ਰੋਜ਼ਾਨਾ 4 ਘੰਟੇ ਜਾਂ ਇਸ ਤੋਂ ਵੱਧ ਟੀਵੀ ਦੇਖਣ ਨਾਲ ਵਧ ਸਕਦਾ ਹੈ ਖੂਨ ਦੇ ਥੱਕਿਆਂ ਦਾ ਖ਼ਤਰਾ: ਰਿਪੋਰਟ

Watching TV for 4 hours or more daily may increase blood clot risk,

 

ਨਵੀਂ ਦਿੱਲੀ - ਦਿਨ ਵਿਚ ਚਾਰ ਘੰਟੇ ਜਾਂ ਇਸ ਤੋਂ ਵੱਧ ਸਮਾਂ ਟੈਲੀਵਿਜ਼ਨ ਦੇਖਣ ਨਾਲ ਵਿਅਕਤੀ ਦੇ ਖ਼ੂਨ ਦੀਆਂ ਗੰਢਾਂ ਬਣਨ ਦਾ ਖ਼ਤਰਾ ਵਧ ਜਾਂਦਾ ਹੈ। ਇਹ ਜਾਣਕਾਰੀ ਯੂਰਪੀਅਨ ਜਰਨਲ ਆਫ਼ ਪ੍ਰੀਵੈਂਟਿਵ ਕਾਰਡੀਓਲੋਜੀ ਦੁਆਰਾ ਬੁੱਧਵਾਰ ਨੂੰ ਪ੍ਰਕਾਸ਼ਿਤ ਇਕ ਅਧਿਐਨ ਵਿਚ ਸਾਹਮਣੇ ਆਈ ਹੈ। 40 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ 130,000 ਤੋਂ ਵੱਧ ਬਾਲਗਾਂ ਦੇ ਵਿਸ਼ਲੇਸ਼ਣ ਦੇ ਆਧਾਰ 'ਤੇ ਰੋਜ਼ਾਨਾ ਔਸਤਨ ਚਾਰ ਘੰਟੇ ਜਾਂ ਇਸ ਤੋਂ ਵੱਧ ਸਮੇਂ ਤੱਕ ਟੀਵੀ ਦੇ ਸਾਹਮਣੇ ਬੈਠਣਾ 2 1/2 ਘੰਟਿਆਂ ਲਈ ਅਜਿਹਾ ਕਰਨ ਦੀ ਤੁਲਨਾ ਵਿਚ ਖੂਨ ਦੀਆਂ ਗੰਢਾਂ ਦੇ 35% ਵੱਧ ਜੋਖਮ ਨਾਲ ਜੁੜਿਆ ਹੋਇਆ ਹੈ।  

ਅਧਿਐਨ ਦੇ ਸਹਿ-ਲੇਖਕ ਡਾ. ਸੇਟਰ ਕੁਨੁਟਸੋਰ ਨੇ ਇੱਕ ਪ੍ਰੈਸ ਰਿਲੀਜ਼ ਵਿਚ ਕਿਹਾ, "ਸਾਡੇ ਅਧਿਐਨ ਦੇ ਨਤੀਜਿਆਂ ਨੇ ਇਹ ਵੀ ਸੁਝਾਅ ਦਿੱਤਾ ਹੈ ਕਿ ਸਰੀਰਕ ਤੌਰ 'ਤੇ ਸਰਗਰਮ ਰਹਿਣ ਨਾਲ ਲੰਬੇ ਸਮੇਂ ਤੱਕ ਟੀਵੀ ਦੇਖਣ ਨਾਲ ਜੁੜੇ ਖੂਨ ਦੇ ਥੱਕੇ ਦੇ ਵਧੇ ਹੋਏ ਜੋਖਮ ਨੂੰ ਖ਼ਤਮ ਨਹੀਂ ਕੀਤਾ ਜਾਂਦਾ ਹੈ।" ਇੰਗਲੈਂਡ ਦੀ ਬ੍ਰਿਸਟਲ ਯੂਨੀਵਰਸਿਟੀ ਦੇ ਸੀਨੀਅਰ ਲੈਕਚਰਾਰ ਕੁਨੁਟਸੋਰ ਨੇ ਕਿਹਾ, "ਜੇ ਤੁਸੀਂ ਟੀਵੀ 'ਤੇ Binge ਕਰਨ ਜਾ ਰਹੇ ਹੋ ਤਾਂ ਤੁਹਾਨੂੰ ਬ੍ਰੇਕ ਲੈਣ ਦੀ ਲੋੜ ਹੈ।"
ਉਹਨਾਂ ਨੇ ਲੋਕਾਂ ਨੂੰ ਟੈਲੀਵਿਜ਼ਨ ਦੇਖਦੇ ਸਮੇਂ "ਹਰ 30 ਮਿੰਟਾਂ ਵਿਚ ਖੜ੍ਹੇ ਹੋ ਕੇ ਚੱਲਣ ਦੀ ਸਲਾਹ ਦਿੱਤੀ ਅਤੇ "ਗੈਰ-ਸਿਹਤਮੰਦ ਸਨੈਕਿੰਗ ਤੋਂ ਬਚਣ" ਦੀ ਸਲਾਹ ਦਿੱਤੀ।

