ਜਲ ਸੈਨਾ ਦੀ ਵਧੇਗੀ ਤਾਕਤ, ਆਈ.ਐਨ.ਐਸ. ਕਵਰਤੀ ਜਲ ਸੈਨਾ 'ਚ ਅੱਜ ਹੋਵੇਗਾ ਸ਼ਾਮਲ 

INS Kavaratti

ਕੋਲਕਾਤਾ: ਕੁੱਝ ਮਹੀਨਿਆਂ ਤੋਂ ਚੀਨ ਦੇ ਨਾਲ ਚੱਲ ਰਹੇ ਲਗਾਤਾਰ ਟਕਰਾਅ ਵਿਚਕਾਰ ਭਾਰਤ ਆਪਣੀ ਤਾਕਤ ਮਜ਼ਬੂਤ ਕਰਨ ਦੀ ਦਿਸ਼ਾ ਵਿਚ ਕਈ ਕਦਮ ਚੁੱਕ ਰਿਹਾ ਹੈ। ਇਸੇ ਕੜੀ ਤਹਿਤ ਭਾਰਤ ਅੱਜ ਆਪਣੀ ਜਲ ਸੈਨਾ ਵਿਚ ਆਈ.ਐਨ.ਐਸ. ਕਵਰਤੀ ਨੂੰ ਸ਼ਾਮਲ ਕਰਨ ਜਾ ਰਿਹਾ ਹੈ। ਇਸ ਦਾ ਨਿਰਮਾਣ ਕੋਲਕਾਤਾ ਦੇ ਗਾਰਡਨ ਰੀਚ ਸ਼ਿਪਬਿਲਡਰਜਡ ਐਂਡ ਇੰਜੀਨਿਅਰਸ ਵਲੋਂ ਕੀਤਾ ਗਿਆ ਹੈ।

ਡਾਇਰੈਕਟਰੇਟ ਆਫ ਨੇਵਲ ਡਿਜ਼ਾਇਨ ਵਲੋਂ ਇਸ ਨੂੰ ਡਿਜ਼ਾਇਨ ਕੀਤਾ ਗਿਆ ਹੈ। ਜੋ ਆਤਮ ਨਿਰਭਰ ਭਾਰਤ ਵੱਲ ਇਹ ਅਹਿਮ ਕਦਮ ਮੰਨਿਆ ਜਾ ਰਿਹਾ ਹੈ। ਇਸ ਨਾਲ ਭਾਰਤ ਦੀ ਜਲ ਸੈਨਾ ਦੀ ਸ਼ਕਤੀ 'ਚ ਵਾਧਾ ਹੋਵੇਗਾ। ਇਸ ਤੋਂ ਇਲਾਵਾ ਜਲਸੈਨਾ ਕੋਲ ਤਿੰਨ ਹੋਰ ਅਜਿਹੇ ਜੰਗੀ ਜਹਾਜ਼ ਹਨ। ਕਵਰਤੀ ਜੀਆਰਐਸਈ ਦੁਆਰਾ ਬਣਾਇਆ ਗਿਆ 104 ਵਾਂ ਸਮੁੰਦਰੀ ਜਹਾਜ਼ ਹੋਵੇਗਾ।

ਇਸ ਦਾ 90 ਫੀਸਦੀ ਹਿੱਸਾ ਸਵਦੇਸ਼ੀ ਤੌਰ 'ਤੇ ਬਣਾਇਆ ਗਿਆ ਹੈ ਅਤੇ ਨਵੀਂ ਟੈਕਨੋਲੋਜੀ ਦੀ ਸਹਾਇਤਾ ਨਾਲ ਇਸ ਦੀ ਰੱਖ-ਰਖਾਅ ਦੀ ਜ਼ਰੂਰਤ ਵੀ ਘੱਟ ਜਾਵੇਗੀ। ਰੱਖਿਆ ਸੂਤਰਾਂ ਨੇ ਦੱਸਿਆ ਕਿ ਇਹ ਜਹਾਜ਼ ਪ੍ਰਮਾਣੂ, ਰਸਾਇਣਕ ਅਤੇ ਜੀਵ-ਵਿਗਿਆਨਕ ਯੁੱਧ ਦੀ ਸਥਿਤੀ ਵਿਚ ਵੀ ਕੰਮ ਕਰੇਗਾ। ਰਾਡਾਰ ਦੀ ਪਕੜ ਵਿਚ ਨਾ ਆਉਣ ਕਾਰਨ ਜਲਸੈਨਾ ਦੀ ਤਾਕਤ ਵਿਚ ਵਾਧਾ ਹੋਵੇਗਾ।

ਇਸ ਤੋਂ ਇਲਾਵਾਤਿੰਨ ਐਂਟੀ-ਰਡਾਰ ਅਤੇ ਐਂਟੀ-ਪਣਡੁੱਬੀ ਜਹਾਜ਼ ਹਨ - ਆਈ.ਐੱਨ.ਐੱਸ. ਕਮੋਰਟਾ, ਆਈ.ਐੱਨ.ਐੱਸ. ਕਦਮਤ ਅਤੇ ਆਈ.ਐਨ.ਐੱਸ. ਇਹ ਨਾਮ ਲਕਸ਼ਦਵੀਪ ਦੀਪ ਸਮੂਹ ਦੇ ਟਾਪੂਆਂ ਦੇ ਨਾਮ ਤੇ ਰੱਖੇ ਗਏ ਹਨ।