ਇਸਰੋ ਨੇ ਭਾਰਤ ਦਾ ਜਾਸੂਸੀ ਸੈਟੇਲਾਈਟ ਕੀਤਾ ਲਾਂਚ
ਬੱਦਲ ਰਹਿਣ ਦੇ ਦੌਰਾਨ ਵੀ ਆਕਾਸ਼ ਤੋਂ ਇੱਕ ਵਿਸ਼ੇਸ਼ ਤਰੀਕੇ ਨਾਲ ਧਰਤੀ ਦੀ ਨਿਗਰਾਨੀ ਕਰ ਸਕਦਾ ਹੈ
ਸ਼੍ਰੀਹਰਿਕੋਟਾ: ਇੰਡੀਅਨ ਸਪੇਸ ਰਿਸਰਚ ਆਰਗੇਨਾਈਜ਼ੇਸ਼ਨ ਨੇ ਲਾਂਚ ਵਾਹਨ ਪੀਐਸਐਲਵੀ-ਸੀ46 ਤੋਂ ਧਰਤੀ ਦੀ ਨਿਗਰਾਨੀ ਕਰਨ ਵਾਲੇ ਇਮੇਜਿੰਗ ਸੈਟੇਲਾਈਟ ਰੀਸੈਟ -2 ਬੀ ਦੀ ਸ਼ੁਰੂਆਤ ਕਰ ਕੇ ਇੱਕ ਵਾਰ ਫਿਰ ਵੱਡੀ ਕਾਮਯਾਬੀ ਹਾਸਲ ਕੀਤੀ। ਇਸਰੋ ਸੂਤਰਾਂ ਦੇ ਅਨੁਸਾਰ ਸੈਟੇਲਾਈਟ ਲਾਂਚ ਇੱਥੋਂ ਕਰੀਬ 80 ਕਿਲੋਮੀਟਰ ਦੂਰ ਸ਼੍ਰੀਹਰਿਕੋਟਾ ਤੋਂ ਬੁੱਧਵਾਰ ਸਵੇਰੇ ਪੰਜ ਵਜ ਕੇ 30 ਮਿੰਟ ਉੱਤੇ ਪਹਿਲੇ ਲਾਂਚ ਪੈਡ ਤੋਂ ਕੀਤਾ ਗਿਆ ਸੀ।
ਤਿੰਨ ਸੌ ਕਿਲੋਗ੍ਰਾਮ ਆਰਆਈਐਸਏਟੀ-2ਬੀ ਇਸਰੋ ਦੇ ਆਰਆਈਐਸਏਟੀ ਪ੍ਰੋਗਰਾਮ ਦਾ ਚੌਥਾ ਪੜਾਅ ਹੈ ਅਤੇ ਇਹ ਰਣਨੀਤਕ ਨਿਗਰਾਨੀ ਅਤੇ ਆਫ਼ਤ ਪ੍ਰਬੰਧਨ ਲਈ ਵਰਤਿਆ ਜਾਵੇਗਾ। ਇਹ ਉਪਗ੍ਰਹਿ ਇੱਕ ਸਰਗਰਮ ਐਸ.ਏ.ਆਰ. (ਸਿੰਥੈਟਿਕ ਆਰਕਟਿਕ ਰਾਡਾਰ) ਨਾਲ ਲੈਸ ਹੈ। ਬੱਦਲ ਜਾਂ ਹਨ੍ਹੇਰੇ ਵਿਚ ‘ਰੈਗੁਲਰ’ ਰਿਮੋਟ-ਸੈਂਸਿੰਗ ਜਾਂ ਆਪਟੀਕਲ ਇਮੇਜਿੰਗ ਸੈਟੇਲਾਈਟ ਧਰਤੀ ਉੱਤੇ ਲੁਕੀਆਂ ਚੀਜਾਂ ਦਾ ਪਤਾ ਨਹੀਂ ਲਗਾ ਪਾਉਂਦਾ ਹੈ।
ਜਦੋਂ ਕਿ ਇੱਕ ਸਰਗਰਮ ਸੈਂਸਰ 'ਐਸ ਏ ਆਰ' ਨਾਲ ਤਿਆਰ ਇਹ ਸੈਟੇਲਾਈਟ ਦਿਨ ਹੋਵੇ ਜਾਂ ਰਾਤ, ਮੀਂਹ ਜਾਂ ਬੱਦਲ ਰਹਿਣ ਦੇ ਦੌਰਾਨ ਵੀ ਆਕਾਸ਼ ਤੋਂ ਇੱਕ ਵਿਸ਼ੇਸ਼ ਤਰੀਕੇ ਨਾਲ ਧਰਤੀ ਦੀ ਨਿਗਰਾਨੀ ਕਰ ਸਕਦਾ ਹੈ। ਸਾਰੇ ਮੌਸਮ ਵਿਚ ਕੰਮ ਕਰਣ ਵਾਲੀ ਇਸ ਸੈਟੇਲਾਈਟ ਦੀ ਇਹ ਵਿਸ਼ੇਸ਼ਤਾ ਇਸਨੂੰ ਸੁਰੱਖਿਆ ਬਲਾਂ ਅਤੇ ਆਫ਼ਤ ਰਾਹਤ ਏਜੰਸੀਆਂ ਲਈ ਵਿਸ਼ੇਸ਼ ਬਣਾਉਂਦਾ ਹੈ।