ਸੁਸਾਇਡ ਪੁਆਇੰਟ ਤੇ Selfie ਲੈਂਦੇ ਹੋਏ ਮਹਿਲਾ ਦੀ ਡੂੰਘੀ ਖਾਈ 'ਚ ਡਿਗਣ ਨਾਲ ਹੋਈ ਮੌਤ

ਕਿਨੌਰ: ਹਿਮਾਚਲ ਪ੍ਰਦੇਸ਼ 'ਚ ਇੱਕ ਮਹਿਲਾ ਦਾ ਸੈਲਫੀ ਲੈਂਦੇ ਪੈਰ ਤਿਲਕ ਗਿਆ ਅਤੇ ਉਹ ਪਹਾੜ ਤੋਂ ਹੇਠਾਂ ਖਾਈ 'ਚ ਡਿੱਗ ਗਈ। ਪਹਾੜੀ ਤੋਂ ਡਿਗਣ ਨਾਲ ਮਹਿਲਾ ਦੀ ਮੌਤ ਹੋ ਗਈ।   ਰਾਤ ਵੇਲੇ ਹਨੇਰਾ ਹੋਣ ਕਾਰਨ ਮਹਿਲਾ ਦਾ ਕੁਝ ਪਤਾ ਨਹੀਂ ਲੱਗ ਸਕਿਆ। ਦੱਸ ਦੇਈਏ ਇਹ ਹਾਦਸਾ ਹਿਮਾਚਲ ਪ੍ਰਦੇਸ਼ 'ਚ ਕਿਨੌਰ ਦੇ ਕਲਪਾ ਨੇੜੇ ਸਥਿਤ ਸੁਸਾਇਡ ਪੁਆਇੰਟ ਨੇੜੇ ਵਾਪਰਿਆ ਹੈ।  

ਮੌਕੇ ਤੇ ਪਹੁੰਚੀ ਪੁਲਿਸ ਨੇ ਅੱਜ ਫਿਰ ਤੋਂ ਸਰਚ ਅਭਿਆਨ ਚਲਾਇਆ। ਮ੍ਰਿਤਕ ਦੀ ਪਛਾਣ 40 ਸਾਲਾ ਰੇਖਾ ਸ਼ਰਮਾ ਵਜੋਂ ਹੋਈ ਹੈ। ਡਰਾਇਵਰ ਨੇ ਦੱਸਿਆ ਮਹਿਲਾ ਕਿੰਨੌਰ ਵਿੱਚ ਕਿੰਨਰ ਕੈਲਾਸ਼ ਨੂੰ ਦੇਖਣ ਲਈ ਦਿੱਲੀ ਤੋਂ ਕਲਪਾ ਆਈ ਸੀ। ਜਦੋਂ ਉਹ ਆਪਣੇ ਵਾਹਨ ਦੀ ਸਫਾਈ ਕਰ ਰਿਹਾ ਸੀ ਤਾਂ ਔਰਤ ਸੁਸਾਇਡ ਪੁਆਇੰਟ 'ਤੇ ਫੋਟੋ ਖਿੱਚ ਰਹੀ ਸੀ ਤੇ ਕੁਝ ਸਮੇਂ ਬਾਅਦ ਉਸਨੇ ਔਰਤ ਦੀ ਚੀਖ ਸੁਣੀ ਜਿਸ' ਤੇ ਉਹ ਸੁਸਾਇਡ ਪੁਆਇੰਟ ਵੱਲ ਗਿਆ ਪਰ ਔਰਤ ਦਾ ਕੁਝ ਨਹੀਂ ਪਤਾ ਲੱਗਾ।

ਜਿਸ ਤੋਂ ਬਾਅਦ  ਉਸ ਨੇ ਹੈਲਪਲਾਈਨ ਨੰਬਰ 100 ਤੇ ਸੂਚਨਾ ਦਿੱਤੀ। ਸੂਚਨਾ ਮਿਲਦੇ ਹੀ ਪੁਲਿਸ ਟੀਮ ਅਤੇ ਪ੍ਰਸ਼ਾਸਨ ਅਧਿਕਾਰੀ ਮੌਕੇ ਤੇ ਪਹੁੰਚ ਗਏ। ਹਨੇਰੇ ਕਾਰਨ ਰਾਤ ਨੂੰ ਬਚਾਅ ਕਾਰਜ ਨਹੀਂ ਚਲਾਇਆ ਜਾ ਸਕਿਆ।