ਬਲਾਤਕਾਰ ਮਾਮਲੇ ‘ਚ ਦਾਤੀ ਮਹਾਰਾਜ ਨੂੰ ਨਹੀਂ ਮਿਲੀ ਰਾਹਤ, ਸੁਪਰੀਮ ਕੋਰਟ ਨੇ ਭੇਜਿਆ ਹਾਈਕੋਰਟ

Supreme Court of India

ਨਵੀਂ ਦਿੱਲੀ (ਪੀਟੀਆਈ) : ਬਲਾਤਕਾਰ ਮਾਮਲੇ ਵਿਚ ਸੀਬੀਆਈ ਜਾਂਚ ਦੇ ਆਦੇਸ਼ ਦੇ ਖ਼ਿਲਾਫ਼ ਸੁਪਰੀਮ ਕੋਰਟ ਗਏ ਦਾਤੀ ਮਹਾਰਾਜ ਨੂੰ ਰਾਹਤ ਨਹੀਂ ਮਿਲੀ। ਸੁਪਰੀਮ ਕੋਰਟ ਨੇ ਅੱਜ ਦਾਤੀ ਮਹਾਰਾਜ ਦੇ ਮਾਮਲੇ ‘ਚ ਦਾਖ਼ਲ ਦੇਣ ਤੋਂ ਮਨ੍ਹਾ ਕਰ ਦਿਤਾ ਹੈ। ਸਰਵਉੱਚ ਅਦਾਲਤ ਨੇ ਦਾਤੀ ਮਹਾਰਾਜ ਨੂੰ ਮਾਮਲੇ ਵਿਚ ਦਿੱਲੀ ਹਾਈਕੋਰਟ ਵਿਚ ਜਾਣ ਨੂੰ ਕਿਹਾ ਹੈ। ਬਲਾਤਕਾਰ ਦੇ ਦੋਸ਼ੀ ਦਾਤੀ ਮਹਾਰਾਜ ਨੇ ਦਿੱਲੀ ਹਾਈਕੋਰਟ ਦੇ 3 ਅਕਤੂਬਰ ਦੇ ਉਸ ਆਦੇਸ਼ ਨੂੰ ਚੁਣੌਤੀ ਦਿਤੀ ਸੀ, ਜਿਸ ਵਿਚ ਦਿਲੀ ਹਾਈਕੋਰਟ ਨੇ ਉਹਨਾਂ ਦੇ ਖ਼ਿਲਾਫ਼ ਬਲਾਤਕਾਰ ਦੇ ਮਾਮਲੇ ਦੀ ਜਾਂਚ ਦਿੱਲੀ ਪੁਲਿਸ ਕ੍ਰਾਈਮ ਬ੍ਰਾਂਚ ਤੋਂ ਸੀਬੀਆਈ ਦੇ ਹਵਾਲੇ ਕਰ ਦਿਤਾ ਸੀ।

ਦੱਸ ਦਈਏ ਕਿ ਤਿੰਨ ਅਕਤੂਬਰ ਨੂੰ ਪੀੜਿਤਾ ਦੀ ਪਟੀਸ਼ਨ ਉਤੇ ਸੁਣਵਾਈ ਕਰਦੇ ਹੋਏ ਦਿੱਲੀ ਹਾਈਕੋਰਟ ਨੇ ਮਾਮਲੇ ਨੂੰ ਦਿੱਲੀ ਪੁਲਿਸ ਕ੍ਰਾਈਮ ਬ੍ਰਾਂਚ ਤੋਂ ਸੀਬੀਆਈ ਨੂੰ ਟ੍ਰਾਂਸਫਰ ਕਰਨ ਦਾ ਆਦੇਸ਼ ਦਿੱਤਾ ਸੀ। ਹਾਈਕੋਰਟ ਨੇ ਸੀਬੀਆਈ ਨੂੰ ਦੁਬਾਰਾ ਜਾਂਚ ਕਰਕੇ ਸਪਲੀਮੈਂਟਰੀ ਚਾਰਜ਼ਸ਼ੀਟ ਦਖ਼ਲ ਕਰਨ ਦਾ ਨਿਰਦੇਸ਼ ਵੀ ਦਿਤਾ ਸੀ। ਹਾਈਕੋਰਟ ਨੇ ਦਾਤੀ ਮਹਾਰਾਜ ਦੀ ਗ੍ਰਿਫ਼ਤਾਰੀ ਨਾ ਹੋਣ ਉਤੇ ਦਿੱਲੀ ਪੁਲਿਸ ਕ੍ਰਾਈਮ ਬ੍ਰਾਂਚ ਨੂੰ ਫਟਕਾਰ ਵੀ ਲਗਾਈ ਸੀ। ਪੀੜਿਤਾ ਨੇ ਦਿੱਲੀ ਹਾਈ ਕੋਰਟ ਵਿਚ ਪਟੀਸ਼ਨ ਦਾਖ਼ਲ ਕਰਕੇ ਸੀਬੀਆਈ ਜਾਂਚ ਅਤੇ ਦਾਤੀ ਦੀ ਗ੍ਰਿਫ਼ਤਾਰੀ ਦੀ ਮੰਗ ਕੀਤੀ ਸੀ।

