ਯੂਕੇ ਦੇ ਟੀਵੀ ਸ਼ੋਅ 'ਤੇ ਚੀਕ ਕੇ ਬੋਲੀ ਭਾਰਤੀ ਮੂਲ ਦੀ ਪੱਤਰਕਾਰ, 'ਭਾਰਤ ਨੂੰ ਕੋਹਿਨੂਰ ਵਾਪਸ ਕਰੋ'
ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਨਵੀਂ ਦਿੱਲੀ - ਜਦੋਂ ਅਸੀਂ ਕੋਹਿਨੂਰ ਹੀਰੇ ਦੀ ਗੱਲ ਕਰਦੇ ਹਾਂ ਤਾਂ ਅਸੀਂ ਭਾਰਤੀ ਭਾਵੁਕ ਹੋ ਜਾਂਦੇ ਹਾਂ। ਵਰਤਮਾਨ ਵਿਚ ਇਹ ਅਜੇ ਵੀ ਯੂਕੇ ਵਿਚ ਹੈ। ਅੰਗਰੇਜ਼ਾਂ ਨੇ ਸਾਡੇ ਦੇਸ਼ ਤੋਂ ਖੋਹ ਲਿਆ ਸੀ। ਉਦੋਂ ਤੋਂ ਕੋਹੀਨੂਰ ਹੀਰਾ ਉਥੇ ਮੌਜੂਦ ਹੈ। ਹਾਲ ਹੀ ਵਿਚ ਭਾਰਤੀ ਮੂਲ ਦੀ ਪੱਤਰਕਾਰ ਨਰਿੰਦਰ ਕੌਰ ਨੂੰ ਕੋਹਿਨੂਰ ਹੀਰੇ ਨੂੰ ਭਾਰਤ ਵਾਪਸ ਭੇਜਣ ਬਾਰੇ ਬ੍ਰਿਟੇਨ ਦੇ ਇੱਕ ਬ੍ਰਿਟਿਸ਼ ਨਿਊਜ਼ ਚੈਨਲ ਦੇ ਸ਼ੋਅ ਵਿੱਚ ਬ੍ਰੌਡਕਾਸਟਰ ਐਮਾ ਵੈਬ ਨਾਲ ਬਹਿਸ ਕਰਦਿਆਂ ਦੇਖਿਆ ਗਿਆ ਸੀ।
ਸ਼ੋਅ ਦੌਰਾਨ ਉਹ ਰੋਣ ਲੱਗ ਪਈ। ਸ਼ੋਅ ਦੇ ਵਿਚਕਾਰ, ਭਾਰਤਵੰਸ਼ੀ ਪੱਤਰਕਾਰ ਨਰਿੰਦਰ ਕੌਰ ਨੇ ਐਮਾ 'ਤੇ ਚੀਕਦਿਆਂ ਕਿਹਾ, "ਤੁਹਾਨੂੰ ਇਤਿਹਾਸ ਨਹੀਂ ਪਤਾ।" "ਇਹ ਬਸਤੀਵਾਦ ਅਤੇ ਖੂਨ-ਖਰਾਬੇ ਨੂੰ ਦਰਸਾਉਂਦਾ ਹੈ... ਇਸ ਨੂੰ (ਕੋਹਿਨੂਰ) ਭਾਰਤ ਨੂੰ ਵਾਪਸ ਕਰੋ" ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਦਰਅਸਲ Good Morning Britain ਸ਼ੋਅ ਦੌਰਾਨ ਇੱਕ ਬਹਿਸ ਚੱਲ ਰਹੀ ਸੀ। ਬਹਿਸ ਵਿਚ ਬਹੁਤ ਸਾਰੇ ਮਹਿਮਾਨ ਮੌਜੂਦ ਸਨ। ਭਾਰਤੀ ਮੂਲ ਦੀ ਪੱਤਰਕਾਰ ਨਰਿੰਦਰ ਕੌਰ ਅਤੇ ਬ੍ਰੌਡਕਾਸਟਰ ਐਮਾ ਵੈੱਬ ਵਿਚਕਾਰ ਬਹਿਸ ਹੋ ਗਈ। ਬਹਿਸ ਦੌਰਾਨ ਨਰਿੰਦਰ ਕੌਰ ਨੇ ਰੌਲਾ ਪਾ ਦਿੱਤਾ ਕਿ ਤੁਹਾਨੂੰ ਇਤਿਹਾਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਤੁਸੀਂ ਕੋਹਿਨੂਰ ਭਾਰਤ ਨੂੰ ਵਾਪਸ ਕਰ ਦਿਓ।
ਇਸ ਤੋਂ ਪਹਿਲਾਂ ਭਾਰਤ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਰਿੰਦਮ ਬਾਗਚੀ ਨੇ ਕਿਹਾ ਸੀ ਕਿ ਕੋਹਿਨੂਰ ਹੀਰਾ ਲਿਆਉਣ ਲਈ ਸੰਵਿਧਾਨਕ ਰਾਹ ਲੱਭਿਆ ਜਾਵੇਗਾ। ਦਰਅਸਲ, ਬ੍ਰਿਟੇਨ ਦੀ ਸਭ ਤੋਂ ਲੰਬੇ ਸਮੇਂ ਤੱਕ ਰਾਜ ਕਰਨ ਵਾਲੀ ਮਹਾਰਾਣੀ ਐਲਿਜ਼ਾਬੈਥ-2 ਦੀ ਮੌਤ ਤੋਂ ਬਾਅਦ ਕੋਹਿਨੂਰ ਨੂੰ ਭਾਰਤ ਵਾਪਸ ਲਿਆਉਣ ਦੀ ਮੰਗ ਫਿਰ ਤੇਜ਼ ਹੋ ਗਈ ਹੈ।