ਹਿਸਾਰ: ਹਰਿਆਣਾ ਦੇ ਹਿਸਾਰ 'ਚ ਖੂਹ 'ਚ ਗੈਸ ਚੜ੍ਹਨ ਨਾਲ 3 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਚੌਥਾ ਵਿਅਕਤੀ ਸਮੇਂ 'ਤੇ ਬਾਹਰ ਆ ਗਿਆ, ਜਿਸ ਨਾਲ ਉਸ ਦੀ ਜਾਨ ਬਚ ਗਈ। ਇਹ ਹਾਦਸਾ ਸਿਆੜਵਾ ਵਿਖੇ ਖੂਹ ਦੀ ਸਫ਼ਾਈ ਕਰਦੇ ਸਮੇਂ ਵਾਪਰਿਆ। ਸੂਚਨਾ ਮਿਲਦੇ ਹੀ ਪ੍ਰਸ਼ਾਸਨਿਕ ਅਧਿਕਾਰੀ ਅਤੇ ਥਾਣਾ ਅਜ਼ਰ ਨਗਰ ਦੇ ਐੱਸਐੱਚਓ ਪੁਲਸ ਟੀਮ ਸਮੇਤ ਮੌਕੇ 'ਤੇ ਪਹੁੰਚੇ ਅਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿਤਾ। ਮਰਨ ਵਾਲਿਆਂ ਦੇ ਨਾਂ ਸੁਰੇਸ਼, ਜੈਪਾਲ, ਨਰਿੰਦਰ ਹਨ, ਜਦਕਿ ਵਿਕਰਮ ਨੂੰ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਮ੍ਰਿਤਕਾਂ ਦੀ ਉਮਰ 30 ਤੋਂ 35 ਸਾਲ ਦਰਮਿਆਨ ਹੈ।
ਜਾਣਕਾਰੀ ਮੁਤਾਬਕ ਸੈਦਵਾ ਨਿਵਾਸੀ ਇੰਦਰਾ ਦੇ ਖੂਹ 'ਚ ਦਲਦਲ ਸੀ। ਖੂਹ ਵਿਚ ਮੋਟਰ ਫਿੱਟ ਕਰਨੀ ਸੀ। ਇਸ ਦੇ ਲਈ ਪਹਿਲਾਂ ਜੈਪਾਲ ਅਤੇ ਕਸ਼ਮੀਰ ਫਾਰਮ ਪਹੁੰਚੇ। ਜੈਪਾਲ ਰੱਸੀ ਦੇ ਸਹਾਰੇ ਹੇਠਾਂ ਉਤਰਿਆ ਪਰ ਜ਼ਹਿਰੀਲੀ ਗੈਸ ਕਾਰਨ ਉਹ ਬੇਹੋਸ਼ ਹੋ ਗਿਆ। ਇਹ ਦੇਖ ਕੇ ਕਸ਼ਮੀਰ ਨੇ ਅਲਾਰਮ ਉਠਾਇਆ ਅਤੇ ਕਿਸਾਨਾਂ ਨੂੰ ਬੁਲਾਉਣ ਚਲਾ ਗਿਆ।
ਫਿਰ ਨਰਿੰਦਰ ਵੀ ਖੂਹ ਵਿਚ ਉਤਰ ਗਿਆ। ਜਦੋਂ ਉਹ ਦੋਵੇਂ ਨਾ ਆਏ ਤਾਂ ਸੁਰੇਸ਼ ਅਤੇ ਵਿਕਰਮ ਵੀ ਉਨ੍ਹਾਂ ਨੂੰ ਦੇਖਣ ਲਈ ਅੰਦਰ ਚਲਿਆ ਗਿਆ। ਸੁਰੇਸ਼ ਵੀ ਹੇਠਾਂ ਜਾ ਕੇ ਬੇਹੋਸ਼ ਹੋ ਗਿਆ ਅਤੇ ਦਮ ਘੁੱਟਣ ਕਾਰਨ ਉਸ ਦੀ ਮੌਤ ਹੋ ਗਈ। ਪੌੜੀਆਂ ਤੋਂ ਹੇਠਾਂ ਉਤਰਦੇ ਹੀ ਵਿਕਰਮ ਦੀ ਤਬੀਅਤ ਵਿਗੜਨ ਲੱਗੀ ਤਾਂ ਉਹ ਸਮੇਂ ਸਿਰ ਬਾਹਰ ਆ ਗਿਆ। ਇਸ ਦੌਰਾਨ ਪਿੰਡ ਵਾਸੀ ਵੀ ਮੌਕੇ ’ਤੇ ਪਹੁੰਚ ਗਏ ਸਨ। ਦੋ ਵਿਅਕਤੀਆਂ ਨੂੰ ਰੱਸੀ ਦੀ ਮਦਦ ਨਾਲ ਖੂਹ ਵਿਚੋਂ ਬਾਹਰ ਕੱਢਿਆ ਗਿਆ, ਜਦਕਿ ਤੀਜੇ ਨੂੰ ਪਾਣੀ ਕਾਰਨ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ।
ਬਾਅਦ 'ਚ ਸੂਚਨਾ ਮਿਲਣ 'ਤੇ ਪਹੁੰਚੀ ਪ੍ਰਸ਼ਾਸਨਿਕ ਟੀਮ ਨੇ ਉਸ ਨੂੰ ਬਾਹਰ ਕੱਢਿਆ। ਤਿੰਨਾਂ ਦੀ ਮੌਤ ਹੋ ਚੁੱਕੀ ਸੀ। ਬਾਅਦ 'ਚ ਉਸ ਦੀ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਭੇਜ ਦਿਤਾ ਗਿਆ। ਸਾਰੇ ਮਰਨ ਵਾਲੇ ਇੱਕ ਦੇ ਗੋਤ ਹਨ। ਤਿੰਨੋਂ ਮ੍ਰਿਤਕਾਂ ਦੇ ਦੋ-ਦੋ ਬੱਚੇ ਹਨ।