ਪੱਤਰਕਾਰ ਰਾਜਦੇਵ ਰੰਜਨ ਹਤਿਆਕਾਂਡ ਸ਼ਹਾਬੂਦੀਨ ਵਿਰੁਧ ਚਾਰਜਸ਼ੀਟ ਦਾਖ਼ਲ

ਨਵੀਂ ਦਿੱਲੀ, 22 ਅਗੱਸਤ: ਕੇਂਦਰੀ ਜਾਂਚ ਬਿਊਰੋ  (ਸੀਬੀਆਈ) ਨੇ ਪੱਤਰਕਾਰ ਰਾਜਦੇਵ ਰੰਜਨ ਹਤਿਆਕਾਂਡ ਮਾਮਲੇ ਵਿਚ ਅੱਜ ਸਿਆਸੀ ਨੇਤਾ ਸ਼ਹਾਬੂਦੀਨ ਵਿਰੁਧ ਚਾਰਜਸ਼ੀਟ ਦਾਖ਼ਲ ਕੀਤੀ ਅਤੇ ਉਸ ਵਿਰੁਧ ਅਪਰਾਧਕ ਸਾਜ਼ਸ਼ ਤੇ ਹਤਿਆ ਦਾ ਦੋਸ਼ ਲਾਇਆ। ਸੀਬੀਆਈ ਵਲੋਂ ਮੁਜ਼ਫ਼ਰਪੁਰ ਦੀ ਵਿਸ਼ੇਸ਼ ਅਦਾਲਤ ਵਿਚ ਦਰਜ ਇਹ ਸਪਲੀਮੈਂਟਰੀ ਚਾਰਜਸ਼ੀਟ ਹੈ। ਜਾਂਚ ਏਜੰਸੀ ਨੇ ਪਹਿਲਾਂ ਦਸੰਬਰ 2016 ਵਿਚ ਦੋਸ਼ੀ ਵਿਰੁਧ ਚਾਰਜਸ਼ੀਟ ਦਰਜ ਕੀਤੀ ਸੀ। ਕੇਂਦਰੀ ਏਜੰਸੀ ਵਲੋਂ ਜਾਂਚ ਅਪਣੇ ਹੱਥਾਂ ਵਿਚ ਲੈਣ ਤੋਂ ਪਹਿਲਾਂ ਬਿਹਾਰ ਪੁਲਿਸ ਨੇ ਮਾਮਲੇ ਵਿਚ ਛੇ ਜਣਿਆਂ ਵਿਰੁਧ ਚਾਰਜਸ਼ੀਟ ਦਰਜ ਕੀਤੀ ਸੀ।