ਸੁਰੇਸ਼ ਪ੍ਰਭੂ ਨੇ ਕੀਤੀ ਅਸਤੀਫੇ ਦੀ ਪੇਸ਼ਕਸ਼, ਪੀਐਮ ਨੇ ਕਿਹਾ ਇੰਤਜਾਰ ਕਰੋ

ਨਵੀਂ ਦਿੱਲੀ: ਉੱਤਰ ਪ੍ਰਦੇਸ਼ 'ਚ ਪਿਛਲੇ ਪੰਜ ਦਿਨਾਂ ਦੇ ਅੰਦਰ ਹੋਏ ਦੋ ਟ੍ਰੇਨ ਹਾਦਸੇ ਦੀ ਨੈਤਿਕ ਜ਼ਿੰਮੇਦਾਰੀ ਲੈਂਦੇ ਹੋਏ ਰੇਲਮੰਤਰੀ ਸੁਰੇਸ਼ ਪ੍ਰਭ ਨੇ ਅਸਤੀਫ਼ੇ ਦੀ ਪੇਸ਼ਕਸ਼ ਕੀਤੀ ਹੈ। ਹਾਲਾਂਕਿ ਉਨ੍ਹਾਂ ਦਾ ਅਸਤੀਫਾ ਹਾਲੇ ਸਵੀਕਾਰ ਨਹੀਂ ਹੋਇਆ ਅਤੇ ਪ੍ਰਧਾਨਮੰਤਰੀ ਨੇ ਉਨ੍ਹਾਂ ਨੂੰ ਇੰਤਜਾਰ ਕਰਨ ਨੂੰ ਕਿਹਾ ਹੈ। ਉਨ੍ਹਾਂ ਨੇ ਬੁੱਧਵਾਰ ਨੂੰ ਟਵੀਟ ਕਰ ਇਸਦੀ ਜਾਣਕਾਰੀ ਦਿੱਤੀ।

ਸੁਰੇਸ਼ ਪ੍ਰਭੂ ਨੇ ਕੀ ਕਿਹਾ?

ਪ੍ਰਭੂ ਨੇ ਟਵੀਟ ਕਰ ਕਿਹਾ- ਤਿੰਨ ਸਾਲ ਤੋਂ ਵੀ ਘੱਟ ਸਮੇਂ ਦੌਰਾਨ ਮੈਂ ਮੰਤਰੀ ਰਹਿੰਦੇ ਹੋਏ ਖੂਨ ਪਸੀਨੇ ਨਾਲ ਰੇਲਵੇ ਦੀ ਬਿਹਤਰੀ ਲਈ ਕੰਮ ਕੀਤਾ। ਹਾਲ ਵਿੱਚ ਹੋਏ ਹਾਦਸਿਆਂ ਨਾਲ ਮੈਂ ਕਾਫ਼ੀ ਨਰਾਜ਼ ਹਾਂ। ਪੈਸੇਂਜਰਾਂ ਦੀ ਜਾਨ ਜਾਣ, ਉਨ੍ਹਾਂ ਦੇ  ਜਖ਼ਮੀ ਹੋਣ ਨਾਲ ਮੈਂ ਦੁਖੀ ਹਾਂ। ਇਸਤੋਂ ਮੈਨੂੰ ਬਹੁਤ ਦੁੱਖ ਹੈ। ਪੀਐਮ ਦੇ ਨਿਊ ਇੰਡੀਆ ਨਿਰਜਨ ਦੇ ਤਹਿਤ ਪੀਐਮ ਨੂੰ ਅਜਿਹੇ ਰੇਲਵੇ ਦੀ ਜ਼ਰੂਰਤ ਹੈ ਜੋ ਸਮਰੱਥਾਵਾਨ ਹੋਵੇ ਅਤੇ ਆਧੁਨਿਕ ਹੋਵੇ। ਮੈਂ ਵਾਅਦਾ ਕਰ ਸਕਦਾ ਹਾਂ ਕਿ ਅਸੀਂ ਉਸੀ ਰਸਤੇ 'ਤੇ ਹਾਂ, ਰੇਲਵੇ ਅੱਗੇ ਵੱਧ ਰਿਹਾ ਹੈ। ਮੈਂ ਪੀਐਮ ਮੋਦੀ ਨਾਲ ਮੁਲਾਕਾਤ ਕੀਤੀ। ਇਨ੍ਹਾਂ ਹਾਦਸਿਆਂ ਦੀ ਮੈਂ ਨੈਤਿਕ ਜ਼ਿੰਮੇਦਾਰੀ ਲੈਂਦਾ ਹਾਂ। ਪੀਐਮ ਨੇ ਮੈਨੂੰ ਇੰਤਜਾਰ ਕਰਨ ਨੂੰ ਕਿਹਾ।

