ਅਗਸਟਾ ਵੈਸਟਲੈਂਡ: ਅਦਾਲਤ ਨੇ ਇਸਾਈ ਮਿਸ਼ੇਲ ਦੇ ਖਿਲਾਫ ਵਾਰੰਟ ਦਾ ਦਿਤਾ ਹੁਕਮ

ਨਵੀਂ ਦਿਲੀ (ਭਾਸ਼ਾ): ਦਿੱਲੀ ਦੀ ਪਟਿਆਲਾ ਹਾਉਸ ਕੋਰਟ ਨੇ ਅਗਸਤਾ ਵੇੈਸਟਲੈਂਡ ਘੋਪਲੇ ਦੇ ਬਿਚੋਲੇ ਇਸਾਈ ਮਿਸ਼ੇਲ ਦੇ ਖਿਲਾਫ ਪ੍ਰੋਡਕਸ਼ਨ ਵਾਰੰਟ ਜ਼ਾਰੀ ਕੀਤਾ ਹੈ। ਤੀਹਾੜ ਜੇਲ੍ਹ ਅਧਿਕਾਰੀਆਂ ਵਲੋਂ ਉਸ ਨੂੰ ਕੱਲ ਕੋਰਟ ਦੇ ਸਾਹਮਣੇ ਪੇਸ਼ ਕਰਨ ਲਈ ਕਿਹਾ ਗਿਆ ਹੈ। ਦੱਸ ਦਈਏ ਕਿ ਮਿਸ਼ੇਲ ਦੀ ਰਿਮਾਂਡ ਬੁੱਧਵਾਰ ਨੂੰ ਖਤਮ ਹੋ ਚੁੱਕੀ ਹੈ। ਸੀਬੀਆਈ, ਮਿਸ਼ੇਲ ਤੋਂ ਪੁੱਛ-ਗਿੱਛ ਕਰ ਹੈਲੀਕਾਪਟਰ ਸੌਦੇ ਵਿੱਚ ਟਾਪ ਲੀਡਰਸ ਦਾ ਨਾਮ, ਜੋ ਕੋਡ ਵਰਡ 'ਚ ਲਿਖਿਆ ਸੀ, ਉਹ ਨਹੀਂ ਉਗਲਵਾ ਸਕੀ।

ਰਿਮਾਂਡ ਦੌਰਾਨ ਜਾਂਚ ਏਜੰਸੀ ਨੇ ਮਿਸ਼ੇਲ ਦੇ ਸਾਹਮਣੇ ਚਾਰ-ਪੰਜ ਅਜਿਹੇ ਦਸਤਾਵੇਜ਼ ਰੱਖੇ, ਜਿਨ੍ਹਾਂ 'ਚ ਕੋਡ ਵਰਡ ਦੇ ਹਿਸਾਬ ਲੋਕਾਂ ਦੇ ਨਾਮ ਲਿਖੇ ਗਏ ਸਨ। ਇਸ ਤੋਂ ਇਲਾਵਾ ਕੁੱਝ ਅਜਿਹੇ ਦਸਤਾਵੇਜ, ਜਿਨ੍ਹਾਂ 'ਤੇ ਮਿਸ਼ੇਲ ਤੋਂ ਇਲਾਵਾ ਕੁੱਝ ਹੋਰ ਲੋਕਾਂ ਦੇ ਦਸਤਖਤ ਸਨ, ਉਸ ਨੇ ਉਨ੍ਹਾਂ ਨੂੰ ਵੀ ਪਛਾਨਣ ਤੋਂ ਮਨਾ ਕਰ ਦਿਤਾ ਸੀ।  ਸੂਤਰਾਂ ਮੁਤਾਬਕ ਦੱਸਿਆ ਸੀ ਕਿ ਤਿੰਨ ਦੇਸ਼ਾਂ ਤੋਂ ਜਾਂਚ ਏਜੰਸੀ ਨੇ ਅਗਸਤਾ ਵੈਸਟਲੈਂਡ ਡੀਲ ਨੂੰ ਲੈ ਕੇ ਜੋ ਸੀਕ੍ਰੇਟ ਦਸਤਾਵੇਜ਼ ਹਾਸਲ ਕੀਤੇ ਸਨ, ਉਨ੍ਹਾਂ 'ਤੇ ਵੀ ਮਿਸ਼ੇਲ ਨੇ ਚੁੱਪੀ ਰੱਖੀ ਹੈ।

ਦੂਜੇ ਪਾਸੇ ਸੂਤਰਾਂ ਨੇ ਦੱਸਿਆ ਸੀ ਕਿ ਮਿਸ਼ੇਲ ਦੇ ਸਾਹਮਣੇ ਕੰਪਨੀ ਜਾਂ ਉਸ ਦੇ ਅਹੁਦੇ ਦੇ ਅਧਿਕਾਰੀਆਂ ਨਾਲ ਜੁਡ਼ੀ ਕਈ ਫਾਇਲਾਂ ਰੱਖੀ ਗਈ ਸੀ। ਪੁੱਛ ਗਿਛ ਦੌਰਾਨ ਉਸ ਨੇ ਕਦੇ ਤੀਹ ਮਿੰਟ ਤੋਂ ਜ਼ਿਆਦਾ ਸਮਾਂ ਤੱਕ ਕਿਸੇ ਫਾਇਲ ਨੂੰ ਨਹੀਂ ਵੇਖਿਆ। ਮਿਸ਼ੇਲ ਦੇ ਵਕੀਲ ਮੁਤਾਬਕ, ਉਹ ਡਿਸਲੈਕਸੀਆ ਦੇ ਰੋਗ ਤੋਂ ਗ੍ਰਸਤ ਹੈ, ਇਸ ਲਈ ਲੰਬੇ ਸਮਾਂ ਤੱਕ ਉਹ ਦਸਤਾਵੇਜਾਂ ਨੂੰ ਨਹੀਂ ਵੇਖ ਸਕਦਾ ਹੈ। ਡਿਸਲੈਕਸੀਆ ਦੇ ਰੋਗ 'ਚ ਵਿਅਕਤੀ ਨੂੰ ਪੜ੍ਹਨ ਅਤੇ ਸ਼ਬਦਾਂ ਅਤੇ ਨਿਸ਼ਾਨਾਂ ਦੀ ਵਿਆਖਿਆ ਕਰਨ 'ਚ ਮੁਸ਼ਕਲ ਆਉਂਦੀ ਹੈ।