Delhi Dry Day: ਵਿਧਾਨ ਸਭਾ ਚੋਣਾਂ ਕਾਰਨ ਦਿੱਲੀ ਵਿੱਚ 3 ਤੋਂ 5 ਫ਼ਰਵਰੀ ਅਤੇ 8 ਫ਼ਰਵਰੀ ਤੱਕ ਸ਼ਰਾਬ ਦੀਆਂ ਦੁਕਾਨਾਂ ਰਹਿਣਗੀਆਂ ਬੰਦ
70 ਮੈਂਬਰੀ ਦਿੱਲੀ ਵਿਧਾਨ ਸਭਾ ਲਈ ਵੋਟਿੰਗ ਅਤੇ ਗਿਣਤੀ ਦੇ ਦਿਨ ਨੂੰ ਵੱਖ-ਵੱਖ ਆਬਕਾਰੀ ਲਾਇਸੈਂਸਾਂ ਲਈ ਆਬਕਾਰੀ ਨਿਯਮ-2010 ਦੇ ਤਹਿਤ 'ਡਰਾਈ ਡੇ' ਘੋਸ਼ਿਤ ਕੀਤਾ ਗਿਆ ਹੈ।
Delhi Dry Day: ਦਿੱਲੀ ਸਰਕਾਰ ਨੇ ਸ਼ਹਿਰ ਵਿੱਚ ਸ਼ਰਾਬ ਦੀਆਂ ਦੁਕਾਨਾਂ ਅਤੇ ਸ਼ਰਾਬ ਪਰੋਸਣ ਵਾਲੇ ਹੋਰ ਅਦਾਰਿਆਂ ਨੂੰ 3 ਤੋਂ 5 ਫਰਵਰੀ ਤੱਕ ਵੋਟਾਂ ਵਾਲੇ ਦਿਨ ਅਤੇ 8 ਫਰਵਰੀ ਨੂੰ ਨਤੀਜਿਆਂ ਦੇ ਐਲਾਨ ਵਾਲੇ ਦਿਨ ਬੰਦ ਰੱਖਣ ਦਾ ਹੁਕਮ ਦਿੱਤਾ ਹੈ।
ਦਿੱਲੀ ਆਬਕਾਰੀ ਕਮਿਸ਼ਨਰ ਵੱਲੋਂ ਜਾਰੀ ਇੱਕ ਤਾਜ਼ਾ ਨੋਟੀਫਿਕੇਸ਼ਨ ਵਿੱਚ, 70 ਮੈਂਬਰੀ ਦਿੱਲੀ ਵਿਧਾਨ ਸਭਾ ਲਈ ਵੋਟਿੰਗ ਅਤੇ ਗਿਣਤੀ ਦੇ ਦਿਨ ਨੂੰ ਵੱਖ-ਵੱਖ ਆਬਕਾਰੀ ਲਾਇਸੈਂਸਾਂ ਲਈ ਆਬਕਾਰੀ ਨਿਯਮ-2010 ਦੇ ਤਹਿਤ 'ਡਰਾਈ ਡੇ' ਘੋਸ਼ਿਤ ਕੀਤਾ ਗਿਆ ਹੈ।
ਨੋਟੀਫਿਕੇਸ਼ਨ ਵਿਚ ਕਿਹਾ ਗਿਆ, "ਇਹ ਹੁਕਮ ਦਿੱਤਾ ਜਾਂਦਾ ਹੈ ਕਿ ਵੋਟਿੰਗ 3 ਫ਼ਰਵਰੀ ਨੂੰ ਸ਼ਾਮ 6 ਵਜੇ ਤੋਂ 5 ਫ਼ਰਵਰੀ ਨੂੰ ਸ਼ਾਮ 6 ਵਜੇ ਤੱਕ (ਪੋਲਿੰਗ ਬੰਦ ਹੋਣ ਲਈ ਨਿਰਧਾਰਤ ਸਮੇਂ ਦੇ ਨਾਲ ਖ਼ਤਮ ਹੋਣ ਵਾਲੇ 48 ਘੰਟਿਆਂ ਦੌਰਾਨ) ਅਤੇ ਗਿਣਤੀ ਵਾਲੇ ਦਿਨ, 8 ਫ਼ਰਵਰੀ ਨੂੰ ਡਰਾਈ ਡੇਅ ਰਹੇਗਾ।"