ਕਿਸ਼ੋਰ ਕੁਮਾਰ ਦੇ ਬੰਗਲੇ ਦਾ 14.50 ਕਰੋੜ ਵਿੱਚ ਹੋਇਆ ਸੌਦਾ, ਭਤੀਜੇ ਨੇ ਕੀਤਾ ਇਤਰਾਜ਼

Native bungalow

ਖੰਡਵਾ  (ਮੱਧ ਪ੍ਰਦੇਸ਼) : ਮਸ਼ਹੂਰ ਗਾਇਕ ਕਿਸ਼ੋਰ ਕੁਮਾਰ ਦਾ ਇੱਥੇ ਮੁੰਬਈ ਬਾਜ਼ਾਰ ਸਥਿਤ ਜੱਦੀ ਬੰਗਲਾ ਵਿਕਣ ਵਾਲਾ ਹੈ| ਦੱਸ ਦੇਈਏ ਕਿ ਇਸ ਬੰਗਲੇ ਦਾ ਸੌਦਾ 14.50 ਕਰੋੜ ਵਿਚ ਹੋ ਗਿਆ ਹੈ| ਖੰਡਰ ਹੋ ਚੁੱਕਿਆ ਇਹ ਭਵਨ 7 ਹਜਾਰ 200 ਵਰਗ ਫੁੱਟ ਵਿਚ ਫੈਲਿਆ ਹੈ|  ਸ਼ਹਿਰ ਦੇ ਕਾਲੋਨਾਈਜਰ ਅਭੈ ਜੈਨ ਦਾ ਦਾਅਵਾ ਹੈ ਕਿ ਉਨ੍ਹਾਂ ਨੇ 20 ਹਜਾਰ ਰੁਪਏ ਵਰਗ ਫੁੱਟ ਦੇ ਭਾਅ ਨਾਲ ਇਸਦਾ ਸੌਦਾ ਤੈਅ ਕੀਤਾ ਹੈ| ਕੁੱਝ ਹਿੱਸਾ ਵਿਵਾਦਿਤ ਹੈ, ਲਿਹਾਜਾ ਰਜਿਸਟਰੀ ਵਿਚ ਕਰੀਬ ਇਕ ਸਾਲ ਲੱਗੇਗਾ| ਹਾਲਾਂਕਿ, ਕਿਸ਼ੋਰ ਦੇ ਭਤੀਜੇ ਅਰਜੁਨ ਕੁਮਾਰ ਨੇ ਇਸ ਉੱਤੇ ਹੈਰਾਨੀ ਜਤਾਈ ਹੈ| ਕਿਉਂਕਿ ਉਨ੍ਹਾਂ ਨੂੰ ਇਸ ਸੌਦੇ ਦੇ ਬਾਰੇ ਵਿਚ ਜਾਣਕਾਰੀ ਹੀ ਨਹੀਂ ਹੈ|