ਦੇਸ਼ 'ਚ ਘਟ ਰਹੇ ਹਨ ਮੋਬਾਈਲ ਉਪਭੋਗਤਾ: 2 ਮਹੀਨਿਆਂ 'ਚ 54.77 ਲੱਖ ਲੋਕਾਂ ਨੇ ਮੋਬਾਈਲ ਤੋਂ ਬਣਾਈ ਦੂਰੀ

Mobile users are decreasing in the country: 54.77 lakh people distanced themselves from mobile phones in 2 months

 

ਨਵੀਂ ਦਿੱਲੀ : ਭਾਰਤ ਵਿੱਚ ਮੋਬਾਈਲ ਉਪਭੋਗਤਾਵਾਂ ਦੀ ਗਿਣਤੀ ਲਗਾਤਾਰ ਘੱਟ ਰਹੀ ਹੈ। ਪਿਛਲੇ ਦੋ ਮਹੀਨਿਆਂ ਵਿੱਚ 54.77 ਲੱਖ ਲੋਕਾਂ ਨੇ ਮੋਬਾਈਲ ਤੋਂ ਦੂਰੀ ਬਣਾ ਲਈ ਹੈ। ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ ਇੰਡੀਆ (TRAI) ਦੇ ਅਨੁਸਾਰ, ਅਕਤੂਬਰ 2022 ਵਿੱਚ, ਦੇਸ਼ ਭਰ ਵਿੱਚ ਮੋਬਾਈਲ ਉਪਭੋਗਤਾਵਾਂ ਦੀ ਗਿਣਤੀ 114.36 ਕਰੋੜ ਹੋ ਗਈ ਹੈ। ਜਦਕਿ ਅਗਸਤ ਮਹੀਨੇ 'ਚ ਕਰੀਬ 114.91 ਕਰੋੜ ਮੋਬਾਈਲ ਯੂਜ਼ਰ ਸਨ। ਸਤੰਬਰ ਮਹੀਨੇ ਵਿੱਚ ਮੋਬਾਈਲ ਉਪਭੋਗਤਾਵਾਂ ਦੀ ਗਿਣਤੀ 36.64 ਲੱਖ ਘਟ ਕੇ 114.54 ਕਰੋੜ ਰਹਿ ਗਈ।

ਇਸ ਦੇ ਨਾਲ ਹੀ ਅਕਤੂਬਰ ਮਹੀਨੇ 'ਚ 18.13 ਲੱਖ ਮੋਬਾਈਲ ਉਪਭੋਗਤਾ ਘਟੇ ਹਨ।

ਰਿਲਾਇੰਸ ਜੀਓ ਨੇ ਟੈਲੀਕਾਮ ਸੈਕਟਰ ਦਾ ਦਬਦਬਾ ਜਾਰੀ ਰੱਖਿਆ ਹੋਇਆ ਹੈ ਅਤੇ ਆਪਣੀ ਨੰਬਰ ਇਕ ਸਥਿਤੀ ਨੂੰ ਬਰਕਰਾਰ ਰੱਖਣਾ ਜਾਰੀ ਰੱਖਿਆ ਹੋਇਆ ਹੈ। ਅਕਤੂਬਰ ਵਿੱਚ, ਜੀਓ ਨੇ ਆਪਣੇ ਨੈਟਵਰਕ ਵਿੱਚ 14.14 ਲੱਖ ਨਵੇਂ ਉਪਭੋਗਤਾ ਸ਼ਾਮਲ ਕੀਤੇ ਹਨ। ਇਸ ਨਾਲ ਜਿਓ ਨੈੱਟਵਰਕ ਦੇ ਯੂਜ਼ਰਸ ਦੀ ਗਿਣਤੀ 42.13 ਕਰੋੜ ਹੋ ਗਈ ਹੈ। ਇਸ ਦੇ ਨਾਲ ਹੀ ਅਕਤੂਬਰ 'ਚ ਭਾਰਤੀ ਏਅਰਟੈੱਲ 'ਚ 8.5 ਲੱਖ ਨਵੇਂ ਯੂਜ਼ਰਸ ਜੋੜੇ ਗਏ। ਇਸ ਤੋਂ ਬਾਅਦ ਏਅਰਟੈੱਲ ਦੇ ਗਾਹਕਾਂ ਦੀ ਗਿਣਤੀ 36.50 ਕਰੋੜ ਹੋ ਗਈ ਹੈ।

ਵੋਡਾਫੋਨ ਆਈਡੀਆ ਦੇ ਯੂਜ਼ਰਸ ਲਗਾਤਾਰ ਘੱਟ ਰਹੇ ਹਨ। ਵੋਡਾਫੋਨ-ਆਈਡੀਆ ਕੰਪਨੀ ਦੇ 35.09 ਲੱਖ ਉਪਭੋਗਤਾ ਅਕਤੂਬਰ ਵਿੱਚ ਨੈਟਵਰਕ ਛੱਡ ਚੁੱਕੇ ਹਨ। ਇਸ ਨਾਲ ਕੰਪਨੀ ਦੇ ਕੁਲ ਗਾਹਕਾਂ ਦੀ ਗਿਣਤੀ 24.56 ਕਰੋੜ ਰਹਿ ਗਈ ਹੈ। ਇਸ ਦੇ ਨਾਲ ਹੀ BSNL ਦੇ 5.92 ਲੱਖ ਉਪਭੋਗਤਾ ਘਟੇ ਹਨ। ਇਸ ਕਾਰਨ ਇਸ ਦੇ ਉਪਭੋਗਤਾਵਾਂ ਦੀ ਗਿਣਤੀ ਘੱਟ ਕੇ 10.86 ਲੱਖ ਰਹਿ ਗਈ ਹੈ।