ਡੋਨਾਲਡ ਟਰੰਪ ਦੇ ਨਾਲ ਭਾਰਤ ਆਉਣਗੇ ਧੀ ਇਵਾਂਕਾ ਅਤੇ ਜਵਾਈ ਜੇਰੇਡ
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਭਾਰਤ ਦੌਰਾ ਸੋਮਵਾਰ ਤੋਂ ਸ਼ੁਰੂ...
ਨਵੀਂ ਦਿੱਲੀ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਭਾਰਤ ਦੌਰਾ ਸੋਮਵਾਰ ਤੋਂ ਸ਼ੁਰੂ ਹੋਣ ਵਾਲਾ ਹੈ। ਨਵੀਂ ਦਿੱਲੀ ਤੋਂ ਲੈ ਕੇ ਅਹਿਮਦਾਬਾਦ ਵਿਚ ਉਨ੍ਹਾਂ ਦੇ ਦੌਰੇ ਦੀਆਂ ਤਿਆਰੀਆਂ ਹੋ ਰਹੀਆਂ ਹਨ। ਅਮਰੀਕੀ ਰਾਸ਼ਟਰਪਤੀ ਦੇ ਨਾਲ ਉਨ੍ਹਾਂ ਦੀ ਪਤਨੀ ਮੇਲਾਨਿਆ ਵੀ ਭਾਰਤ ਆ ਰਹੀ ਹੈ ਇਨਾਂ ਹੀ ਨਹੀਂ ਟਰੰਪ ਦੀ ਬੇਟੀ ਇਵਾਂਕਾ ਅਤੇ ਜਵਾਈ ਜੇਰੇਡ ਵੀ ਪ੍ਰਤੀਨਿਧੀਮੰਡਲ ਵਿਚ ਸ਼ਾਮਲ ਹੋਣਗੇ।
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਨਾਲ ਇੱਕ ਵੱਡਾ ਪ੍ਰਤੀਨਿਧੀਮੰਡਲ ਭਾਰਤ ਆਵੇਗਾ, ਜੋ ਕਿ ਦੁਵੱਲੇ ਗੱਲ ਬਾਤ ਵਿੱਚ ਸ਼ਾਮਿਲ ਹੋਣਗੇ। ਇਵਾਂਕਾ ਟਰੰਪ ਦਾ ਇਹ ਦੂਜਾ ਭਾਰਤ ਦੌਰਾ ਹੋਵੇਗਾ, ਇਸਤੋਂ ਪਹਿਲਾਂ ਇੱਕ ਗਲੋਬਲ ਇਵੈਂਟ ਵਿੱਚ ਬਤੋਰ ਮੁੱਖ ਮਹਿਮਾਨ ਹੈਦਰਾਬਾਦ ਆਈ ਸੀ। ਉਦੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਇਸ ਪ੍ਰੋਗਰਾਮ ਦਾ ਹਿੱਸਾ ਬਣੇ ਸਨ ਅਤੇ ਦੋਨਾਂ ਨੇਤਾਵਾਂ ਨੇ ਇੱਕ ਰੋਬੋਟ ਦੇ ਨਾਲ ਗੱਲਬਾਤ ਕੀਤੀ ਸੀ।
ਅਮਰੀਕੀ ਪ੍ਰਤੀਨਿਧੀਮੰਡਲ ਵਿੱਚ ਕੌਣ-ਕੌਣ ਹੋਵੇਗਾ ਸ਼ਾਮਿਲ?
