ਬਲਾਤਕਾਰੀ ਕਾਤਲ ਦੀ ਰਿਹਾਈ ਹੋ ਰਹੀ ਹੈ ਜਾਂ ਜਵਾਈ ਦਾ ਸਵਾਗਤ ਹੋ ਰਿਹਾ ਹੈ?- ਸਵਾਤੀ ਮਾਲੀਵਾਲ 

Swati Maliwal (file photo)

ਨਵੀਂ ਦਿੱਲੀ : ਸੌਦਾ ਸਾਧ ਨੂੰ ਦੋ ਮਹੀਨੇ ਬਾਅਦ ਫਿਰ ਪੈਰੋਲ ਮਿਲੀ ਹੈ ਜਿਸ ਦਾ ਪੰਥਕ ਅਤੇ ਕਈ ਸਿਆਸੀ ਧਿਰਾਂ ਵਲੋਂ ਵੀ ਵਿਰੋਧ ਕੀਤਾ ਜਾ ਰਿਹਾ ਹੈ। ਸਾਧ ਦੀ ਪੈਰੋਲ 'ਤੇ ਸਖਤ ਪ੍ਰਤੀਕਿਰਿਆ ਦਿੰਦਿਆਂ ਦਿੱਲੀ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਸਵਾਤੀ ਮਾਲੀਵਾਲ ਨੇ ਕਿਹਾ ਕਿ ਬਲਾਤਕਾਰੀ ਕਾਤਲ ਦੀ ਰਿਹਾਈ ਹੋ ਰਹੀ ਹੈ ਜਾਂ ਜਵਾਈ ਦਾ ਸਵਾਗਤ ਹੋ ਰਿਹਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਜੇਲ੍ਹ ਤੋਂ ਰਿਹਾ ਹੋ ਕੇ ਕਾਫਲੇ ਸਮੇਤ ਸੌਦਾ ਸਾਧ ਦੇ ਬਾਹਰ ਆਉਂਦੇ ਸਮੇਂ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਹੈ। 

ਸਵਾਤੀ ਮਾਲੀਵਾਲ ਨੇ ਸਖ਼ਤ ਲਹਿਜ਼ੇ ਵਿਚ ਸਵਾਲ ਵੀ ਪੁੱਛੇ ਹਨ। ਉਨ੍ਹਾਂ ਕਿਹਾ, ''ਬਲਾਤਕਾਰੀ ਕਾਤਲ ਦੀ ਰਿਹਾਈ ਹੋ ਰਹੀ ਹੈ ਜਾਂ ਜਵਾਈ ਦਾ ਸਵਾਗਤ ਹੋ ਰਿਹਾ ਹੈ? ਇਸ ਦੀ ਸੁਰੱਖਿਆ 'ਤੇ ਕਿੰਨੇ ਕਰੋੜ ਰੁਪਏ ਖ਼ਰਚ ਹੁੰਦੇ ਹਨ? ਜੇਲ੍ਹ ਵਿਚ ਇਸ ਨੂੰ ਕਿਹੜੀ-ਕਿਹੜੀ ਸਹੂਲਤ ਮਿਲਦੀ ਹੈ? ਸਰਕਾਰ ਵਿਚ ਕਿਹੜੇ-ਕਿਹੜੇ ਮੰਤਰੀ ਇਸ ਦੇ ਭਗਤ ਹਨ?''