ਅਮਿਤ ਸ਼ਾਹ ਦੀ ਰੈਲੀ 'ਚ ਅੱਗ ਲੱਗਣ ਨਾਲ ਮੱਚੀ ਭਾਜੜ

Fire at Amit Shah's Rally

ਰਾਇਬਰੇਲੀ : ਭਾਰਤੀ ਜਨਤਾ ਪਾਰਟੀ ਦੇ ਪ੍ਰਧਾਨ ਅਮਿਤ ਸ਼ਾਹ ਦੀ ਰੈਲੀ ਦੌਰਾਣ ਉਸ ਜਗ੍ਹਾ 'ਤੇ ਸਨਿਚਰਵਾਰ ਨੂੰ ਅੱਗ ਲੱਗਣ ਨਾਲ ਅਚਾਨਕ ਭਾਜੜ ਮੱਚ ਗਈ। ਅਧਿਕਾਰੀਆਂ ਨੇ ਦਸਿਆ ਕਿ ਅੱਗ 'ਤੇ ਤੁਰੰਤ ਕਾਬੂ ਪਾ ਲਿਆ ਗਿਆ। ਅੱਗ ਦੀ ਵਜ੍ਹਾ ਮੀਡੀਆ ਲਈ ਬਣਾਈ ਗਈ ਜਗ੍ਹਾ ਦੇ ਨੇੜੇ ਸ਼ਾਰਟ ਸਰਕਿਟ ਦਸੀ ਗਈ ਹੈ।

ਘਟਨਾ ਸਮੇਂ ਸ਼ਾਹ ਅਤੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਅਦਿਤਿਆਨਾਥ ਸਟੇਜ 'ਤੇ ਮੌਜੂਦ ਸਨ। ਭਾਜਪਾ ਦੇ ਪ੍ਰਧਾਨ ਮਹਿੰਦਰ ਨਾਥ ਪਾਂਡੇ ਰੈਲੀ ਨੂੰ ਸੰਬੋਧਿਤ ਕਰ ਰਹੇ ਸਨ, ਉਸ ਸਮੇਂ ਲੋਕਾਂ ਦੀ ਨਜ਼ਰ ਅਚਾਨਕ ਉਠੇ ਧੁਏਂ ਅਤੇ ਚਿੰਗਾਰੀ 'ਤੇ ਗਈ। ਇਸ ਘਟਨਾ ਕਾਰਨ ਤੋਂ ਰੈਲੀ ਦੇ ਪਰੋਗਰਾਮ ਨੂੰ ਕੁੱਝ ਦੇਰ ਲਈ ਰੋਕਣਾ ਪਿਆ।