LAC ਤੇ ਦੇਖੇ ਗਏ ਚੀਨ ਦੇ ਜਾਸੂਸ, ਹਾਈ ਅਲਰਟ 'ਤੇ Indian Army

ਲੱਦਾਖ: ਭਾਰਤੀ ਖ਼ੁਫੀਆ ਏਜੰਸੀਆਂ ਨੇ ਖੁਲਾਸਾ ਕੀਤਾ ਹੈ ਕਿ ਭਾਰਤ-ਚੀਨ ਸਰਹੱਦੀ ਵਿਵਾਦ 'ਤੇ ਚੀਨੀ ਜਾਸੂਸਾਂ ਦੀ ਸਰਗਰਮੀ ਵਧੀ ਹੈ। ਭਾਰਤੀ ਖ਼ੁਫੀਆ ਏਜੰਸੀ ਦੇ ਅਨੁਸਾਰ, ਹਾਲ ਹੀ ਵਿੱਚ ਸਿੱਕਮ ਅਤੇ ਅਰੁਣਾਚਲ ਪ੍ਰਦੇਸ਼ ਦੀ ਸਰਹੱਦ ਅਤੇ ਅਸਲ ਕੰਟਰੋਲ ਰੇਖਾ (ਐਲਏਸੀ) ਦੇ ਨਾਲ ਨਾਲ ਕਈ ਚੀਨੀ ਜਾਸੂਸ ਵੇਖੇ ਗਏ ਹਨ। ਇਹ ਭਾਰਤ ਲਈ ਚਿੰਤਾ ਦਾ ਵਿਸ਼ਾ ਹੈ।

ਸਰਹੱਦ 'ਤੇ ਵਧੀ ਚੀਨੀ ਜਾਸੂਸਾਂ ਦੀ ਸਰਗਰਮੀ 
ਸੂਤਰਾਂ ਅਨੁਸਾਰ ਚੀਨ ਦੇ ਜਾਸੂਸਾਂ ਦੀ ਪਛਾਣ ਲੱਦਾਖ ਦੇ ਦੌਲਤ ਬੇਗ ਔਲਡੀ ਸੈਕਟਰ ਦੇ ਕਾਰਾਕੋਰਮ ਨੇੜੇ ਹੋਈ ਹੈ। ਹਾਲਾਂਕਿ ਅਜੇ ਇਸ ਬਾਰੇ ਅਧਿਕਾਰਤ ਤੌਰ 'ਤੇ ਕੁਝ ਨਹੀਂ ਕਿਹਾ ਹੈ।  ਮੀਡੀਆ ਅਨੁਸਾਰ ਲੱਦਾਖ ਤੋਂ ਇਲਾਵਾ, ਸਿੱਕਮ ਅਤੇ ਅਰੁਣਾਚਲ ਪ੍ਰਦੇਸ਼ ਵਿੱਚ ਸਰਹੱਦ ਨੇੜੇ ਚੀਨੀ ਜਾਸੂਸ ਵੇਖੇ ਗਏ ਹਨ।

ਭਾਰਤ ਅਤੇ ਚੀਨ ਵਿਚਾਲੇ ਸਰਹੱਦ 'ਤੇ 8 ਮਹੀਨੇ ਤੋਂ ਤਣਾਅ ਜਾਰੀ
ਮਹੱਤਵਪੂਰਨ ਗੱਲ ਇਹ ਹੈ ਕਿ ਪਿਛਲੇ ਲਗਭਗ 8 ਮਹੀਨਿਆਂ ਤੋਂ ਭਾਰਤ ਅਤੇ ਚੀਨ ਵਿਚਾਲੇ ਅਸਲ ਕੰਟਰੋਲ ਰੇਖਾ (ਐਲਏਸੀ) 'ਤੇ ਤਣਾਅ ਜਾਰੀ ਹੈ। ਦੋਵਾਂ ਦੇਸ਼ਾਂ ਵਿਚਾਲੇ ਆਪਣੀ ਫੌਜ ਵਾਪਸ ਲੈਣ ਲਈ 8 ਦੌਰ ਦੀ ਗੱਲਬਾਤ ਹੋ ਚੁੱਕੀ ਹੈ, ਪਰ ਮਾਮਲਾ ਅਜੇ ਤਕ ਨਹੀਂ ਪਹੁੰਚ ਸਕਿਆ ਹੈ।

ਚੀਨੀ ਸੈਨਿਕ ਭਾਰਤ ਦੀ ਸਰਹੱਦ 'ਤੇ ਫੜਿਆ ਗਿਆ
ਦੱਸ ਦਈਏ ਕਿ 8 ਜਨਵਰੀ 2021 ਨੂੰ ਪੂਰਬੀ ਲੱਦਾਖ ਵਿੱਚ ਭਾਰਤੀ ਫੌਜ ਨੇ ਇੱਕ ਚੀਨੀ ਸਿਪਾਹੀ ਨੂੰ  ਗ੍ਰਿਫਤਾਰ ਕੀਤਾ ਸੀ। ਜੋ ਅਸਲ ਕੰਟਰੋਲ ਰੇਖਾ ਨੂੰ ਪਾਰ ਕਰ ਕੇ ਭਾਰਤ ਦੀ ਸਰਹੱਦ ਵਿਚ ਆ ਗਿਆ। ਹਾਲਾਂਕਿ, ਚੀਨੀ ਸਿਪਾਹੀ ਨੂੰ ਬਾਅਦ ਵਿੱਚ ਰਿਹਾਅ ਕਰ ਦਿੱਤਾ ਗਿਆ ਸੀ। ਉਸ ਸਮੇਂ, ਚੀਨੀ ਸੈਨਾ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ ਦੀ ਤਰਫੋਂ ਇੱਕ ਬਿਆਨ ਜਾਰੀ ਕੀਤਾ ਗਿਆ ਸੀ ਕਿ ਹਨੇਰਾ ਹੋਣ ਕਾਰਨ ਸਾਡਾ ਸੈਨਿਕ ਸਰਹੱਦ ਪਾਰ ਕਰਕੇ ਭਾਰਤ ਚਲਾ ਗਿਆ। ਭਾਰਤੀ ਫੌਜ ਨੇ ਸਾਡੇ ਸਿਪਾਹੀ ਨੂੰ ਵਾਪਸ ਕਰ ਦਿੱਤਾ ਹੈ।