ਡੋਨਾਲਡ ਟਰੰਪ , ਅਮਰੀਕੀ ਰਾਸ਼ਟਰਪਤੀ
ਮੇਲਾਨਿਆ ਟਰੰਪ , ਅਮਰੀਕਾ ਦੀ ਫਰਸਟ ਲੇਡੀ
ਇਵਾਂਕਾ ਟਰੰਪ , ਅਮਰੀਕੀ ਰਾਸ਼ਟਰਪਤੀ ਦੀ ਧੀ ਅਤੇ ਸਲਾਹਕਾਰ
ਜੇਰੇਡ ਕੁਸ਼ਨਰ , ਅਮਰੀਕੀ ਰਾਸ਼ਟਰਪਤੀ ਦੇ ਜੁਆਈ ਅਤੇ ਸਲਾਹਕਾਰ
ਰਾਬਰਟ ਲਾਇਥੀਜਰ , ਟ੍ਰੇਡ ਰਿਪ੍ਰੇਂਜੇਟਿਵ
ਰਾਬਰਟ ਓਬਰਾਇਨ , ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ
ਸਟੀਵ ਮਨੂਚਿਨ , ਟਰੇਜਰ ਸੇਕਰੇਟਰੀ
ਵਿਲਬਰ ਰਾਸ , ਕਾਮਰਸ ਸੇਕਰੇਟਰੀ
ਮਿਕ ਮਿਉਲੇਨੇਵੀ , ਬਜਟ - ਮੈਨੇਜੇਮੇਂਟ ਸੇਕਰੇਟਰੀ
ਇਸ ਵਾਰ ਪੂਰਾ ਪਰਵਾਰ!
ਡੋਨਾਲਡ ਟਰੰਪ ਦਾ ਇਹ ਪਹਿਲਾ ਭਾਰਤ ਦੌਰਾ ਹੈ ਅਤੇ ਇਸ ਵਾਰ ਉਨ੍ਹਾਂ ਦਾ ਪਰਵਾਰ ਵੀ ਨਾਲ ਆ ਰਿਹਾ ਹੈ। ਅਮਰੀਕੀ ਰਾਸ਼ਟਰਪਤੀ ਸਭ ਤੋਂ ਪਹਿਲਾਂ ਅਹਿਮਦਾਬਾਦ ਜਾਣਗੇ, ਜਿੱਥੇ ਉਹ ਸਾਬਰਮਤੀ ਆਸ਼ਰਮ ਜਾਣਗੇ। ਇਸਤੋਂ ਇਲਾਵਾ ਉਹ ਨਮਸਤੇ ਟਰੰਪ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣਗੇ, ਜਿੱਥੇ ਇੱਕ ਲੱਖ ਤੋਂ ਜਿਆਦਾ ਲੋਕ ਸ਼ਾਮਿਲ ਹੋਣਗੇ।
ਇੱਕ ਕਰੋੜ ਲੋਕ ਹੋਣਗੇ ਸ਼ਾਮਿਲ?
ਅਹਿਮਦਾਬਾਦ ਏਅਰਪੋਰਟ ਤੋਂ ਲੈ ਕੇ ਮੋਟੇਰਾ ਸਟੇਡੀਅਮ ਤੱਕ ਡੋਨਾਲਡ ਟਰੰਪ ਅਤੇ ਨਰਿੰਦਰ ਮੋਦੀ ਇੱਕ ਰੋਡ ਸ਼ੋਅ ਵਿੱਚ ਹਿੱਸਾ ਲੈਣਗੇ। ਭਾਰਤ ਆਉਣੋਂ ਪਹਿਲਾਂ ਅਮਰੀਕਾ ਰਾਸ਼ਟਰਪਤੀ ਨੇ ਦਾਅਵਾ ਕੀਤਾ ਕਿ ਉੱਥੇ ਦਸ ਮਿਲੀਅਨ ਤੋਂ ਜਿਆਦਾ ਲੋਕ ਸਾਡੇ ਸਵਾਗਤ ਵਿੱਚ ਹੋਣਗੇ, ਇਹ ਗਿਣਤੀ 6 ਤੋਂ 10 ਮਿਲੀਅਨ ਹੋ ਸਕਦੀ ਹੈ। ਇਸਤੋਂ ਪਹਿਲਾਂ ਡੋਨਾਲਡ ਟਰੰਪ 5 ਮਿਲੀਅਨ ਅਤੇ 7 ਮਿਲੀਅਨ ਦਾ ਦਾਅਵਾ ਕਰ ਚੁੱਕੇ ਹਨ।