ਨਬਾਲਿਗ ਕੁੜੀ ਦੇ ਅਗਵਾਹ, ਬਲਾਤਕਾਰ ਮਾਮਲੇ 'ਚ ਦੋਸ਼ੀ ਨੂੰ 10 ਸਾਲ ਦੀ ਸਜ਼ਾ

Convicted gets 10 years imprisonment

ਮੁਜ਼ੱਫ਼ਰਨਗਰ, 22 ਅਪ੍ਰੈਲ: ਬਾਗਪਤ ਜਿਲ੍ਹੇ ਦੀ ਇਕ ਅਦਾਲਤ ਨੇ 15 ਸਾਲ ਦੀ ਕੁੜੀ ਦੇ ਅਗਵਾਹ ਅਤੇ ਬਲਾਤਕਾਰ ਮਾਮਲੇ 'ਚ ਮਕਾਮੀ ਮਸਜਿਦ ਦੇ ਮੁਖੀ ਨੂੰ 10 ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ। ਘਟਨਾ ਸਾਲ 2016 'ਚ ਹੋਈ ਸੀ।

ਜ਼ਿਲ੍ਹਾ ਵਕੀਲ ਅਤੇ ਸੈਸ਼ਨ ਜੱਜ ਰਮੇਸ਼ ਚੰਦ ਨੇ ਕਲ ਰੇਹਾਨ ਨੂੰ 10 ਸਾਲ ਕੈਦ ਅਤੇ ਪੰਜ ਹਜ਼ਾਰ ਰੁਪਏ ਜੁਰਮਾਨੇ ਦੀ ਸਜ਼ਾ ਸੁਣਾਈ। ਸਰਕਾਰੀ ਵਕੀਲ ਸੁਰੇਂਦਰ ਯਾਦਵ ਮੁਤਾਬਕ ਰੇਹਾਨ ਨੂੰ ਬਲਾਤਕਾਰ ਅਤੇ ਜਿਨਸੀ ਜੁਰਮ ਤੋਂ ਬੱਚਿਆਂ ਦੀ ਸੁਰੱਖਿਆ (ਪਾਕਸੋ) ਕਾਨੂੰਨ ਤਹਿਤ ਦੋਸ਼ੀ ਕਰਾਰ ਦਿਤਾ ਗਿਆ।

ਉਨ੍ਹਾਂ ਨੇ ਦਸਿਆ ਕਿ ਇਸ ਵਿਅਕਤੀ ਨੇ ਬਾਗਪਤ ਜਿਲ੍ਹੇ ਦੇ ਇਕ ਪਿੰਡ 'ਚ 19 ਜਨਵਰੀ 2016 ਨੂੰ ਕੁੜੀ ਨੂੰ ਅਗਵਾਹ ਕਰ ਲਿਆ ਸੀ ਅਤੇ ਫਿਰ ਬਲਾਤਕਾਰ ਕੀਤਾ ਸੀ। ਦੋਸ਼ੀ ਮੁਜ਼ੱਫ਼ਰਨਗਰ ਜਿਲ੍ਹੇ ਦਾ ਰਹਿਣ ਵਾਲਾ ਹੈ।