ਉਹ ਰੇਲ ਹਾਦਸੇ, ਜੋ ਰੇਲਮੰਤਰੀ ਸੁਰੇਸ਼ ਪ੍ਰਭੂ ਦੇ ਅਸਤੀਫੇ ਦੀ ਵਜ੍ਹਾ ਬਣੇ

ਕੈਫੀਅਤ ਐਕਸਪ੍ਰੇਸ ਦੁਰਘਟਨਾ

ਉੱਤਰ ਪ੍ਰਦੇਸ਼ ਦੇ ਔਰਿਆ ਜਿਲ੍ਹੇ ਵਿੱਚ ਬੁੱਧਵਾਰ ਦੇਰ ਰਾਤ ਕੈਫੀਅਤ ਐਕਸਪ੍ਰੇਸ  ਦੇ 10 ਡੱਬੇ ਪਟਰੀ ਤੋਂ ਉੱਤਰ ਗਏ। ਆਜਮਗੜ ਤੋਂ ਦਿੱਲੀ ਆ ਰਹੀ ਇਸ ਟ੍ਰੇਨ ਦੇ ਹਾਦਸੇ ਦੇ ਸ਼ਿਕਾਰ ਹੋਣ ਦੇ ਕਾਰਨ ਘੱਟ ਤੋਂ ਘੱਟ 74 ਲੋਕ ਜਖ਼ਮੀ ਹੋ ਗਏ।  ਯੂਪੀ ਵਿੱਚ ਪਿਛਲੇ ਪੰਜ ਦਿਨਾਂ ਦੇ ਅੰਦਰ ਇਹ ਦੂਜੀ ਵੱਡੀ ਟ੍ਰੇਨ ਦੁਰਘਟਨਾ ਹੈ।

ਉਤਕਲ ਐਕਸਪ੍ਰੇਸ ਹਾਦਸਾ

ਉਤਕਲ ਐਕਸਪ੍ਰੇਸ ਮੁਜੱਫਰਨਗਰ ਦੇ ਖਤੌਲੀ ਦੇ ਕੋਲ ਦੁਰਘਟਨਾਗ੍ਰਸਤ ਹੋ ਗਈ ਸੀ, ਜਿਸ ਵਿੱਚ 24 ਲੋਕਾਂ ਦੀ ਮੌਤ ਹੋ ਗਈ ਜਦੋਂ ਕਿ ਤਕਰੀਬਨ 150 ਲੋਕ ਜਖਮੀ ਹੋ ਗਏ। ਇਸ ਹਾਦਸੇ ਵਿੱਚ ਰੇਲ ਅਧਿਕਾਰੀਆਂ ਦੀ ਵੱਡੀ ਲਾਪਰਵਾਹੀ ਸਾਹਮਣੇ ਆਈ ਸੀ। ਰੇਲਮੰਤਰੀ ਨੇ ਇਸ ਮਾਮਲੇ ਵਿੱਚ ਰੇਲਵੇ ਦੇ ਕਈ ਉੱਤਮ ਅਧਿਕਾਰੀਆਂ ਉੱਤੇ ਕਾਰਵਾਈ ਕੀਤੀ।