ਰਸਨਾ ਬ੍ਰਾਂਡ ਦੇ ਸੰਸਥਾਪਕ ਅਰੀਜ਼ ਪਿਰੋਜਸ਼ਾ ਖੰਬਾਟਾ ਦਾ ਦਿਹਾਂਤ

Rasna brand founder Ariz Pirojshaw Khambatta passes away

ਨਵੀਂ ਦਿੱਲੀ : ਰਸਨਾ ਦੇ ਸੰਸਥਾਪਕ ਅਤੇ ਚੇਅਰਮੈਨ ਅਰੀਜ਼ ਪਿਰੋਜਸ਼ਾ ਖੰਬਾਟਾ ਦਾ ਸ਼ਨੀਵਾਰ ਨੂੰ ਦਿਹਾਂਤ ਹੋ ਗਿਆ। ਕੰਪਨੀ ਨੇ ਇਸ ਦੀ ਜਾਣਕਾਰੀ ਜਾਂਝੀ ਕੀਤੀ ਹੈ। ਰਸਨਾ ਗਰੁੱਪ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ 85 ਸਾਲਾ ਖੰਬਾਟਾ ਦਾ ਸ਼ਨੀਵਾਰ ਨੂੰ ਦਿਹਾਂਤ ਹੋ ਗਿਆ।

ਦੱਸ ਦਈਏ ਕਿ ਅਰੀਜ਼ ਖੰਬਾਟਾ ਬੇਨੇਵੋਲੇਂਟ ਟਰੱਸਟ ਅਤੇ ਰਸਨਾ ਫਾਊਂਡੇਸ਼ਨ ਦੇ ਚੇਅਰਮੈਨ ਵੀ ਸਨ। ਰਸਨਾ ਗਰੁੱਪ ਦੇ ਅਨੁਸਾਰ, ਖੰਬਾਟਾ ਨੇ ਭਾਰਤੀ ਉਦਯੋਗ, ਵਪਾਰ ਅਤੇ ਸਮਾਜ ਸੇਵਾ ਦੇ ਖੇਤਰ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਸੀ। ਬਿਆਨ ਵਿੱਚ ਕਿਹਾ ਗਿਆ ਹੈ, "ਖੰਬਾਟਾ ਨੇ ਭਾਰਤੀ ਉਦਯੋਗ, ਵਪਾਰ ਅਤੇ ਸਮਾਜ ਦੀ ਸੇਵਾ ਦੁਆਰਾ ਸਮਾਜਿਕ ਵਿਕਾਸ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ।"

ਖੰਬਾਟਾ ਆਪਣੇ ਪ੍ਰਸਿੱਧ ਘਰੇਲੂ ਪੀਣ ਵਾਲੇ ਬ੍ਰਾਂਡ ਰਸਨਾ ਲਈ ਸਭ ਤੋਂ ਵੱਧ ਜਾਣਿਆ ਜਾਂਦਾ ਹੈ, ਜੋ ਦੇਸ਼ ਵਿੱਚ 18 ਲੱਖ ਪ੍ਰਚੂਨ ਦੁਕਾਨਾਂ ਵਿੱਚ ਵੇਚਿਆ ਜਾਂਦਾ ਹੈ। ਰਸਨਾ ਹੁਣ ਦੁਨੀਆ ਵਿੱਚ ਉਪਲਬਧ ਸੁੱਕੇ ਸਾਫਟ ਡਰਿੰਕਸ ਦਾ ਸਭ ਤੋਂ ਵੱਡਾ ਨਿਰਮਾਤਾ ਹੈ।