CBSE 12th Toppers 2022: ਯੂਪੀ ਦੀ ਤਾਨਿਆ ਸਿੰਘ ਅਤੇ ਯੁਵਕਸ਼ੀ ਵਿਗ ਬਣੀਆਂ ਟਾਪਰ
ਹਾਸਲ ਕੀਤੇ 500 ਵਿਚੋਂ 500 ਅੰਕ
ਬੁਲੰਦਸ਼ਹਿਰ : CBSE ਬੋਰਡ 12ਵੀਂ 'ਚ ਇਕ ਵਾਰ ਫਿਰ ਕੁੜੀਆਂ ਨੇ ਬਾਜ਼ੀ ਮਾਰੀ ਹੈ। ਕੁੱਲ 94.54 ਫੀਸਦੀ ਵਿਦਿਆਰਥਣਾਂ ਪਾਸ ਹੋਈਆਂ ਹਨ। ਉੱਤਰ ਪ੍ਰਦੇਸ਼ ਦੇ ਬੁਲੰਦਸ਼ਹਿਰ ਦੀ ਤਾਨਿਆ ਸਿੰਘ ਅਤੇ ਨੋਇਡਾ ਦੀ ਯੁਵਕਸ਼ੀ ਵਿਗ ਨੇ ਟਾਪ ਕੀਤਾ ਹੈ। ਦੋਵਾਂ ਨੇ 500 ਚੋਂ 500 ਅੰਕ ਹਾਸਲ ਕੀਤੇ ਹਨ। ਤਾਨਿਆ ਡੀਪੀਐਸ ਦੀ ਵਿਦਿਆਰਥਣ ਹੈ, ਜਦਕਿ ਯੁਵਕਸ਼ੀ ਮੇਟੀ ਸਕੂਲ ਵਿੱਚ ਪੜ੍ਹਦੀ ਹੈ। ਇਸ ਦੇ ਨਾਲ ਹੀ ਡੀਪੀਐਸ ਗਾਜ਼ੀਆਬਾਦ ਦੀ ਵਿਦਿਆਰਥਣ ਆਸ਼ਿਮਾ ਨੇ 497 ਅੰਕ ਪ੍ਰਾਪਤ ਕਰਕੇ 99.4 ਫੀਸਦੀ ਅੰਕ ਹਾਸਲ ਕੀਤੇ ਹਨ। ਧੀਆਂ ਦੀ ਇਸ ਕਾਮਯਾਬੀ ਤੋਂ ਪੂਰਾ ਪਰਿਵਾਰ ਬਹੁਤ ਖੁਸ਼ ਹੈ।
12ਵੀਂ ਦੇ ਨਤੀਜੇ 'ਚ ਇਕ ਵਾਰ ਫਿਰ ਲੜਕੀਆਂ ਦਾ ਦਬਦਬਾ ਬਰਕਰਾਰ ਹੈ। ਇਸ ਸਾਲ ਲੜਕੀਆਂ ਦੀ ਪਾਸ ਪ੍ਰਤੀਸ਼ਤਤਾ ਲੜਕਿਆਂ ਦੇ ਮੁਕਾਬਲੇ 3.29 ਫੀਸਦੀ ਵੱਧ ਹੈ। 94.54 ਫੀਸਦੀ ਲੜਕੀਆਂ ਅਤੇ 91.25 ਫੀਸਦੀ ਲੜਕੇ ਪਾਸ ਹੋਏ ਹਨ। ਪਿਛਲੇ ਚਾਰ ਸਾਲਾਂ ਤੋਂ ਨਤੀਜਿਆਂ ਵਿੱਚ ਕੁੜੀਆਂ ਦਾ ਦਬਦਬਾ ਰਿਹਾ ਹੈ।
ਸੀਬੀਐਸਈ 12ਵੀਂ ਦਾ ਨਤੀਜਾ ਪਿਛਲੀ ਵਾਰ ਦੇ ਮੁਕਾਬਲੇ ਘੱਟ ਆਇਆ ਹੈ। ਇਸ ਵਾਰ 14 ਲੱਖ 44 ਹਜ਼ਾਰ 341 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ ਸੀ। 14 ਲੱਖ 35 ਹਜ਼ਾਰ 366 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ। ਇਸ ਵਿੱਚੋਂ 92.71 ਫੀਸਦੀ ਵਿਦਿਆਰਥੀ ਪਾਸ ਹੋਏ ਹਨ। ਯਾਨੀ 13 ਲੱਖ 30 ਹਜ਼ਾਰ 662 ਉਮੀਦਵਾਰ ਸਫਲ ਹੋਏ ਹਨ। ਇਸ ਦੇ ਨਾਲ ਹੀ ਪਿਛਲੇ ਸਾਲ 2021 'ਚ 99.37 ਫੀਸਦੀ ਵਿਦਿਆਰਥੀ 12ਵੀਂ 'ਚ ਪਾਸ ਹੋਏ ਸਨ।