ਦਿੱਲੀ ਪੁਲਿਸ ਦੀ ਕ੍ਰਾਈਮ ਬ੍ਰਾਂਚ ਨੇ ਬਲਾਤਕਾਰ ਮਾਮਲੇ ਵਿਚ ਦਾਤੀ ਮਹਾਰਾਜ ਦੇ ਖ਼ਿਲਾਫ਼ ਸਾਕੇਤ ਕੋਰਟ ਵਿਚ ਚਾਰਜ਼ਸ਼ੀਟ ਦਾਖ਼ਲ ਕੀਤੀ ਸੀ। ਦਾਤੀ ਮਹਾਰਾਜ ਦੀ ਬਿਨ੍ਹਾ ਗ੍ਰਿਫ਼ਤਾਰੀ ਦੇ ਇਹ ਚਾਰਜ਼ਸ਼ੀਟ ਦਾਖ਼ਲ ਕੀਤੀ ਗਈ ਸੀ। ਦਾਤੀ ਅਤੇ ਉਸਦੇ ਤਿੰਨ ਸੌਤੇਲੇ ਭਰਾਵਾਂ ਦਾ ਨਾਂ ਵੀ ਇਸ ਚਾਰਜ਼ਸ਼ੀਟ ਦੇ ਕਾਲਮ ਨੰਬਰ 11 ਵਿਚ ਦੋਸ਼ੀ ਦੇ ਤੌਰ ਉਤੇ ਰੱਖਿਆ ਗਿਆ ਸੀ। ਕ੍ਰਾਈਮ ਬ੍ਰਾਂਚ ਨੂੰ ਦਾਤੀ ਨੂੰ ਗ੍ਰਿਫ਼ਤਾਰ ਕਰਨ ਦੇ ਡਾਕਟਰੀ ਸਬੂਤ ਨਹੀਂ ਮਿਲੇ ਸੀ। ਕ੍ਰਾਈਮ ਬ੍ਰਾਂਚ ਸੂਤਰਾਂ ਦੇ ਮੁਤਾਬਿਕ ਪੀੜਿਤਾ ਨੇ ਪਾਲੀ ਆਸ਼ਰਮ ਵਿਚ ਜਿਹੜੀਆਂ ਤਿੰਨ ਤਰੀਕਾਂ ਉਤੇ ਉਸ ਦੇ ਨਾਲ ਬਲਾਤਕਾਰ ਹੋਣ ਦੀ ਐਫ਼ਆਈਆਰ ਕਰਜ਼ ਕਰਵਾਈ ਗਈ ਸੀ।

ਉਸ ਵਿਚੋਂ ਇਕ ਤਰੀਕ ਨੂੰ ਲੜਕੀ ਪਾਲੀ ਵਿਚ ਮੌਜੂਦ ਨਹੀਂ ਸੀ, ਸਗੋਂ ਅਜਮੇਰ ਵਿਚ ਅਪਣੇ ਕਾਲਜ਼ ਵਿਚ ਮੌਜੂਦ ਸੀ। ਜਿਸ ਦੇ ਸਬੂਤ ਕਾਲਜ਼ ‘ਚ ਪੀੜਿਤਾ ਦੀ ਹਾਜ਼ਰੀ ਤੋਂ ਪਤਾ ਚੱਲਿਆ ਹੈ। ਪੀੜਿਤ ਲੜਕੀ ਦੀ ਸ਼ਿਕਾਇਤ ਉਤੇ ਫਤਿਹਪੁਰੀ ਬੇਰੀ ਥਾਣੇ ਦੀ ਪੁਲਿਸ ਨੇ 7 ਜੂਨ ਨੂੰ ਦਾਤੀ ਅਤੇ ਉਸ ਦੇ ਤਿੰਨ ਸੌਤੇਲੇ ਭਰਾਵਾਂ ਅਸ਼ੋਕ, ਅਰਜਨ, ਅਤੇ ਅਨਿਲ ਦੇ ਖ਼ਿਲਾਫ਼ ਬਲਾਤਕਾਰ ਦੇ ਦੋਸ਼ ਵਿਚ ਐਫ਼ਆਈਆਰ ਦਰਜ਼ ਕੀਤੀ ਸੀ। ਸ਼ਿਕਾਇਤ ਕਰਤਾ ਦਾ ਕਹਿਣਾ ਸੀ ਕਿ ਕਥਿਤ ਦੋਸ਼ੀਆਂ ਨੇ ਸਾਲ 2016 ਵਿਚ ਇਥੇ ਅਤੇ ਰਾਜਸਥਾਨ ਸਥਿਤ ਅਪਣੇ ਆਸ਼ਰਮ ‘ਚ ‘ਚਰਨ ਸੇਵਾ’ ਦੇ ਨਾਮ ਉਤੇ ਉਸ ਦਾ ਸ਼ਰੀਰਕ ਸ਼ੋਸ਼ਣ ਕੀਤਾ ਸੀ। ਦੋਸ਼ ਦੇ ਮੁਤਾਬਿਕ ਲੜਕੀ ‘ਤੇ ਪੇਸ਼ਾਬ ਪੀਣ ਤਕ ਦਾ ਦਬਾਅ ਵੀ ਪਾਇਆ ਗਿਆ ਸੀ। 12 ਜੂਨ ਨੂੰ ਇਹ ਕੇਸ ਸਥਾਨਿਕ ਪੁਲਿਸ ਤੋਂ ਲੈ ਕੇ ਕ੍ਰਾਈਮ ਬ੍ਰਾਂਚ ਨੂੰ ਟ੍ਰਾਂਸਫਰ ਕਰ ਦਿਤਾ ਗਿਆ ਸੀ।