Haryana News: ਪ੍ਰੇਮੀ ਨਾਲ ਭੱਜੀ 2 ਬੱਚਿਆਂ ਦੀ ਮਾਂ, ਹੋਟਲ ਵਿਚ ਜਾ ਕੇ ਦੋਵਾਂ ਨੇ ਕੀਤਾ ਅਜਿਹਾ ਕੰਮ ਕੇ ਪੈਰਾਂ ਹੇਠੋਂ ਖਿਸਕੀ ਜ਼ਮੀਨ
Haryana News: ਸਹੁਰਿਆਂ ਨੇ ਲੜਕੀ ਦੀ ਗੁੰਮਸ਼ੁਦਗੀ ਦੀ ਲਿਖਵਾਈ ਸੀ ਰਿਪੋਰਟ
The Lovers ate poison in Ambala Haryana News in punjabi: ਅੰਬਾਲਾ ਜ਼ਿਲ੍ਹੇ ਤੋਂ ਲਾਪਤਾ ਹੋਈ ਇਕ ਵਿਆਹੁਤਾ ਔਰਤ ਨੇ ਆਪਣੇ ਪ੍ਰੇਮੀ ਨਾਲ ਪੰਚਕੂਲਾ ਦੇ ਮੋਰਨੀ ਹਿੱਲ 'ਚ ਇਕ ਹੋਟਲ 'ਚ ਸਲਫਾਸ ਨਿਗਲ ਕੇ ਖ਼ੁਦਕੁਸ਼ੀ ਕਰ ਲਈ। 18-19 ਮਾਰਚ ਦੀ ਰਾਤ ਨੂੰ ਵਿਆਹੁਤਾ ਆਪਣੇ ਪਤੀ ਅਤੇ ਦੋ ਬੱਚਿਆਂ ਨੂੰ ਸੁੱਤੇ ਹੋਏ ਦੇਖ ਕੇ ਆਪਣੇ ਪ੍ਰੇਮੀ ਨਾਲ ਘਰੋਂ ਭੱਜ ਗਈ ਸੀ। ਵਿਆਹੁਤਾ ਦੇ ਪਤੀ ਨੇ ਥਾਣੇ ਵਿੱਚ ਗੁੰਮਸ਼ੁਦਗੀ ਦੀ ਰਿਪੋਰਟ ਦਰਜ ਕਰਵਾਈ ਹੈ। ਮ੍ਰਿਤਕ ਨੌਜਵਾਨ ਦੀ ਪਛਾਣ ਪੰਚਕੂਲਾ ਦੇ ਪਿੰਡ ਜਲੌਲੀ ਦੇ ਰਹਿਣ ਵਾਲੇ ਅਮਨਦੀਪ ਅਤੇ ਵਿਆਹੁਤਾ ਦੀ ਪਛਾਣ ਪਿੰਡ ਦਾਦੂਪੁਰ ਦੀ ਵਾਸੀ ਵਜੋਂ ਹੋਈ ਹੈ।
ਇਹ ਵੀ ਪੜ੍ਹੋ: Haryana News: ਟਰਾਂਸਫਾਰਮਰ ਨਾਲ ਟਕਰਾਇਆ ਬੇਕਾਬੂ ਬੁਲਟ, ਦੋ ਨੌਜਵਾਨਾਂ ਦੀ ਹੋਈ ਮੌਤ
ਪੰਚਕੂਲਾ ਪੁਲਿਸ ਅਨੁਸਾਰ ਅਮਨਦੀਪ ਅਤੇ ਵਿਆਹੁਤਾ ਨੇ ਮੰਗਲਵਾਰ ਸਵੇਰੇ 9 ਵਜੇ ਰਾਏਪੁਰ ਰਾਣੀ-ਟਿਕਰਤਲ ਰੋਡ ’ਤੇ ਸਥਿਤ ਨੈਨਸੀ ਹੋਟਲ ਵਿੱਚ ਕਮਰਾ ਨੰਬਰ 203 ਲਿਆ ਸੀ। ਇੱਥੇ ਵਿਆਹੁਤਾ ਨੇ ਆਪਣੀ ਆਈਡੀ ਦਿੱਤੀ ਸੀ ਪਰ ਨੌਜਵਾਨ ਨੇ ਸਿਰਫ਼ ਆਪਣਾ ਨਾਂ ਹੀ ਦਰਜ ਕਰਵਾਇਆ ਸੀ। ਸ਼ਾਮ 5 ਵਜੇ ਤੱਕ ਵੀ ਜਦੋਂ ਦੋਵੇਂ ਕਮਰੇ ਤੋਂ ਬਾਹਰ ਨਹੀਂ ਆਏ ਤਾਂ ਸ਼ੱਕ ਹੋਣ 'ਤੇ ਪਹਿਲਾਂ ਹੋਟਲ ਸਟਾਫ ਨੇ ਫੋਨ ਕੀਤਾ, ਜਦੋਂ ਫੋਨ ਨਾ ਚੁੱਕਿਆ ਗਿਆ ਤਾਂ ਉਨ੍ਹਾਂ ਨੇ ਦਰਵਾਜ਼ੇ ਕੋਲੋਂ ਆਵਾਜ਼ ਲਗਾਈ। ਜਦੋਂ ਕਮਰਾ ਨਾ ਖੋਲ੍ਹਿਆ ਤਾਂ ਉਨ੍ਹਾਂ ਨੇ ਮੋਰਨੀ ਪੁਲਿਸ ਚੌਕੀ ਨੂੰ ਫੋਨ ਕਰਕੇ ਇਸ ਦੀ ਸੂਚਨਾ ਦਿੱਤੀ।
ਮੋਰਨੀ ਪੁਲਿਸ ਚੌਕੀ ਦੇ ਇੰਚਾਰਜ ਐਸਆਈ ਰਵੀ ਨੇ ਦੱਸਿਆ ਕਿ ਪੁਲਿਸ ਹੋਟਲ ’ਚ ਪੁੱਜੀ ਅਤੇ ਦਰਵਾਜ਼ਾ ਤੋੜ ਕੇ ਕਮਰੇ ਵਿਚ ਦਾਖ਼ਲ ਹੋਈ। ਇੱਥੇ ਵਿਆਹੁਤਾ ਔਰਤ ਦੀ ਅਰਧ ਨਗਨ ਹਾਲਤ 'ਚ ਲਾਸ਼ ਮਿਲੀ। ਦੋਵਾਂ ਨੇ ਸਲਫਾਸ ਨਿਗਲ ਲਈ ਸੀ। ਵਿਆਹੁਤਾ ਔਰਤ ਦੀ ਮੌਤ ਹੋ ਚੁੱਕੀ ਸੀ। ਜਦੋਂ ਨੌਜਵਾਨ ਸਾਹ ਲੈ ਰਿਹਾ ਸੀ, ਉਸ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ। ਨੌਜਵਾਨ ਦੀ ਬੁੱਧਵਾਰ ਨੂੰ ਜੀਐਮਸੀਐਚ-16 ਚੰਡੀਗੜ੍ਹ ਵਿਖੇ ਇਲਾਜ ਦੌਰਾਨ ਮੌਤ ਹੋ ਗਈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਪੁਲਿਸ ਮੁਤਾਬਕ ਨੌਜਵਾਨ ਅਤੇ ਵਿਆਹੁਤਾ ਦਾ ਕਾਫੀ ਸਮੇਂ ਤੋਂ ਪ੍ਰੇਮ ਸਬੰਧ ਚੱਲ ਰਿਹਾ ਸੀ। ਦੋਵੇਂ ਪਹਿਲਾਂ ਵੀ ਮਿਲ ਚੁੱਕੇ ਹਨ। 18-19 ਮਾਰਚ ਦੀ ਰਾਤ ਨੂੰ ਔਰਤ ਆਪਣੇ ਸਹੁਰੇ ਘਰੋਂ ਭੱਜ ਗਈ ਸੀ, ਜਿਸ ਬਾਰੇ ਉਸ ਦੇ ਪਰਿਵਾਰਕ ਮੈਂਬਰਾਂ ਨੂੰ ਪਤਾ ਲੱਗਾ। ਜਿਸ ਕਾਰਨ ਪ੍ਰੇਮੀ ਜੋੜੇ ਨੇ ਸਲਫਾਸ ਨਿਗਲ ਕੇ ਖ਼ੁਦਕੁਸ਼ੀ ਕਰ ਲਈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ
(For more news apart from 'The Lovers ate poison in Ambala Haryana News in punjabi' stay tuned to Rozana Spokesman)