ਡਰੱਗ ਮਾਮਲੇ ਵਿਚ ਆਰੋਪੀਆਂ ਨੂੰ ਬਰੀ ਕੀਤੇ ਜਾਣ ਤੇ ਪੁਲਿਸ ਅਧਿਕਾਰੀ ਨੇ ਵਾਪਸ ਕੀਤਾ ਬਹਾਦਰੀ ਪੁਰਸਕਾਰ

Manipur Police Officer Returns Gallantry Award

ਨਵੀਂ ਦਿੱਲੀ: ਮਨੀਪੁਰ ਦੀ ਵਧੀਕ ਐਸ.ਪੀ. ਬਿੰਦਰਾ ਨੇ ਡਰੱਗ ਮਾਮਲੇ ਵਿਚ  ਅਦਾਲਤ ਦੇ ਆਦੇਸ਼ ਤੋਂ ਬਾਅਦ  ਆਪਣਾ  ਬਹਾਦਰੀ ਪੁਰਸਕਾਰ ਸ਼ੁੱਕਰਵਾਰ ਨੂੰ ਵਾਪਸ ਕਰ ਦਿੱਤਾ ਹੈ। ਇਸ ਡਰੱਗ ਮਾਮਲੇ ਵਿਚ  ਭਾਰਤੀ ਜਨਤਾ ਪਾਰਟੀ ਦੇ ਸਾਬਕਾ ਏਡੀਸੀ ਚੇਅਰਮੈਨ ਅਤੇ 6 ਹੋਰਾਂ ਉੱਤੇ ਦੋਸ਼ ਲਗਾਏ ਗਏ ਸਨ। ਪੁਲਿਸ ਅਧਿਕਾਰੀ ਨੂੰ ਇਹ ਤਗਮਾ ਨਸ਼ਿਆਂ ਦੇ ਕੇਸ ਦੀ ਜਾਂਚ ਦੇ ਸਬੰਧ ਵਿੱਚ ਦਿੱਤਾ ਗਿਆ ਸੀ। ਪੁਲਿਸ ਅਧਿਕਾਰੀ ਨੇ ਮੁੱਖ ਮੰਤਰੀ ਐਨ ਬੀਰੇਨ ਸਿੰਘ ਨੂੰ ਲਿਖੇ ਇੱਕ ਪੱਤਰ ਵਿੱਚ ਅਦਾਲਤ ਦੇ ਆਦੇਸ਼ ਨੂੰ ਮੈਡਲ ਵਾਪਸ  ਕਰਨ ਦਾ ਕਾਰਨ ਦੱਸਿਆ ਹੈ। 

ਅਦਾਲਤ ਨੇ ਨਸ਼ਿਆਂ ਦੇ ਮਾਮਲੇ ਦੀ ਜਾਂਚ ਨੂੰ “ਅਸੰਤੁਸ਼ਟ” ਮੰਨਦਿਆਂ ਸਾਰੇ ਮੁਲਜ਼ਮਾਂ ਨੂੰ ਬਰੀ ਕਰ ਦਿੱਤਾ। ਬਿੰਦਰਾ ਨੂੰ 13 ਅਗਸਤ 2018 ਨੂੰ ਦੇਸ਼ ਭਗਤ ਦਿਵਸ ਦੇ ਮੌਕੇ ਨਸ਼ਿਆਂ ਵਿਰੁੱਧ ਰਾਜ ਸਰਕਾਰ ਦੀ ਲੜਾਈ ਵਿੱਚ ਮਹੱਤਵਪੂਰਣ ਯੋਗਦਾਨ ਬਦਲੇ ਬਹਾਦਰੀ ਪੁਰਸਕਾਰ  ਪੁਲਿਸ ਮੈਡਲ ਨਾਲ ਸਨਮਾਨਤ ਕੀਤਾ ਗਿਆ ਸੀ।

