਵਤ ਵਿਅਕਤੀਆਂ ਦੀ ਗਿਣਤੀ ਵੱਧ ਕੇ 40 ਹੋ ਗਈ ਹੈ। ਬੱਚੇ ਨੂੰ ਦੇਹਰਾਦੂਨ ਦੇ ਜਖਨ ਖੇਤਰ ਵਿਚ ਇਕ ਸਕੂਲ ’ਚ ਇਕਾਂਤਵਾਸ ਵਿਚ ਰਖਿਆ ਗਿਆ ਹੈ। ਬੁਲਾਰੇ ਦੇ ਮੁਤਾਬਕ ਬੱਚੇ ਦਾ ਪਿਤਾ ਤਬਲੀਗ਼ੀ ਜਮਾਤ ਦੇ ਉਨ੍ਹਾਂ ਦੱਸ ਮੈਂਬਰਾਂ ਵਿਚੋਂ ਇਕ ਹੈ ਜਿਨ੍ਹਾਂ ਦਾ ਦੇਹਰਾਦੂਨ ਵਿਚ ਕੋਵਿਡ 19 ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਬੱਚੇ ਦੇ ਇਲਾਵਾ ਸ਼ੁਕਰਵਾਰ ਨੂੰ ਜਿਨ੍ਹਾਂ ਵਿਚ ਕੋਰੋਨਾ ਵਾਇਰਸ ਦੀ ਪੁਸ਼ਟੀ ਹੋਈ ਉਨ੍ਹਾਂ ਵਿਚ ਸੈਨਿਕ ਹਸਪਤਾਲ ’ਚ ਤੈਨਾਤ ਇਕ ਮਹਿਲਾ ਅਧਿਕਾਰੀ ਅਤੇ ਨੈਨੀਤਾਲ ਜ਼ਿਲ੍ਹੇ ’ਚ ਤਬਲੀਗ਼ੀ ਜਮਾਤ ਦਾ ਇਕ ਮੈਂਬਰ ਸ਼ਾਮਲ ਹੈ। ਮਹਿਲਾ ਅਧਿਕਾਰੀ ਹਾਲ ਹੀ ’ਚ ਲਖਨਉ ਤੋਂ ਪ੍ਰੀਖਣ ਹਾਸਲ ਕਰ ਕੇ ਪਰਤੀ ਸੀ। (ਪੀਟੀਆਈ)