Everest, MDH Spices: FSSAI ਨੂੰ ਨਹੀਂ ਮਿਲਿਆ MDH, ਐਵਰੈਸਟ ਮਸਾਲਿਆਂ ਦੇ ਨਮੂਨਿਆਂ ਵਿਚ ਐਥੀਲੀਨ ਆਕਸਾਈਡ 

FSSAI did not find MDH, ethylene oxide in samples of Everest spices

Everest, MDH Spices: ਨਵੀਂ ਦਿੱਲੀ - ਖੁਰਾਕ ਰੈਗੂਲੇਟਰ ਐੱਫਐੱਸਐੱਸਏਆਈ ਨੂੰ ਦੋ ਪ੍ਰਮੁੱਖ ਬ੍ਰਾਂਡਾਂ ਐੱਮਡੀਐੱਚ ਅਤੇ ਐਵਰੈਸਟ ਦੇ ਮਸਾਲਿਆਂ ਦੇ ਨਮੂਨਿਆਂ 'ਚ ਈਥੀਲੀਨ ਆਕਸਾਈਡ ਦਾ ਕੋਈ ਨਿਸ਼ਾਨ ਨਹੀਂ ਮਿਲਿਆ ਹੈ। ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ। ਨਮੂਨਿਆਂ ਦੀ ਜਾਂਚ 28 ਮਾਨਤਾ ਪ੍ਰਾਪਤ ਪ੍ਰਯੋਗਸ਼ਾਲਾਵਾਂ ਵਿਚ ਕੀਤੀ ਗਈ ਸੀ।  ਸੂਤਰਾਂ ਨੇ ਦੱਸਿਆ ਕਿ ਛੇ ਹੋਰ ਪ੍ਰਯੋਗਸ਼ਾਲਾਵਾਂ ਦੀਆਂ ਰਿਪੋਰਟਾਂ ਅਜੇ ਬਾਕੀ ਹਨ।

ਪਿਛਲੇ ਮਹੀਨੇ, ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ਼ ਇੰਡੀਆ (ਐਫਐਸਐਸਏਆਈ) ਨੇ ਹਾਂਗਕਾਂਗ ਅਤੇ ਸਿੰਗਾਪੁਰ ਦੁਆਰਾ ਉਠਾਈਆਂ ਗਈਆਂ ਗੁਣਵੱਤਾ ਦੀਆਂ ਚਿੰਤਾਵਾਂ ਦੇ ਮੱਦੇਨਜ਼ਰ ਦੇਸ਼ ਭਰ ਤੋਂ ਐਮਡੀਐਚ ਅਤੇ ਐਵਰੈਸਟ ਸਮੇਤ ਸਾਰੇ ਬ੍ਰਾਂਡਾਂ ਦੇ ਮਸਾਲਿਆਂ ਦੇ ਨਮੂਨੇ ਲੈਣੇ ਸ਼ੁਰੂ ਕਰ ਦਿੱਤੇ ਸਨ। ਹਾਂਗਕਾਂਗ ਦੇ ਫੂਡ ਸੇਫਟੀ ਸੈਂਟਰ (ਸੀਐਫਐਸ) ਨੇ ਖਪਤਕਾਰਾਂ ਨੂੰ ਐਮਡੀਐਚ ਅਤੇ ਐਵਰੈਸਟ ਤੋਂ ਕੁਝ ਮਸਾਲੇ ਮਿਸ਼ਰਣ ਉਤਪਾਦ ਨਾ ਖਰੀਦਣ ਲਈ ਕਿਹਾ ਸੀ।