ਪੁਲਿਸ ਅਧਿਕਾਰੀ ਨੇ ਰਾਜ ਸਰਕਾਰ ਨੂੰ ਪੂਰੇ ਸਨਮਾਨ ਨਾਲ ਅਤੇ ਐੱਨਡੀਪੀਐਸ ਕੋਰਟ ਦੇ ਫੈਸਲੇ ਦੀ ਪਾਲਣਾ ਕਰਦਿਆਂ ਤਗਮਾ ਵਾਪਸ ਕਰਨ ਦੀ ਪੇਸ਼ਕਸ਼ ਕੀਤੀ ਹੈ। ਲੈਮਫੈਲ ਦੀ ਐਨਡੀਪੀਐਸ ਅਦਾਲਤ ਨੇ ਭਾਰਤੀ ਜਨਤਾ ਪਾਰਟੀ (ਬੀਜੇਪੀ) ਦੇ ਸਾਬਕਾ ਪ੍ਰਧਾਨ ਆਟੋਨੋਮਸ ਜ਼ਿਲ੍ਹਾ ਪ੍ਰੀਸ਼ਦ (ਏਡੀਸੀ) ਦੇ ਪ੍ਰਧਾਨ ਲੁਕੋਸ਼ੀ ਜੋਸ਼ੀ ਅਤੇ ਛੇ ਹੋਰ ਲੋਕਾਂ ਨੂੰ ਇਸ ਕੇਸ ਵਿੱਚ ਸਾਹਮਣੇ ਆਏ ਸਾਰੇ ਦੋਸ਼ਾਂ ਤੋਂ ਬਰੀ ਕਰ ਦਿੱਤਾ ਹੈ ਜਿਸ ਵਿੱਚ ਵੱਡੀ ਮਾਤਰਾ ਵਿੱਚ ਨਸ਼ੀਲੀਆਂ ਦਵਾਈਆਂ ਜ਼ਬਤ ਕੀਤੀਆਂ ਗਈਆਂ ਸਨ।

ਬਿੰਦਰਾ ਨੇ ਕਿਹਾ ਕਿ ਅਦਾਲਤ ਨੇ ਮਾਮਲੇ ਦੀ ਜਾਂਚ ਅਤੇ ਅਭਿਯੋਜਨ ਨੂੰ ਅਸੰਤੁਸ਼ਟ ਮੰਨਿਆ ਹੈ,ਇਸ ਲਈ ਉਹ ਆਪਣਾ ਤਮਗਾ ਵਾਪਸ ਕਰ ਰਹੀ ਹੈ।
ਬਿੰਦਰਾ ਨੇ ਆਪਣੇ ਪੱਤਰ ਵਿੱਚ ਲਿਖਿਆ, “ਮੈਂ ਨੈਤਿਕ ਤੌਰ ਤੇ ਮਹਿਸੂਸ ਕਰਦੀ ਹਾਂ ਕਿ ਮੈਂ ਦੇਸ਼ ਦੀ ਅਪਰਾਧਿਕ ਨਿਆਂ ਪ੍ਰਣਾਲੀ ਦੀ ਇੱਛਾ ਅਨੁਸਾਰ ਆਪਣਾ ਫਰਜ਼ ਨਹੀਂ ਨਿਭਾਇਆ। ਇਸ ਲਈ ਮੈਂ ਆਪਣੇ ਆਪ ਨੂੰ ਇਸ ਸਨਮਾਨ ਦੇ ਯੋਗ ਨਹੀਂ ਮੰਨਦੀ ਅਤੇ ਗ੍ਰਹਿ  ਵਿਭਾਗ ਨੂੰ ਮੈਂ ਮੈਡਲ ਵਾਪਸ ਕਰ ਰਹੀ ਹਾਂ ਤਾਂ ਕਿ ਇਹ ਤਮਗਾ ਵਧੇਰੇ ਯੋਗ ਅਤੇ ਵਫ਼ਾਦਾਰ ਪੁਲਿਸ ਅਧਿਕਾਰੀ ਨੂੰ ਦਿੱਤਾ ਜਾ ਸਕੇ।