ਵਫ਼ਾਦਾਰੀ: ਮਾਲਕ ਨੂੰ ਬਚਾਉਣ ਲਈ ਕੋਬਰੇ ਨਾਲ ਭਿੜ ਗਈ ਬਿੱਲੀ, ਵੀਡੀਓ ਵਾਇਰਲ
ਬਿੱਲੀ ਨੇ ਆਪਣੀ ਜਾਨ ਦੀ ਵੀ ਨਹੀਂ ਕੀਤੀ ਪ੍ਰਵਾਹ
ਭੁਵਨੇਸ਼ਵਰ: ਤੁਸੀਂ ਪਾਲਤੂ ਜਾਨਵਰ ਦੀ ਵਫ਼ਾਦਾਰੀ ਦੀਆਂ ਕਈ ਕਹਾਣੀਆਂ ਸੁਣੀਆਂ ਹੋਣਗੀਆਂ। ਕਿਤੇ ਕੁੱਤਾ ਆਪਣੇ ਮਾਲਕ ਦੀ ਜਾਨ ਬਚਾਉਂਦਾ ਹੈ ਤੇ ਕਿਤੇ ਬਿੱਲੀ। ਉੜੀਸਾ ਦੀ ਰਾਜਧਾਨੀ ਭੁਵਨੇਸ਼ਵਰ ਤੋੇਂ ਵੀ ਅਜਿਹੀ ਹੀ ਇੱਕ ਘਟਨਾ ਸਾਹਮਣੇ ਆਈ ਹੈ।
ਜਿਥੇ ਇਕ ਪਾਲਤੂ ਬਿੱਲੀ ਆਪਣੇ ਮਾਲਕ ਨੂੰ ਬਚਾਉਣ ਲਈ ਇਕ ਕੋਬਰਾ ਸੱਪ ਨਾਲ ਭਿੜਕ ਗਈ। ਸੱਪ ਆਪਣੀ ਸੀਰੀ (ਫਨ) ਫੈਲਾ ਕੇ ਘਰ ਵਿੱਚ ਦਾਖਲ ਹੋਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ, ਪਰ ਬਹਾਦਰ ਬਿੱਲੀ ਨੇ ਉਸ ਨੂੰ ਅੰਦਰ ਜਾਣ ਨਹੀਂ ਦਿੱਤਾ।
ਘਟਨਾ ਉੜੀਸਾ ਦੀ ਰਾਜਧਾਨੀ ਭੁਵਨੇਸ਼ਵਰ ਦੇ ਕਪਿਲਾਸ ਖੇਤਰ ਦੀ ਹੈ। ਦਰਅਸਲ, ਇਥੇ ਇਕ ਘਰ ਦੇ ਮਾਲਕ ਲਈ, ਉਸ ਦੀ 'ਸੋਨੀ' ਨਾਮ ਦੀ ਬਿੱਲੀ ਨੇ ਆਪਣੀ ਜਾਨ ਦੀ ਬਾਜ਼ੀ ਲਾ ਕੇ ਆਪਣੇ ਮਾਲਕ ਦੀ ਜਾਨ ਬਚਾਈ। 'ਸੋਨੀ' ( ਬਿੱਲੀ) ਨੇ ਕੋਬਰਾ ਸੱਪ ਨੂੰ ਘਰ ਵਿਚ ਦਾਖਲ ਨਹੀਂ ਹੋਣ ਦਿੱਤਾ। ਲਗਭਗ ਘੰਟਿਆਂ ਤੱਕ ਚੱਲੀ ਜੱਦੋ ਜਹਿਦ ਤੋਂ ਬਾਅਦ ਸੱਪ ਨੇ ਹਾਰ ਮੰਨ ਲਈ ਤੇ ਵਾਪਸ ਚਲਾ ਗਿਆ।
ਪਾਲਤੂ ਬਿੱਲੀ ਨੇ ਕੋਬਰਾ ਨੂੰ ਘਰ ਦੇ ਅੰਦਰ ਜਾਣ ਤੋਂ ਰੋਕਿਆ। ਸੋਨੀ ਨਾਮ ਦੀ ਇੱਕ ਪਾਲਤੂ ਬਿੱਲੀ ਨੇ ਨਾ ਸਿਰਫ ਕੋਬਰਾ ਨੂੰ ਮਾਲਕ ਦੇ ਘਰ ਵਿੱਚ ਦਾਖਲ ਹੋਣ ਤੋਂ ਰੋਕਿਆ, ਬਲਕਿ ਕਈ ਘੰਟਿਆਂ ਲਈ ਘਰ ਦੀ ਪਹਿਰੇਦਾਰੀ ਵੀ ਕੀਤੀ। 'ਸੋਨੀ' ਘਰ ਦੇ ਅੰਦਰ ਜ਼ਹਿਰੀਲੇ ਸੱਪ ਦੇ ਪ੍ਰਵੇਸ਼ ਨੂੰ ਰੋਕਣ ਅਤੇ ਇਸਦੇ ਮਾਲਕਾਂ ਦੀ ਜਾਨ ਬਚਾਉਣ ਲਈ ਘੰਟਿਆਂ ਬੱਧੀ ਮਸ਼ੱਕਤ ਕਰਦੀ ਰਹੀ।
'ਸੋਨੀ' (ਬਿੱਲੀ) ਨੇ ਆਪਣੇ ਮਕਾਨ ਮਾਲਕ ਤੇ ਉਸਦੇ ਪਰਿਵਾਰ ਲਈ ਆਪਣੀ ਜਾਨ ਦੀ ਪ੍ਰਵਾਹ ਵੀ ਨਹੀਂ ਕੀਤੀ। ਮਕਾਨ ਮਾਲਕ ਨੇ ਦੱਸਿਆ ਕਿ ਉਸ ਦੀ ਬਿੱਲੀ ਡੇਢ ਸਾਲ ਦੀ ਹੈ, ਜਦੋਂ ਤੱਕ ਸੱਪ ਬਚਾਅ ਟੀਮ ਨਹੀਂ ਆਈ, ਉਦੋਂ ਤੱਕ ਪਾਲਤੂ ਬਿੱਲੀ ਸੱਪ ਨੂੰ ਰੋਕਣ ਲਈ ਚੌਕਸੀ ਕਰਦੀ ਰਹੀ।