ਫੇਸਬੁੱਕ ‘ਤੇ ਸਿੱਖਾਂ ਖਿਲਾਫ ਪੋਸਟ ‘ਲਗਦੈ 1984 ਯਾਦ ਕਰਵਾਉਣੀ ਪਊ’
ਸੋਸ਼ਲ ਮੀਡੀਆ ਉਤੇ ਸਿੱਖਾਂ ਦੇ ਪ੍ਰਦਰਸ਼ਨ ਖਿਲਾਫ ਪੋਸਟ
ਨਵੀਂ ਦਿੱਲੀ- ਬੀਤੇ ਦਿਨੀਂ ਦਿੱਲੀ ਵਿਚ ਸਿੱਖ ਵਿਅਕਤੀ ਦੀ ਕੁੱਟਮਾਰ ਦਾ ਮਾਮਲਾ ਹਾਲੇ ਵੀ ਗਰਮਾਇਆ ਹੋਇਆ ਹੈ। ਸਿੱਖਾਂ ਵੱਲੋਂ ਇਨਸਾਫ਼ ਦੀ ਲਗਾਤਾਰ ਮੰਗ ਕੀਤੀ ਜਾ ਰਹੀ ਹੈ। ਪਰ ਕੁੱਝ ਲੋਕਾਂ ਵੱਲੋਂ ਅੱਗ ਵਿੱਚ ਘੀ ਪਾਉਣ ਦਾ ਕੰਮ ਵੀ ਕੀਤਾ ਜਾ ਰਿਹਾ ਹੈ।
ਮੰਗਲਵਾਰ ਨੂੰ ਸਚਿਨ ਨਾਂਅ ਦੇ ਇੱਕ ਨੌਜਵਾਨ ਨੇ ਸੋਸ਼ਲ ਮੀਡੀਆ ਉਤੇ ਲਿਖ ਦਿੱਤਾ ਕਿ ਲਗਦਾ ਹੈ ਸਿੱਖਾਂ ਨੂੰ 1984 ਵਾਲਾ ਵੇਲਾ ਯਾਦ ਕਰਵਾਉਣਾ ਪੈਣਾ ਹੈ। ਸੋਸ਼ਲ ਮੀਡੀਆ ਉਤੇ ਕੌਮ ਦੇ ਇਸ ਦੁਸ਼ਮਣ ਦਾ ਮੈਸੇਜ ਤੇਜੀ ਨਾਲ ਵਾਇਰਲ ਹੋਇਆ ਅਤੇ ਨਾਲ ਹੀ ਕੰਮੈਟਾਂ ਵਿਚ ਗਾਲਾਂ ਦੀ ਬਰਸਾਤ।
ਹਾਲਾਂਕਿ ਇਸ ਮੈਸੇਜ ਤੋਂ ਬਾਅਦ ਉਸਦੇ ਕੁੱਝ ਮਿੱਤਰਾਂ ਨੇ ਉਸਨੂੰ ਸਮਝਾਉਣ ਦੀ ਵੀ ਕੋਸ਼ਿਸ਼ ਕੀਤੀ, ਪਰ ਜ਼ਿਆਦਾਤਰ ਉਸਨੂੰ ਹੱਲਾਸ਼ੇਰੀ ਦੇਣ ਵਾਲੇ ਸਨ।
1984 ਯਾਦ ਕਰਵਾਉਣ ਦੇ ਇਸ ਨੌਜਵਾਨ ਵੱਲੋਂ ਕੀਤੇ ਗਏ ਮੈਸੇਜ ਤੋਂ ਬਾਅਦ ਲੋਕਾਂ ਨੇ ਉਸਨੂੰ ਐਨੀਆਂ ਗਾਲਾਂ ਕੱਢੀਆਂ ਕਿ ਆਖਿਰਕਾਰ ਉਸਨੂੰ ਫੇਸਬੁੱਕ ਤੋਂ ਆਪਣਾ ਮੈਸੇਜ ਡਿਲੀਟ ਕਰਨਾ ਪਿਆ।
ਇਹ ਘਿਨਾਉਣੀ ਕਰਤੂਤ ਕਰਨ ਵਾਲਾ ਨੌਜਵਾਨ ਦਿੱਲੀ ਦਾ ਦੱਸਿਆ ਜਾ ਰਿਹਾ ਹੈ। ਫਿਲਹਾਲ ਮੈਸੇਜ ਡਿਲੀਟ ਕਰਨ ਤੋਂ ਬਾਅਦ ਉਸਨੇ ਨਾ ਤਾਂ ਮੁਆਫੀ ਮੰਗੀ ਹੈ ਅਤੇ ਨਾ ਹੀ ਕੋਈ ਹੋਰ ਪ੍ਰਤਿਕਿਰਿਆ ਦਿੱਤੀ ਹੈ।