ਹਿਮਾਚਲ 'ਚ ਆਟੋ ਚਾਲਕ ਦਾ ਪੁੱਤਰ ਰਿਹਾ 12ਵੀਂ ਜਮਾਤ 'ਚੋਂ ਅੱਵਲ

ਕੁੱਲੂ, 18 ਜੂਨ : ਹਿਮਾਚਲ ਪ੍ਰਦੇਸ਼ ਸਿਖਿਆ ਬੋਰਡ ਦੇ 12 ਵੀਂ ਦੇ ਨਤੀਜੇ ਐਲਾਨੇ ਗਏ ਹਨ। ਕੁੱਲੂ ਦੇ ਸਾਇੰਸ ਸਕੂਲ ਆਫ਼ ਐਜੂਕੇਸ਼ਨ, ਧੱਲਪੁਰ ਦੇ ਵਿਦਿਆਰਥੀ ਪ੍ਰਕਾਸ਼ ਕੁਮਾਰ ਨੇ ਕੁਲ 12 ਵੀਂ ਜਮਾਤ ਵਿਚੋਂ ਅੱਵਲ ਸਥਾਨ ਪ੍ਰਾਪਤ ਕੀਤਾ ਹੈ। ਪ੍ਰਕਾਸ਼ ਨੇ 99.4 ਫ਼ੀ ਸਦ ਅੰਕ ਪ੍ਰਾਪਤ ਕੀਤੇ ਹਨ। ਜਾਣਕਾਰੀ ਅਨੁਸਾਰ ਪ੍ਰਕਾਸ਼ ਮੂਲ ਰੂਪ ਵਿਚ ਲਾਹੌਲ ਸਪਿਤੀ ਦੇ ਲੌਟ ਪਿੰਡ ਦਾ ਰਹਿਣ ਵਾਲਾ ਹੈ ਅਤੇ ਉਸ ਦਾ ਪਿਤਾ ਕੁੱਲੂ ਵਿਚ ਇਕ ਆਟੋ ਚਾਲਕ ਹੈ। ਪ੍ਰਕਾਸ਼ ਦਾ ਇਕ ਵੱਡਾ ਭਰਾ ਵੀ ਹੈ, ਜੋ ਕਾਲਜ ਵਿਚ ਪੜ੍ਹਦਾ ਹੈ।

ਪ੍ਰਕਾਸ਼ ਦੇ ਪਿਤਾ ਰਾਕੇਸ਼ ਕੁਮਾਰ ਨੇ ਦਸਿਆ ਕਿ ਉਹ 70 ਵਿਆਂ ਤੋਂ ਕੁੱਲੂ ਵਿਚ ਰਹਿ ਰਿਹਾ ਹੈ ਅਤੇ ਆਟੋ ਚਲਾਉਂਦਾ ਹੈ। ਉਹ ਕੁੱਲੂ ਵਿਚ ਹੀ ਨੂਲੀ ਖਰਨਾ ਵਿਚ ਰਹਿੰਦਾ ਹੈ। ਉਸ ਦੀ ਪਤਨੀ ਇਕ ਘਰੇਲੂ ਔਰਤ ਹੈ। ਪ੍ਰਕਾਸ਼ ਦੇ ਪਿਤਾ ਨੇ ਦਸਿਆ ਕਿ ਉਹ ਸਕੂਲ ਆਉਣ ਤੋਂ ਬਾਅਦ ਰਾਤ 12 ਵਜੇ ਤਕ ਪੜ੍ਹਦਾ ਸੀ। ਉਹ ਰੋਜ਼ਾਨਾ ਸਿਰਫ਼ ਚਾਰ ਤੋਂ ਪੰਜ ਘੰਟੇ ਸੌਂਦਾ ਹੈ। ਪ੍ਰਕਾਸ਼ ਦੇ ਚਾਚੇ ਜਗਦੀਸ਼ ਨੇ ਦਸਿਆ ਕਿ ਉਸ ਦਾ ਭਤੀਜਾ ਆਈਏਐਸ ਬਣਨਾ ਚਾਹੁੰਦਾ ਹੈ। ਉਸੇ ਸਮੇਂ, ਪ੍ਰਕਾਸ਼ ਦੇ ਦਾਦਾ ਕੈਲੋਂਗ ਵਿਚ ਆਈਪੀਐਚ ਵਿਭਾਗ ਵਿਚ ਕੰਮ ਕਰ ਰਹੇ ਹਨ।

ਦਸਵੀਂ ਜਮਾਤ ਦੇ ਨਤੀਜੇ ਐਲਾਨੇ ਜਾਣ ਤੋਂ ਬਾਅਦ ਹਿਮਾਚਲ ਬੋਰਡ ਨੇ ਵੀ ਬਾਰ੍ਹਵੀਂ ਜਮਾਤ ਦਾ ਨਤੀਜਾ ਜਾਰੀ ਕਰ ਦਿਤਾ ਹੈ। ਇਸ ਵਾਰ 76.07 ਫ਼ੀ ਸਦੀ ਵਿਦਿਆਰਥੀ ਪਾਸ ਹੋਏ ਹਨ। ਸ਼ਿਮਲਾ ਦੀ ਸ਼ਰੂਤੀ ਕਸ਼ਯਪ ਨੇ ਆਰਟ ਸਟ੍ਰੀਮ ਵਿਚ ਟਾਪ ਕੀਤਾ, ਉਹ 98.2 ਪ੍ਰਤੀਸ਼ਤ ਦੇ ਨਾਲ ਪਹਿਲੇ ਸਥਾਨ 'ਤੇ ਹੈ। ਕੁੱਲੂ ਦਾ ਪ੍ਰਕਾਸ਼ ਕੁਮਾਰ 99.4 ਪ੍ਰਤੀਸ਼ਤ ਦੇ ਨਾਲ ਵਿਗਿਆਨ ਦੇ ਸਟ੍ਰੀਮ ਵਿਚ ਸੱਭ ਤੋਂ ਉਪਰ ਰਿਹਾ। ਉਹ ਓਵਰਆਲ ਟਾਪਰ ਵੀ ਹੈ। ਕਮਰਸ ਸਟ੍ਰੀਮ ਵਿਚ ਮੇਘਾ ਗੁਪਤਾ 97.6 ਫ਼ੀ ਸਦੀ ਦੇ ਨਾਲ ਪਹਿਲੇ ਸਥਾਨ 'ਤੇ ਹੈ।