ਖੋਜਕਰਤਾਵਾਂ ਨੇ ਕਿਹਾ ਕਿ ਵਿਸ਼ਲੇਸ਼ਣ ਵਿਚ ਕੁੱਲ 131,421 ਭਾਗੀਦਾਰਾਂ ਦੇ ਨਾਲ ਤਿੰਨ ਅਧਿਐਨ ਸ਼ਾਮਲ ਹਨ ਜਿਨ੍ਹਾਂ ਦੀ ਉਮਰ 40 ਸਾਲ ਅਤੇ ਇਸ ਤੋਂ ਵੱਧ ਸੀ, ਜਿਨ੍ਹਾਂ ਦਾ VTE ਦਾ ਕੋਈ ਪੁਰਾਣਾ ਰਿਕਾਰਡ ਨਹੀਂ ਸੀ ਅਤੇ ਜਿਨ੍ਹਾਂ ਨੇ ਰੋਜ਼ਾਨਾ ਟੈਲੀਵਿਜ਼ਨ ਦੇਖਣ ਦੇ ਸਮੇਂ ਦੀ ਆਪਣੀ ਔਸਤ ਮਾਤਰਾ ਦੀ ਸਵੈ-ਰਿਪੋਰਟ ਕੀਤੀ ਸੀ। ਖੋਜਕਰਤਾਵਾਂ ਦੇ ਅਨੁਸਾਰ, ਤਿੰਨ ਅਧਿਐਨਾਂ ਵਿਚ 130,000 ਤੋਂ ਵੱਧ ਭਾਗੀਦਾਰਾਂ ਵਿਚੋਂ, 964 ਨੇ VTE ਵਿਕਸਿਤ ਕੀਤਾ। ਜਿਹੜੇ ਲੋਕ ਰੋਜ਼ਾਨਾ ਚਾਰ ਘੰਟੇ ਜਾਂ ਇਸ ਤੋਂ ਵੱਧ ਸਮਾਂ ਟੈਲੀਵਿਜ਼ਨ ਦੇਖਦੇ ਹਨ, ਉਨ੍ਹਾਂ ਵਿਚ VTE ਵਿਕਸਤ ਹੋਣ ਦੀ ਸੰਭਾਵਨਾ ਉੱਤਰਦਾਤਾਵਾਂ ਨਾਲੋਂ 1.35 ਗੁਣਾ ਜ਼ਿਆਦਾ ਸੀ, ਜਿਨ੍ਹਾਂ ਨੇ ਸ਼ਾਇਦ ਹੀ ਕਦੇ ਟੀਵੀ ਦੇਖਿਆ ਹੋਵੇ ਜਾਂ ਟੀਵੀ ਕਦੇ ਨਹੀਂ ਦੇਖਿਆ।