ਸਤੰਬਰ ਦੀ ਸ਼ੁਰੂਆਤ 'ਚ ਆਏਗਾ 200 ਰੁਪਏ ਦਾ ਨੋਟ

RBI

ਰਿਜਰਵ ਬੈਂਕ ਆਫ ਇੰਡੀਆ ਛੇਤੀ ਹੀ 200 ਰੁਪਏ ਦਾ ਨੋਟ ਜਾਰੀ ਕਰ ਸਕਦਾ ਹੈ। RBI ਇਸ ਮਹੀਨੇ ਦੇ ਅਖੀਰ ਵਿੱਚ ਜਾਂ ਫਿਰ ਸਤੰਬਰ ਦੀ ਸ਼ੁਰੂਆਤ ਵਿੱਚ ਇਹ ਨੋਟ ਲਿਆ ਸਕਦਾ ਹੈ। ਅਜਿਹਾ ਪਹਿਲੀ ਵਾਰ ਹੋਵੇਗਾ ਕਿ 200 ਰੁਪਏ ਦਾ ਨੋਟ ਆਵੇਗਾ। ਦੱਸ ਦਈਏ ਕਿ ਹਾਲ ਹੀ ਵਿੱਚ RBI ਨੇ ਐਲਾਨ ਕੀਤਾ ਸੀ ਕਿ 50 ਰੁਪਏ ਦਾ ਨੋਟ ਵੀ ਆਵੇਗਾ।

ਜਾਣਕਾਰੀ ਮੁਤਾਬਿਕ ਛੇਤੀ ਹੀ ਦੇਸ਼ ਭਰ ਦੇ ਬੈਂਕਾਂ ਅਤੇ ਏਟੀਐਮ ਵਿੱਚ ਇਨ੍ਹਾਂ ਨੂੰ ਉਪਲੱਬਧ ਕਰਾਇਆ ਜਾਵੇਗਾ। ਇਨ੍ਹਾਂ ਨੋਟਾਂ ਦੀ ਬਲੈਕ ਮਾਰਕੇਟਿੰਗ ਨਾ ਹੋਵੇ, ਇਸਦੇ ਲਈ ਆਰਬੀਆਈ ਪੂਰੀ ਤਰ੍ਹਾਂ ਨਾਲ ਤਿਆਰ ਹੈ। ਹੁਣ ਤੱਕ 200 ਰੁਪਏ ਦੇ 50 ਕਰੋੜ ਨੋਟ ਛਾਪੇ ਜਾ ਚੁੱਕੇ ਹਨ।

ਆਵੇਗਾ 50 ਦਾ ਨੋਟ

ਦੱਸ ਦਈਏ ਕਿ 50 ਰੁਪਏ ਦੇ ਨਵੇਂ ਨੋਟਾਂ ਨੂੰ ਮਹਾਤਮਾ ਗਾਂਧੀ (ਨਵੀਂ) ਸੀਰੀਜ ਦੇ ਤਹਿਤ ਜਾਰੀ ਕੀਤਾ ਜਾਵੇਗਾ, ਜਿਨ੍ਹਾਂ ਉੱਤੇ ਆਰਬੀਆਈ ਦੇ ਗਵਰਨਰ ਉਰਜਿਤ ਪਟੇਲ ਦੇ ਹਸਤਾਖਰ ਹੋਣਗੇ। 50 ਰੁਪਏ ਦੇ ਨਵੇਂ ਨੋਟਾਂ ਦੇ ਪਿਛਲੇ ਸਾਇਡ ਵਿੱਚ ਦੱਖਣ ਭਾਰਤੀ ਮੰਦਿਰ ਦੇ ਨਾਲ ਰੱਥ ਦੀ ਤਸਵੀਰ ਹੈ। ਜੋਕਿ ਦੇਸ਼ ਦੀ ਸੰਸਕ੍ਰਿਤਿਕ ਵਿਰਾਸਤ ਨੂੰ ਦਰਸਾਉਂਦਾ ਹੈ।

8 ਨਵੰਬਰ 2016 ਨੂੰ ਹੋਈ ਨੋਟਬੰਦੀ

ਜਿਕਰੇਯੋਗ ਹੈ ਕਿ 8 ਨਵੰਬਰ 2016 ਨੂੰ ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ਨੇ ਨੋਟਬੰਦੀ ਦੀ ਘੋਸ਼ਣਾ ਕੀਤੀ ਸੀ। ਇਸਦੇ ਬਾਅਦ 1000 ਅਤੇ 500 ਰੁਪਏ ਦੇ ਨੋਟ ਚਲਣੋਂ ਬੰਦ ਕਰ ਦਿੱਤੇ ਗਏ। ਰਿਜਰਵ ਬੈਂਕ ਨੇ ਇਹਨਾਂ ਦੀ ਜਗ੍ਹਾ 500 ਅਤੇ 2000 ਰੁਪਏ ਦੇ ਨਵੇਂ ਨੋਟ ਜਾਰੀ ਕੀਤੇ। ਹਾਲ ਵਿੱਚ ਆਈਆਂ ਖਬਰਾਂ ਮੁਤਾਬਕ ਸਰਕਾਰ 200 ਰੁਪਏ ਦਾ ਨਵਾਂ ਨੋਟ ਵੀ ਲਿਆਉਣ ਦੀ ਤਿਆਰੀ ਵਿੱਚ ਹੈ।