ਚੀਨ ਦੇ ਨੌਜਵਾਨ ਆਪਣੇ ਭਵਿੱਖ ਨੂੰ ਲੈ ਕੇ ਚਿੰਤਤ, ਕਰਨਾ ਚਾਹੁੰਦੇ ਨੇ ਸਰਕਾਰੀ ਨੌਕਰੀ

Youth of China

ਬੀਜਿੰਗ : ਚੀਨ ਦੇ ਨੌਜਵਾਨ ਆਪਣੇ ਭਵਿੱਖ ਨੂੰ ਲੈ ਕੇ ਕਾਫੀ ਚਿੰਤਤ ਹਨ। ਉਹਨਾਂ ਨੂੰ ਡਰ ਹੈ ਕਿ ਇਹਨਾਂ ਪੜ੍ਹਨ ਲਿਖਣ ਦੇ ਬਾਵਜੂਦ ਉਹਨਾਂ ਨੂੰ ਨੌਕਰੀਆਂ ਮਿਲਣਗੀਆਂ ਜਾਂ ਨਹੀਂ।  ਚੀਨ ਦੀ ਰਾਜਧਾਨੀ ਬੀਜਿੰਗ ਵਿਚ ਰਹਿਣ ਵਾਲੇ ਜ਼ੂ ਲਿੰਗ ਪਿਛਲੇ ਸਾਲ ਗ੍ਰੈਜੂਏਟ ਹੋਏ ਹਨ।

ਦੇਸ਼ ਦੀ ਇਕ ਸਰਬੋਤਮ ਯੂਨੀਵਰਸਿਟੀ ਵਿਚ ਪੜ੍ਹਨ ਤੋਂ ਬਾਅਦ,  ਉਹਨਾਂ ਨੂੰ ਚੰਗੀ ਤਨਖਾਹ ਵਾਲੀ ਨੌਕਰੀ ਮਿਲ ਰਹੀ ਸੀ ਉਹ  ਸਰਕਾਰੀ ਨੌਕਰੀ ਲਈ ਪ੍ਰੀਖਿਆਵਾਂ ਦੀ ਤਿਆਰੀ ਵੀ ਕਰ ਰਿਹਾ ਹੈ। ਚੀਨ ਦੇ ਕੁਝ ਨੌਜਵਾਨਾਂ ਦੀ ਭਵਿੱਖ ਬਾਰੇ ਅਸੁਰੱਖਿਆ ਇਸ ਹੱਦ ਤੱਕ ਵੱਧ ਗਈ ਹੈ ਕਿ ਉਹ ਹੁਣ ਸਿਰਫ ਸਰਕਾਰੀ ਨੌਕਰੀ ਕਰਨਾ ਚਾਹੁੰਦੇ ਹਨ।

ਚੀਨ ਦੇ ਨੌਜਵਾਨ  5 ਸਾਲ ਪਹਿਲਾਂ ਅਲੀਬਾਬਾ, ਟੈਨਸੈਂਟ, ਹੁਆਵੇ ਵਰਗੀਆਂ ਵੱਡੀਆਂ ਕੰਪਨੀਆਂ ਵਿੱਚ ਸ਼ਾਮਲ  ਹੋ ਰਹੇ ਸਨ। ਚੰਗੀ ਤਨਖਾਹ, ਕਾਰਜ ਸਭਿਆਚਾਰ ਅਤੇ ਨੌਜਵਾਨਾਂ ਨੂੰ ਵਧੇਰੇ ਮੌਕੇ ਪ੍ਰਦਾਨ ਕਰਨਾ ਨੌਕਰੀ ਕਰਨ ਦੇ ਕਾਰਨ ਸਨ। ਹਾਲਾਂਕਿ, ਕੋਰੋਨਾ ਮਹਾਂਮਾਰੀ ਦੇ ਬਾਅਦ ਤੋਂ ਸਥਿਤੀ ਬਦਲ ਗਈ ਹੈ। ਉਹਨਾਂ ਦਾ ਬਹੁ ਰਾਸ਼ਟਰੀ ਕੰਪਨੀਆਂ ਨਾਲ ਮੋਹ ਭੰਗ ਹੋ ਰਿਹਾ ਹੈ।

ਉਹ ਹੁਣ ਬੈਂਕਿੰਗ, ਸਿਹਤ, ਸਿੱਖਿਆ, ਟੈਕਨੋਲੋਜੀ ਵਰਗੇ ਖੇਤਰਾਂ ਵਿੱਚ ਸਰਕਾਰੀ ਨੌਕਰੀਆਂ ਦੀ ਭਾਲ ਕਰ ਰਹੇ ਹਨ। ਇਸ ਗੱਲ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ 16 ਲੱਖ ਨੌਜਵਾਨਾਂ ਨੇ 25,700 ਅਸਾਮੀਆਂ ਲਈ ਪ੍ਰੀਖਿਆ ਦਿੱਤੀ, ਜੋ ਪਿਛਲੀ ਵਾਰ ਨਾਲੋਂ ਡੇਢ ਲੱਖ ਵੱਧ ਹੈ।

ਜ਼ੂ ਦਾ ਕਹਿਣਾ ਹੈ ਕਿ ਬਹੁ-ਰਾਸ਼ਟਰੀ ਚੰਗੇ ਪੈਸੇ ਦੀ ਪੇਸ਼ਕਸ਼ ਕਰਦੇ ਹਨ, ਦੁਨੀਆ ਵਿਚ ਘੁੰਮਣ ਦਾ ਮੌਕਾ ਮਿਲਦਾ ਹੈ ਪਰ ਅੱਜ ਕੱਲ ਏਸ਼ੀਅਨ ਅਤੇ ਚੀਨੀ ਵਿਚ  ਭੇਦਭਾਵ ਹੈ। ਚੀਨ ਵਿਚ ਇਕ ਸਿਵਲ ਕਰਮਚਾਰੀ ਦੀ ਔਸਤਨ ਪ੍ਰਤੀ ਮਹੀਨਾ ਤਨਖਾਹ ਲਗਭਗ 70,000 ਰੁਪਏ ਹੈ।