ਰਵੀਨ ਠੁਕਰਾਲ ਦਾ ਪੰਜਾਬ ਦੇ ਨਵੇਂ CM ਦੇ ਦਿੱਲੀ ਦੌਰੇ ’ਤੇ ਤੰਜ਼- ਵਾਹ..ਕੀ 'ਗਰੀਬਾਂ ਦੀ ਸਰਕਾਰ' ਹੈ!

Raveen Thukral on Punjab CM's visit to Delhi

 

ਨਵੀਂ ਦਿੱਲੀ: ਕੈਪਟਨ ਅਮਰਿੰਦਰ ਸਿੰਘ ਦੇ ਸਲਾਹਕਾਰ ਰਵੀਨ ਠੁਕਰਾਲ (Raveen Thukral) ਨੇ ਪੰਜਾਬ ਦੇ ਨਵੇਂ ਨਿਯੁਕਤ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ, ਸੂਬਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਅਤੇ ਉਪ ਮੁੱਖ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਨੂੰ ਚਾਰਟਰਡ ਜਹਾਜ਼ ਰਾਹੀਂ ਦਿੱਲੀ ਜਾਣ 'ਤੇ ਤੰਜ਼ ਕੱਸਿਆ ਹੈ। ਉਨ੍ਹਾਂ ਟਵੀਟ ਕੀਤਾ ਕਿ, " ਵਾਹ.. ਕੀ 'ਗਰੀਬਾਂ ਦੀ ਸਰਕਾਰ' ਹੈ! 5 ਸੀਟਰ ਸਰਕਾਰੀ ਹੈਲੀਕਾਪਟਰ ਉਪਲਬਧ ਹੋਣ 'ਤੇ ਵੀ 4 ਲੋਕਾਂ ਨੂੰ ਲਿਜਾਣ ਲਈ 16 ਸੀਟਰ ਲਿਅਰਜੈੱਟ ਕਿਉਂ?”

ਉਨ੍ਹਾਂ ਅੱਗੇ ਇਹ ਵੀ ਕਿਹਾ ਕਿ ਇਸ ਲਗਜ਼ਰੀ ਸਹੂਲਤ ਦਾ ਪੈਸਾ ਨਵਜੋਤ ਸਿੱਧੂ, ਚਰਨਜੀਤ ਚੰਨੀ ਜਾਂ ਸੁੱਖਜਿੰਦਰ ਰੰਧਾਵਾ ਤਾਂ ਨਹੀਂ ਦੇ ਰਹੇ ਤਾਂ ਇਸ ਦਾ ਪੈਸਾ ਆਮ ਲੋਕ ਹੀ ਭਰ ਰਹੇ ਹੋਣਗੇ! ਮੈਨੂੰ ਹੁਣ ਇਹ ਮਹਿਸੂਸ ਹੁੰਦਾ ਹੈ ਕਿ ਮੈਂ ਪਿਛਲੇ ਸਾਢੇ ਚਾਰ ਸਾਲਾਂ ਤੋਂ ਨੀਂਦ ਵਿਚ ਹੀ ਸੀ, ਜੋ ਇਹ ਮੰਨਦਾ ਰਿਹਾ ਕਿ ਪੰਜਾਬ ਵਿੱਤੀ ਸੰਕਟ 'ਚ ਹੈ।”